Dominic Thompson ajiunga na timu ya Brentford

Beki kinda wa Arsenal, Dominic Thompson amejiunga na timu inayoshiriki ligi daraja la kwanza Uingeleza ya  Brentford kwa mkataba wa kudumu.

Dominic Thompson ajiunga na timu ya  Brentford

Mchezaji huyo mwenye umri wa miaka 21, pia ni uzao wa chuo cha soka cha Arsenal, Hale End Academy ambacho alijiunga nacho mwaka 2012.

Dominic alisaini mkataba wake wa kwanza na Arsenal mwezi wa 6 mwaka 2018 na tayari amechacheza mechi 39 katika timu za vijana wenye umri wa miaka 18 na 23, hakuwani kuichezea timu ya wakubwa katika michezo rasmi ya kimashindano.

Kutokana na ujio wa beki William Saliba mwenye umri wa miaka 18, pia na mabeki wengine vijana kama Konstantinos Mavropanos ambao wana uwezo mkubwa kumliko ingekuwa ni vigumu kwa mchezaji huyo kupata nafasi katika kikosi cha Arsenal katika miaka mingi ijayo na ndiyo maana uongozi wa Arsenal ukaamua kumuuza.

Ada ya uhamisho bado haijawekwa wazi ingawa taarifa tulizonazo ni kwamba timu hiyo itailipa Arsenal ada inayoweza kufikia paundi milioni tatu, kiasi kamili kitategemea na mafanikio ambayo mchezaji huyo atayapata na timu yake mpya na pia Arsenal watapata sehemu ya malipo ya ada iwapo Brentford itaamua kumuuza mchezaji huyo.

Kila la heri Dominic.

Speak Your Mind

*