Arsenal kucheza dhidi ya Leicester City raundi ya tatu ya kombe la Carabao

Ratiba ya raundi ya pili na ya tatu ya kombe la Carabao imetoka na timu ya Arsenal imepangiwa kucheza ugenini dhidi ya timu ya Leicester City.

Arsenal kucheza dhidi ya Leicester City raundi ya tatu ya kombe la Carabao

Kwa kuwa timu zote mbili zitashiriki katika kombe la Europa League, timu hizo hazikupangwa katika raundi ya pili na zitaanzia harakati zao katika raundi ya tatu.

Msimu uliopita Arsenal ilitolewa katika raundi ya nne ya kombe la Carabao  baada ya kutoka sare ya goli 5-5 na Liverpool ambapo Arsenal walifungwa kwa penati 5-4.

Msimu wa mwaka juzi Arsenal ilitolewa katika hatua ya robo fainali na timu ya Totenham Hotspurs baada ya kufungwa goli 2-1. Arsenal haina rekodi nzuri sana katika michuano hii.

Raundi ya tatu ya kombe la Carabao itafanyika katikati ya wiki inayoanzia tarehe 21 ya mwezi wa tisa, na utakuwa baada ya kucheza na West Ham na kabla ya kucheza ugenini dhidi ya Liverpool.

Kutokana na mchezo dhidi ya Liverpool kuwa siku tatu tu baada ya mchezo huu, kuna uwezekanio mkubwa wa kwamba kocha wa Arsenal, Mikel Arteta kuchezesha wachezaji wengi wa akiba katika mchezo huu.

 

Arsenal yafungwa 3-2 na Aston Villa

Arsenal ilifungwa goli 3-2 na timu ya Aston Villa katika mchezo wa kirafiki uliofanyika nyuma ya pazia katika uwanja wa Emirates.

Arsenal yafungwa 3-2 na Aston Villa

Katika mchezo huo wa kujiandaa ya ligi kuu ya Uingeleza inayotegemewa kuanza jumamosi ijayo magoli yote mawili ya Arsenal yalifunga na nahodha wake Pierre Emerick Aubamayang.

Kufungwa kwa Arsenal katika mchezo huo sio jambo la ajabu kwani timu ilichezesha kikosi mchanganyiko wa wachezaji wakongwe na vijana huku wachezaji 9 wa kikosi cha kwanza wakikosa mchezo huo kutokana na kuwa na majukumu na timu zao za taifa.

Arsenal ilicheza mchezo mwingine wa kujipima nguvu jumanne iliyopita na kuifunga timu ya Queens Park Rangers kwa jumla ya goli 4-3.

Katika mchezo wa jana kiungo wa Arsenal Mesut Özil alicheza, ikumbukwe ya kwamba Özil alikuwa hajaichezea Arsenal tangu ligi ianze upya kutokana na sababu ambazo hazikuwekwa wazi.

Pia mchezaji Willian aliyesajiliwa msimu huu akitokea Chelsea, Dani Ceballos ambaye juzi alitangazwa kurudi Arsenal pia walicheza katika mchezo wa jana.

Kwa mujibu wa mwandisha wa habari Charles Watts kutoka Goal.com Villa ndiyo waliokuwa wa kwanza kupata goli baada ya Douglas Luiz kufunga goli la kuongoza na zikiwa zimebaki dakika chache kwenda mapumziko, Aubamayang aliisawazishia Arsenal.

Villa walipata goli la pili kupitia kwa Jacob Ramsey kabla ya Aubamayang kuisawazishia tena timu ya Arsenal kupitia mkwaju wa penati.

Dakika chache baadaye Ramsey aliifungia Astoni Villa goli la tatu na la ushindi katika mchezo huo.

 

Dani Ceballos ajiunga tena na Arsenal kwa Mkopo

Timu ya Arsenal imetangaza kurudi tena kwa kiungo Dani Ceballos kutoka Real Madrid kwa mkopo wa mwaka mmoja.

Dani Ceballos

Dani Ceballos mwenye umri wa miaka 24 aliichezea Arsenal msimu uliopita akitokea Real Madrid na baada ya kumalizika msimu alilazimika kurudi katika timu yake.

Kwa zaidi ya wiki mbili sasa Arsenal walikuwa katika mazungumzo na timu ya Real Madrid ili mchezaji huyo aendelee kuichezea Arsenal kwa mwaka mmoja zaidi.

Jana kulikuwa na taarifa za kwamba timu hizo zimefikia makubaliano ambapo Arsenal italipa mshahara wote wa Ceballos hadi mwezi wa sita mwakani na haitalazimika kumnunua mchezaji huyo ama kuipa pesa Madrid ili kufanikisha mkopo huo.

Ceballos alikuwa sehemu muhimu ya kiungo cha Arsenal msimu uliopita baada ya kucheza kwa maelewano makubwa na Granit Xhaka na kuisaidia Arsenal kubeba kombe la FA.

Mchezaji huyo ataendelea kuvaa jezi namba nane kwa msimu ujao.

