Rasmi Granit Xhaka asaini mkataba mpya

Kiungo wa Arsenal, Granit Xhaka amesajili mkataba mpya ambao utamfanya aendelee kuichezea Arsenal kwa miaka mitano ijayo.

Rasmi Granit Xhaka asaini mkataba mpya

Kiungo huyo mwenye umri wa miaka 25 alikuwa ni mchezaji pekee wa Arsenal kucheza michezo yote 38 ya Arsenal msimu uliopita ambapo aliweka rekodi ya kuwa mchezaji wa kwanza kwa kupiga pasi nyingi ndani ya msimu mmoja katika ligi ya Uingeleza baada ya kupiga pasi 3,116 msimu wa 2017-2018.

Ameishaichezea Arsenal katika michezo 94 na alikuwa katika kikosi cha Arsenal kilichoshinda kombe la FA mwaka jana.

Pia mchezaji huyo ameishaichezea timu yake ya taifa ya Switzerland katika michezo 61 na kwa sasa yupo na timu hiyo wakishiriki katika kombe la dunia nchini Urusi.

Mara baada ya kusainiwa kwa mkataba huyo kocha mkuu wa Arsenal Unai Emery alisema ya kwamba ana furaha kubwa ya kwamba Granit Xhaka ameongeza mkataba wake wa kuichezea Arsenal kwa sababu ni mmoja ya wachezaji muhimu wa timu na pia bado ni kijana mdogo hivyo kuna nafasi ya kuimalika zaidi katika siku za usoni.

Granit Xhaka atavaa jezi namba 34 msimu ujao namba ambayo iliachwa wazi na Coquelin aliyehamia Valencia katika majira ya usajili ya msimu wa baridi.

Je unaonaje habari hizi za Xhaka kusaini mkataba mpya ? tupia maoni yako hapa chini.

 

Tetesi za usajili Arsenal-Ospina-Torreira-Gotze-David Luiz

Wakati kombe la Dunia limeshaanza na jana wenyeji Urusi kuwafunga Saudi Arabia kwa goli 5-0, bado kuwekuwa na tetesi nyingi zikiwahusihwa wachezaji wanaotaka kuhama ama kuhamia Arsenal.

Katika tetesi za usajili leo tunakuletea taarifa zilizoandikwa na vyombo mbali mbali vya habari kuhusu David Ospina, Lucas Torreira, Mario Gotze na David Luiz.

Mario Gotze

Inasemekana ya kwamba Mario Gotze anataka kuhamia katika ligi kuu ya Uingeleza na Arsenal ni moja ya timu zinazofuatilia muenendo wake na kuangalia uwezekano wa kumsajili mchezaji huyo.

Gotze, ambaye ndiye aliyefunga goli lililowapa lililowafanya Wajerumani wawe mabingwa wa Dunia miaka minne iliyopita amekuwa akikumbwa na majeraha ya mara kwa mara hali iliyomfanya asiwemo kwenye kikosi cha Ujerumani kinachotetea ubingwa wake nchini Urusi.

Gazeti la The Mirror  linahabarisha ya kwamba mchezaji huyo mwenye umri wa miaka 26 anaa mpango wa kuhamia katika ligi kuu ya Uingeleza na timu za Arsenal,Everton,West Ham ,Leicester na Newcastle zinataka kumsajili mchezji huyo.

Lucas Torreira

Arsenal wameshakamilisha usajili wa kiungo kutoka Uruguay, Lucas Torreira, Katika taarifa iliyoandikwa na vyombo vingi vya habari na kuzibitishwa na watu wengi tunaowaamini ni kwamba mchezaji huyo ni mali ya Arsenal na anaweza kutangazwa siku yeyote kuanzia sasa.

David Luiz

Tetesi za usajili Arsenal-Ospina-Torreira-Gotze-David Luiz

Le10Sport  wameandika ya kwamba Arsenal wamepeleka ombi la kumsajili beki wa kati wa Chelsea kwa dau la paundi milioni 20, dau ambalo lilikataliwa na Chelsea.

