Arsenal wakubaliana na Celtic kuhusu ada ya uhamisho wa Kieran Tierney

Arsenal imekubaliana na timu ya Celtic kuhusu ada ya uhamisho wa beki wa kushoto Kieran Tierney.

Arsenal wakubaliana na Celtic kuhusu ada ya uhamisho wa  Kieran Tierney

Awali kulikuwa na tetesi za kwamba Arsenal ilitaka kumsajili mchezaji huyo lakini Celtic walikataa ofa mbili za mwanzo zilizotolewa na Arsenal.

Lakini sasa vyanzo vingi vya habari vikiwemo BBC na Sky Sport wanahabarisha ya kwamba timu hizo zomeshafikia makubaliano juu ya ada wa uhamisho na mchezaji huyo tayari alikuwa safarini kuelekea London kwa ajili ya kuwanyiwa vipimo kabla ya kusaini mkataba wa miaka mitano wa kuichezea Arsenal.

Baada ya kuruhusu magoli 52 msimu uliopita Arsenal ina mpango wa kuongeza nguvu katika safu yake ya ulinzi na usajili wa mchezaji huyo ni dalili njema za kupatiwa ufumbuzi kwa tatizo hilo.

Pia Arsenal ipo njiani kutafuta beki wa kati na kulikuwa na tetesi za kwamba David Luiz huenda akawa mchezaji wa Arsenal kabla ya kufungwa kwa dirisha la usajili leo hii.

Iwapo Arsenal itakamilisha usajili wa wachezaji hao wawili itakuwa imepiga hatua kubwa kwani tayari imeshawasajili Martineli, Pepe, William Saliba (ametolewa kwa mkopo ) na Dan Ceballos (amesajiliwa kwa mkopo).

 

Speak Your Mind

*