Arsenal Yavunja mkataba wa Henrikh Mkhitaryan

Arsenal Yavunja mkataba wa Henrikh Mkhitaryan

Timu ya Arsenal imevunja mkataba wa kiungo Henrikh Mkhitaryan na sasa atajiunga na timu ya Roma ya Italia kwa msimu ujao wa ligi.

Kuvunjwa kwa mkataba huo kumefikiwa baada ya mchezaji huyo na wakala wake kukaa na Uongozi wa Arsenal, katika makubariano hayo mchezaji huyo ataondoka Arsenal bila ada ya uhamisho na Arsenal haitamlipa mchezaji huyo posho ya kumaliza mkataba ( Arsenal huwalipa posho ya kumaliza mkataba wachezaji wote wanaomaliza mikataba yao).

Mchezaji huyo wa kimataifa wa Armenia alikiunga na Arsenal mwezi wa kwanza mwaka 2018 na katika mchezo wake wa kwanza alipiga pasi za mwisho tatu na kuisaidia Arsenal kuifunga Everton 5-1.

Katika kipindi chote alichoichezea Arsenal,Henrikh Mkhitaryan alifunga magoli tisa na kutoa pasi za mwisho za magoli 13 akiisaidia Arsenal kufikia fainali ya kombe la Europa League mwaka 2019.

Kutokana na mchezaji huyo kushindwa kupata namba katika kikosi cha kwanza aliondoka na kujiunga na timu ya Roma kwa mkopo wa mwaka mmoja lakini sasa atajiunga na timu hiyo ya Italia moja kwa moja.

Mkhi alikuwa anavaa jezi namba 7 Arsenal amabayo kwa sasa inavaliwa na kinda Bukayo Saka.

Kila la heri AHenrikh Mkhitaryan

Arsenal kucheza na MK Dons leo usiku

Arsenal itacheza mchezo wake wa kwanza wa kirafiki leo usiku ikicheza na timu ya MK Dons kama sehemu ya maandalizi ya msimu ujao wa ligi.

Arsenal kucheza na MK Dons leo usiku

Mchezo huo wa kirafiki utakuwa ni mchezo wa kwanza wa Arsenal katika maandalizi ya msimu mpya wa ligi ambapo jumamosi ijayo watacheza na timu ya Liverpool katika kugombea ngao ya jamii.

Katika mchezo wa leo kocha mkuu wa Arsenal, Mikel Arteta anategemewa kupanga kikosi chenye mchanganyiko wa wachezaji makinda na baadhi ya wakongwe.

Arsenal walianza mazoezi mazoezi ya kujiandaa kwa msimu mpya jumamosi iliyopita ikiwa ni wiki mbili tu tangu kumalizika kwa msimu uliopita.

Ligi kuu ya uingeleza itaanza rasmi tarehe 12 ya mwezi wa tisa wakati Arsenal itakapokuwa ujenini kucheza na timu ya Fulham katika uwanja wa  Craven Cottage.

Mchezo wa kwanza wa Arsenal nyumbani utakuwa dhidi ya West Ham United wiki moja baadaye.

Unaweza kuangalia mchezo huo kupitia tovuti rasmi ya Arsenal https://www.arsenal.com/ kuanzia saa mbili usiku kwa saa za Afrika mashariki.

Andreas Georgeson ajiunga na Arsenal

Kocha mtaalamu wa mipira iliyokufa, Andreas Georgeson amejiunga na Arsenal kuchukua nafasi ya kocha aliyeondoka Freddie Lgungberg.

Andreas Georgeson ambaye pia ni raia wa Sweden, anaaminika kuwa ni mmoja ya makocha bora kabisa linapokuja suala la mipira iliyokufa, tayari ameshaanza kazi jumamosi iliyopita.

Arsenal wameamua kusajili mtaalamu wa mipira iliyokufa baada ya kufungwa magoli 12 msimu uliopita, ukilinganisha na Brentford iliyofungwa magoli 1o tu katika msimu mzima.

Kazi kubwa ya Georgeson itakuwa ni kukaa jukwaani na kuangalia mchezo kwa mtazamo mwingine na sio kukaa katika benchi ya ufundi la Arsenal. Ni kama vile vile alivyokuwa anafanya Freddie.

Hii si mara ya kwanza Arsenal kuchukua kocha kutoka Brentford kwani mwezi wa 12 Arsenal ilimchukua aliyekuwa kocha wa makipa wa timu hiyo Inaki Cana.

Inaki Cana ndiye sababu kubwa ya makipa wa Arsenal kupanda kiwango hasa Emi Martinez ambaye alikuwa shujaa wa Arsenal katika kombe la FA.

Pia kocha wa kocha mwingine wa makipa wa Arsenal Sal Bibo ameondoka Arsenal na kuna tetesi za kwamba mkongwe Dennis Bergkamp atakuja kuchukua nafasi yake.

Freddie Ljungberg aondoka Arsenal

Arsenal imepata pigo kubwa baada ya kocha wake msaidizi Freddie Ljungberg kujiudhuru wadhifa huo na kutangaza ya kwamba anaondoka.