Luiz ambaye amekuwa hapati namba katika timu ya Chelsea , inasemekana ana mpango wa kuondoka katika timu hiyo na pia kuna tetesi nyingine za kwamba Arsenal watatuma ombi jingine la kumsajili mchezaji huyo na kuboresha kiasi cha pesa ambacho watatoa.

David Ospina

Tetesi-Tigres na Fenerbahçe wamuwania David Ospina

Arsenal wanaweza kumuuza David Ospina ili kupata pesa ya kumsajili golikipa kutoka  Bayer Leverkusen, Bernd Leno.

Leno yupo katika orodha ya wachezaji wanaotakiwa na Arsenal na inasemekana ya kwamba Arsenal wanaweza kumpata kwa dau la paundi milioni 22.

Ili kupata pesa ya kumnunua kipa huyo, Arsenal wana mpango wa kumuuza Ospina na gazeti la

And in order to pay for the Germany shot-stopper, reserve goalkeeper Ospina could be heading out of the exit door.

The Daily Mail  linahabarisha ya kwamba mchezaji huyo kutoka Colombia anaweza kuuzwa kwenda timu ya Tigres ya Mexico.

Hizo ni tetesi za usajili wa Arsenal kwa siku ya leo, zingine kesho Mungu akipenda,Usisahau kushara na wengine pia ili waweze kusoma hizi tetesi.

 

Arsenal yaingia mkataba na Tidal

Arsenal imepata mdhamini mpya baada ya kuingia mkataba na kampuni ya musiki Tidal.

Arsenal walitangaza jumatatu ya kwamba wameingia mtakaba na kampuni hiyo ambao inajihusisha na kusambaza mziki kwenye internet.

Huu ni mkataba wa pili ndani wa wiki chache zilizopita baada ya Arsenal kuingia mkataba na Visit Rwanda’ ambaowaliingiamkatabawenyedhamani ya dolamilioni 30 mwishoni mwa mwezi uliopita.

Kwenye tovuti rasmi ya Arsenal hawajaelezea ni kiasi gani watapata katika mkataba huo, lakini mtandao wa Goal unadai ya kwamba katika mkataba huo Arsenal watakuwa wanalipwa paundi milioni 1 kwa mwaka.

Mkataba huo hauleti pesa nyingi lakini naamini utachangia katika mapato ya Arsenal, kwani timu kwa sasa inaonesha ya kwamba inafanya vizuri kiuchumi kwa kupata mikataba minono na ya pesa ndefu zaidi.

Arsenal ambayo haitashiriki katika michuano ya kombe la mabingwa wa ulaya kwa msimu wa pili sasa inahitaji pesa kutoka kwa wadhamini ili iweke kufidia pesa ambazo imezikosa.

Pia sisi kama mashabiki wa Arsenal tunategemea ya kwamba pesa zitakazopatikana katika mikataba kama hii zitatumika katika kuiboresha timu kwa kufanya usajili wa maana.

Kama unataka kusikiliza nyimbo zilizochaguliwa na wachezaji wa Arsenal,Danny Welbeck, Hector Bellerin na  Reiss Nelson. Bofya hapa http://tidal.com/arsenal

 

 

Tetesi-Tigres na Fenerbahçe wamuwania David Ospina

Timu ya Tigres itajaribu kumsajili golikipa wa Arsenal David Ospina ikiwa golikipa wao  Nahuel Guzman ataihama timu hiyo na kutimkia   Boca Juniors  ya Argentina.

Tetesi-Tigres na Fenerbahçe wamuwania David Ospina

Tigres ambayo inashiliki ligi kuu ya Mexico, wamehusishwa na uhamisho wa Ospina baada ya Nahuel Guzman kufanya kosa la kizembe na kusababisha timu hiyo kufungwa na mahasimu wao Santos katika robo fainali ya Liguilla (nane bora ya ligi kuu ya Mexico) msimu huu.Tigres wapo tayari kumwachia kipa huyo kwa dau la dola milioni 10.

Na kutokana na vyanzo vyingi vya habari hapa Mexico wakiwemi Univision. Kocha mkuu wa Tigres Tuca anataka David Ospina  kiziba pengo hilo.

