Arsenal ipo katika hatua za mwisho za kumsajili Nicolas Pepe

Arsenal imefikia makubaliano ya dau la paundi milioni 72 na timu ya LOSC Lille ili kumsajili winga matata mzaliwa wa Ivory Cost, Nicolas Pepe.

Arsenal ipo katika hatua za mwisho za kumsajili Nicolas Pepe

Habari hizo zilizopolewa kwa shangwe kubwa na mashabiki wengi wa Arsenal zilitolewa na mtangazani wa BBC,David Ornstein wakati wa kipindi cha michezo cha BBC radio.

Katika mahojiano na kipindi hicho, David alisema ya kwamba  tayari Lille na Arsenal walikuwa wameshakubaliana na Arsenal kuhusu uhamisho wa mchezaji huyo ingawa kulikuwa bado hakuna makubaliano rasmi kati ya kambi ya mchezaji huyo na timu ya Arsenal.

 

Mara baada ya kutoka kwa taarifa hizo, zilikuja taarifa nyingine ambazo zinadai ya kwamba tayari mchezaji huyo ameshaafikiana na Arsenal kuhusu mshahara na pia mwakilishi wake atapokea Euro milioni 10 kama asante kwa mshawishi Pepe kuja Arsenal.

Winga huyo ambaye alifunga magoli 22 na kusaidia kupatikana kwa mengine 11 inasemekana ya kwamba alikuwa anawaniwa na timu nyingi kubwa barani Ulaya zikiwemo, Liverpool, Manchester United, Bayern Munich na Napoli na kuamua kuja Arsenal ni ishara tosha ya kwamba bado Arsenal ina mvuto linapokuja suala la kusajili wachezaji wenye mvuto mkubwa.

Pia katika taarifa hizo David aligusia ya kwamba Arsenal haina mpango wa kumuuza mmoja kati ya Aubamayang au Lacazette ili kulipia gharama za usajili huo habari ambazo ni kama mziki mtamu mbele ya mashabiki wa Arsenal.

Baada ya Arsenal kuwapoteza Alexis Sanchez na Theo Walcott, Arsenal ilikuwa haina mawinga na kulazimisha kuwachezesha viungo washambuliaji kama mawinga kitu ambacho kilisababisha timu kushindwa kufanya mashambulizi kupitia pembeni mwa uwanja hasa inapocheza na timu ndogo zinazokusanya wachezaji kati kati ya uwanja na kusababisha kupata matokea yasiyo ridhisha, usajili wa Pepe utakuja kuondoa tatizo hilo.

Speak Your Mind

*