Ospina alihamia Arsenal mwanzoni mwa msimu wa 2014. Wenger alimfanya kuwa kipa chaguo la kwanza, lakini baadaye alipoteza nafasi hiyo baada ya kusajiliwa kwa Petr Cech kutoka Chelsea.

Ospina ameanza katika michezo 11 tu ya ligi kuu ya Uingeleza katika misimu mitatu iliyopita ingawa alicheza katika michezo 10 kwenye Europa League msimu iliopita.

Wakati Tigres wakijiandaa kuongea na wawakilishi wa Ospina, mtandao mwingine Multimedios unahabarisha ya kwamba tiku kutoka Uturuki Fenerbahçe nao wapo tayari kumsajili mchezaji huyo mwenye umri wa miaka 29.

Kwa sasa Ospina yupo nchini Russia akishiriki michuano ya kombe la Dunia akiiwakilisha nchi yake ya Colombia.

 

Ainsley Maitland-Niles asaini mkataba mpya, Apewa jezi namba 15

Ainsley Maitland-Niles amesaini mkataba mpya wa muda mrefu na Arsenal,katika taarifa ramsi iliyotolewa na tofuti rasmi ya Arsenal, mchezaji huyo amekubali kuendelea kuitumikia timu hiyo ya kaskazini mwa London.

Ainsley Maitland-Niles asaini mkataba mpya, Apewa jezi namba 15

Akiwa amejiunga na chuo cha soka cha Arsenal tangu akiwa na miaka 9, mchezaji huyo alikuwa na msimu wa mafanikio makubwa msimu uliopita ambapo alifanikuwa kuwa sehemu ya kikosi cha kwanza.Alifinikiwa kucheza katika michezo 28 katika msimu wa  2017/18 akicheza kama beki mshambuliaji, beki wa kulia na kiungo.

Mwezi wa 12 mwaka 2014, akiwa na miaka 17 na siku 102,Ainsley Maitland-Niles alifanikiwa kuwa mchezaji mdogo wa pili kuichezea Arsenal katika ligi ya mabingwa wa Ulaya, Baada ya kufanikiwa kuichezea Arsenal kwa mara ya kwanza katika mchezo wa ligi ya mabingwa wa Ulaya.

Aliichezea Arsenal katika mchezo wa kwanza wa ligi kuu ya Uingeleza dhidi ya Newcastle siku nne baadaye.

Ikiwa ni sehemu ya maendeleo yake mchezaji huyo alicheza kwa mkopo katika timu ya Ipswich Town katika msimu wa 2015/16, ambapo alicheza michezo 30, akifunga magoli mawili na alichaguliwa kuwa mchezaji bora wa mwezi katika mwezi wake wa kwanza katika timu hiyo.

Akiwa na timu ya watoto ya Uingelea Ainsley, alikuwa nahodha wa timu ya taifa ya vijana wenye umri wa chini ya miaka 20 ambapo alikuwa ni mmoja ya wachezaji muhimu wakati madogo hao walipochukua kombe la dunia mwezi wa 6 mwaka jana.

wakati huo huo mchezaji huyo amebadilisha namba ya jezi ambapo kwa sasa atakuwa anavaa jezi namba 15.

Ainsley Maitland-Niles asaini mkataba mpya, Apewa jezi namba 15

 

Arsenal yaachana na wachezaji 9

Timu ya Arsenal imetangaza kuachana na wachezaji 9 ambao hawatakuwa katika kikosi cha msimu ujao, Ijumaa iliyopita Arsenal ilipeleka orodha ya wachezaji ambao ina mpango wa kubaki nao na pia ambao inawaacha.

Pia kuna wachezaji ambao wamepewa mikataba ambapo bado hawajasaini, kwa mfano Jack Wilshere ambaye mkataba wake umefika ukingoni na tayari ameshapewa mkataba mpya lakini bado hajausaini kwani anataka kuhakikishiwa namba kabla ya kukubali.

Ifuatayo ni orodha ya wachezaji ambao wataachwa na Arsenal kwa ajili ya msimu ujao:

  • Marc Bola
  • Santi Cazorla
  • Alexander Crean
  • Aaron Eyoma
  • Ryan Huddart
  • Chiori Johnson
  • Hugo Keto
  • Per Mertesacker
  • Tafari Moore

Per Mertesacker,ambaye alikuwa nahodha wa Arsenal anachukua nafasi ya ukocha katika chuo cha soka cha Arsenal, na hataendelea kucheza lakini bado atabakiwa kwenye timu.

Santi Cazorla yeye ameamua kurudi Hispania ambapo tayari ameshaanza kufanya mazoezi na timu ya Villarreal katika maandalizi ya msumu ujao.

Katika orodha hiyo majina mawili ambayo hayakutegemewa ni Marc Bola na Tafari Moore.Wachezaji hao wawili walifanya vizuri katika timu zao walipoenda kwa mkopo, lakini inaonesha ya kwamba jopo la ufundi la Arsenal limeona ya kwamba ni bora liwaachie wakatafute nafasi kwingine.

Wote wawili wana miaka 20 na ingekuwa ni vigumu kwao kupata nafasi katika kikosi cha kwanza na kwa umri huu ni bora wakapate kucheza mara kwa mara katika kikosi cha kwanza.

 

Tetesi-Arsenal yakamilisha usajili wa Joel Lopez kutoka Barcelona

Mwandishi wa kiispania ,Gerard Romero amehabarisha ya kwamba Arsenal imekamilisha usajili wa kinda kutoka Barcelona Joel Lopez.

Tetesi-Arsenal yakamilisha usajili wa Joel Lopez kutoka Barcelona

Joel Lopez , mwenye umri wa miaka 16 ni beki wa kushoto na amekuwa akiichezea Barcelona tangu akiwa na miaka 7 na kwa siku za hivi karibuni amekuwa akisemwa ya kwamba ni mmoja ya vipaji bora kabisha vilivyopo katika chuo cha soka cha wakali hao kutoka Hispania, La Masia.

Pamoja ya kwamba viongozi wengi wa Barcelona wanamuona ni mmoja ya wachezaji wenye kipaji kikubwa kutoka La Masia, timu hiyo imeshindwa kumshawishi mchezaji huyo kusaini mkataba mpya.

Anaelekea Arsenal

Kutoka katika taarifa iliyotolewa na mwandishi Gerard Romero, inaonekana kitendo cha kushindwa kumshawishi kinda huyo kusaini mkataba mpya kinaweza kusababisha kumpoteza mchezaji huyo,kwani kuna taarifa kutoka mcheza wa leo ya kwamba leo asubuhi mchezaji huyo ameshawataarifu viongozi wa Barcelona ya kwamba ameshakubariana na Arsenal na atajiunga na timu hiyo katika majira haya ya Usajili.

Arsenal wamekuwa wakimfuatilia kinda huyo kwa muda mrefu na pia Liverpool walionesha nia ya kumtaka kinda huyo ila uwepo wa Raul Sanllehi katika timu ya Arsenal inasemekana ndiyo sababu ya dogo huyo kuichagua timu hiyo ya kaskazini mwa London.

Iwapo Lopez atajiunga na Arsenal atakuwa amefuata nyota za wakali wengine kutoka La Masia waliofanya hivyo kama Cesc Fabregas, Hector Bellerin na Fran Merida.

Tetesi-Arsenal wakubaliana na Sampdoria kuhusu uhamisho wa Lucas Torreira

Arsneal wamekubali kulipa dau la paundi milioni 25 ili kumnasa kiungo wa Sampdoria Lucas Torreira,hii ni kwa mujibu wa mwandishi wa habari za michezo kutoka Italia Gianluca Di Marzio.

Tetesi-Arsenal wakubaliana na Sampdoria kuhusu uhamisho wa Lucas Torreira

Di Marzio ndiye aliyekuwa wa kwanza kutoa habari ya kwamba kulikuwa na mazungumzo kati ya Arsenal na Sampdoria juu ya uwezeakano wa kumsajili kiungo huyo, lakini alieleza ya kwamba kulikuwa hakuna makubaliano yeyote yaliyofikiwa.

Hii ilitokana na wakala wa mchezaji huyo kuweza vikwazo na hivyo kuomba muda zaidi wa kufikiria ambapo ilitarajiwa ya kwamba tarehe 15 ya mwezi huu ndipo angetoa jibu.

Baada ya habari hiyo kuvuja mtandao wa , SampNews24 umeandika ya kwamba Samppdoria tayari wameshakubali kumuachia mchezaji huyo na pia Arsenal wapo tayari kutoa dau la kuvunja mkataba wake, pia wanaelezea tatizo bado lipo kwa wakala ambaye bado hajaridhika.

Arsenal wana harakisha mpango huo ili mchezaji huyo Asaini kabla ya kuanza kwa kombe la dunia.Torreira anaenda kwenye michuano hiyo akiwa na timu yake ya taifa ya Uruguay na tunajua ya kwamba iwapo atafanya vizuri katika michuano hiyo itaongeza ugumu wa kumpata mchezaji huyo kwani timu nyingi kubwa zitaanza kumtaka.

Inavyoonekana ni kwamba wakala wake anaweza kufanya uamuzi kabla ya kuanza kwa michuano hiyo.

Torreira alikuwa na msimu mzuri katika timu yake ya Sampdoria.Alifunga magoli matano katika michezo 38 na amewavutia mno wakubwa pale Arsenal.

Mchezaji huyo ambaye ni kiungo mkabaji, ana uwezo mkubwa wa kuzuia mashambulizi ya timu pinzani na pia huwa hana tatizo la kwenda uvunguni inapohitajika.

Anapenda kupiga mashuti ya mbali kama Granit Xhaka na pia huwa anafunga kutoka mbali.

Iwapo Arsenal watafanikiwa kukamilisha usajili wa Lucas Torreira,Socratis na kipa naamini msimu ujao timu inaweza kufanya vizuri sana.

Jack Wilshere ataka uhakika wa namba ili abaki Arsenal

Inasemekana ya kwamba kiungo wa Arsenal, Jack Wilshere, ametaka ahakikishiwe nafasi yake kikosini na kocha mkuu wa Arsenal, Unay Emery ili asaini mkataba mpya na kubaki katika timu hiyo.

Jack Wilshere ataka uhakika wa namba ili abaki Arsenal

Katika habari iliyoandikwa na gazeti la Telegraph Mchezaji huyo ambaye mkataba wake unamalizika tarehe 30 ya mwezi huu, bado hajasaini mkataba mpya ingawa kuna taarifa ya kwamba Arsenal wamemuwekea mezani mkataba wa miaka 3 ambapo atakuwa akilipwa paundi laki moja kwa wiki na pia atapewa malipo mengine kwa kila michezo atakayokuwa akicheza.

Lakini kutokana na Arsenal kubadilisha kocha mkuu, Jack ambaye kwa msimu uliopita hakuwa na namba ya kudumu ana mpango wa kukaa chini na Emery ili kujua mipango ya kocha huyo na pia kuhakikishiwa nafasi ya kucheza mara kwa mara.

Jack Wilshere amekuwa mchezaji wa Arsenal tangu akiwa na miaka 9 na amekuwa ni kipenzi cha mashabiki wengi wa Arsenal.Majeraha ya mara kwa mara yamesababisha mchezaji huyo mwenye kipaji cha hali ya juu kushindwa kufikia kilele cha mafanikio, hali iliyomfanya asiwe katika kikosi cha timu ya Taifa ya Uingeleza itakayocheza katika kombe la Dunia nchini Russia.

Je Jack Wilshere ahakikishiwe namba katika kikosi cha kwanza au aondoke na aletwe kiungo mwigine? tupia maoni yako hapa chini.

L’Equipe: Arsenal imekamilisha usajili wa Sokratis Papastathopoulos

Jarida la michezo la kifaransa  L’Equipe, linadai ya kwamba Arsenal imekamilisha usajili wa beki wa kati kutoka Borussia Dortmund, Sokratis Papastathopoulos.

L’Equipe: Arsenal imekamilisha usajili wa Sokratis Papastathopoulos

Sokratis, beki mzoefi aliyeichezea timu ya taifa ya Ugiriki michezo 79, amekuwa akiichezea Dortmund tangu asajiliwe na timu hiyo mwaka 2o13 akitokea kwa wakali wengine kutoka Bundesliga, Werder Bremen.

Katika kipindi cha zaidi ya miaka 5 aliyokaa katika timu hiyo inayotumia uwanja wa Westfalenstadion,beki huyo kisiki alikuwa mhimili mkubwa wa timu hiyo na kumfanya kuwa mmoja ya wachezaji muhimu katika kikosi hicho.Kuondoka kwa Mats Hummels katika majira ya kiangazi ya mwaka 2016 kulimfanua Socratis kuwa kiongozi wa uwanjani wa timu hiyo

Mchezaji huyo mwenye umri wa miaka 29 alicheza michezo 43 katika mashindano yote msimu uliopita, akifunga magoli matatu katika kipindi hicho.

Kutokana na Dortmund kuyumba sana ndani ya miezi 6 iliyopita, kiwango cha mchezaji huyo nacho kiliyumba pia hali iliyosababisha kutaka kuhama ili kubadilisha hali ya hewa.

Kama matokeo ya kuteteleka kwa kiwango chake uwanjani kulikuwa na tetesi ya kwamba mchezaji huyo ameamua kuihama timu hiyo huku Arsenal Manchester United wakitajwa kuongoza mbio za kuiwania saini yake.

Usajili wakamilika

Baba yake na Sokratis alisikika katika kituo kimoja cha redio nchini Ugiriki akisema ya kwamba mwanae ameshaini mkataba wa kuichezea Arsenal tangu jumanne iliyopita, bado hakuna taarifa ramsi kutoka upande wa Arsenal kudhibitisha usajili huo.

Lakini vyanzo vingi vilivyokaribu na Arsenal, na sasa kutoka gazeti la  L’Equipe ,tunaweza kusema ya kwamba Sokrais ameshasajili na atakuwa mchezaji wa Arsenal kwa msimu ujao.Ukiwa ni usajili wa pili baada ya beki wa kulia Stephan Lichtsteiner kudhibitishwa kuhamia Arsenal jumanne iliyopita.

Je Sokratis Papastathopoulos utakuwa ni usajili mzuri? tupia maoni yako hapa chini.

 

Patrick Vieira adhibitisha kuongea na Arsenal

Kiungo na nahodha wa zamani wa Arsenal, Patrick Vieira, amedhibitisha ya kwamba alifanya mazungumzo na Arsenal juu ya Uwezekano wa kuchukua mikoba ya Arsene Wenger na kuwa kocha mkuu wa Arsenal.

Patrick Vieira adhibitisha kuongea na Arsenal

Vieira, ambaye kwa sasa anaifundisha timu ya  New York City FC  inayoshiriki ligi ya soka ya Marekani MLS, alikuwa ni moja ya watu waliokuwa wanahusishwa na kuwa makocha wa Arsenal kabla ya Arsenal kuamua kumchagua Unai Emery kuwa kocha mkuu.

Lakini, Vieira anadai ya kwamba mazungumzo wa mabosi wa Arsenal yalikuwa ni mafupi na hayakuendelea zaidi ya hapo kwani timu iliamua kuangalia makocha wengine.

“Wakurugenzi wa Arsenal walikutana na nilifanya nao mazungumzo, lakini hakukua na maendeleo zaidi , Vieira aliuambia mtandao wa  The Times.

Sababu kubwa ya Vieira kutopewa nafasi ya kuwa kocha mkuu wa Arsenal ni kwamba ana mtazamo wa soka tofauti na wakurugenzi wa Arsenal na ndiyo maana wakaamua kuachana naye na kumchukua Unai Emery.

Vieira aliichezea Arsenal zaidi ya michezo  400 kati ya mwaka 1996 na 2005, akiiongoza timu kutwaa ubingwa wa ligi kuu ya Uingeleza mara tatu na ubingwa wa kombe la FA mara tatu.