Fredie ambaye alikuwa ni kiungo muhimu katika jopo la makocha la Arsenal chini ya kocha mkuu Mikel Arteta ameamua kuondoka ili kutimiza kiu yake ya kuwa kocha mkuu.

Ljungberg ambaye ni mchezaji wa zamani wa Arsenal amewahi kushika nafasi mbali mbali katika timu ya Arsenal ikiwemo kocha mkuu wa muda baada ya kutimuliwa kwa Unai Emery.

Freddie Ljungberg aondoka Arsenal

Mkongwe huyo aliutimia ukurasa wake wa twitter kudhibitisha habari hizo ambapo aliushukuru uongozi wa Arsenal kwa kumpa nafasi ya kuitumikia timu hiyo tangu mwaka 1998 na sasa ameona ni vyema akae pembeni na kusubiri nafasi yake kama kocha mkuu katika timu nyingine.

Freddie Ljungberg alichezea Arsenal kwa miaka tisa kuanzia mwaka 1998 hadi 2007, alicheza michezo 325 baada ya hapo alizichezea timu za West Ham na Seattle Sounders kabla ya kustaafu na kujiunga na Arsenal kama balozi wa timu mwaka 2013.

Miaka mitatu baadaye alikuwa ni sehemu ya jopo la makocha wa timu ya vijana ambapo alikuwa anafundisha watoto wenye umri wa miaka 15.

Mwaka 2017 alijiunga na timu ya Wolfsburg kama kocha msaidizi kabla ya kurudi Arsenal mwaka 2018 kuwa kocha wa timu ya vijana chini ya miaka 23.

Mwaka 2019 alichaguliwa kujiunga na timu ya wakubwa akiwa msaidizi wa aliyekuwa kocha mkuu wa Arsenal Unai Emery, baada ya kutimuliwa Emery, Ljungberg aliteuliwa kuwa kaimu kocha mkuu wa Arsenal.

Freddie bado hakapata timu ila ameona bora akae pembeni kabla msimu haujaanza ili ikitokea akapata timu katikati ya msimu asiiache timu njiani.

Kila la heri mkongwe.

Raul Sanllehi Afutiwa mkataba na Arsenal

Timu ya Arsenal  imesitisha mkataba na aliyekuwa mkurugenzi wa soka wa timu hiyo Raul Sanllehi na nafasi yake itachukuliwa na mkurugenzi mwandamizi wa timu hiyo Vinai Venkatesham.

Raul Sanllehi Afutiwa mkataba  na Arsenal

Katika taarifa rasmi katika mtandao wa Arsenal, inaonesha ya kwamba uamuzi huo umefikiwa kwa pamoja kati ya timu na Raul.

Kufutiwa mkataka kwa Raul kunafuatia tetesi zilizozuka juzi za kwamba Arsenal ilikuwa inachunguza usajili wa Pepe kwani timu ilitumia pesa nyingi mno kukamilisha usajili huo na Raul alikuwa mhusika mkuu katika usajili huo.

Kupitia ukurasa rasmi wa timu, mmiliki wa Arsenal, Stan Kroenke, alimshukuru Raul kwa mchango wake mkubwa alioutoa kwa Arsenal katika miaka mitatu kama mtumishi wa Arsenal.

Raul pia alitumia ukurasa huo kuwashukuru viongozi wa Arsenal, ambapo alisema ya kwamba anajisikia faraja kubwa kufanya kazi katika timu kubwa kama Arsenal na atachukua muda huu kupumzika yeye na familia yake.

Bado haijajulikana ni nini sababu kubwa ya kufanya mabadiliko hayo hasa katika kipindi hiki cha usajili, naamini katika siku chache zijazo tutapata taarifa rasmi.

Kila la heri Don Raul

Gabriel Martinelli Asaini mkataba mpya Arsenal

Mshambuliaji kinda wa Arsenal, Gabriel Martinelli amesaini mkataba mpya na wa muda mrefu ili kuendelea kuichezea Arsenal.

Gabriel Martinelli Asaini mkataba mpya Arsenal

Martinelli ambaye alijiunga na Arsenal mwaka mmoja uliopita akitokea timu ya Ituano ya kwano Brazil, amefunga magoli 10 na kutoa pasi za mwisho zilizozaa magoli 4 katika michezo 26, ambapo alianza katika michezo 14 na kuingia kama mchezaji wa akiba katika michezo 12.

Kusaini kwa mchezaji huyo kunakuja masaa 48 tu toka kusaini kwa kinda mwingine wa Arsenal, Bukayo Saka.

Wachezaji wote wawili wamesaini mkataba wa miaka mitano hivyo kuipa nafasi Arsenal ya kuendelea kuwatumia kwa miaka mingi ijayo.

Habari za kusaini mkataba wa Martinelli na Saka ni muendelezo wa wiki nzuri kwa mashabiki wa Arsenal, kwani wiki hii pia timu ilishinda goli 4-0, kocha mkuu alitangaza ya kwamba ana uhakika ya kwamba nahodha Aubamayang atasaini mkataba mpya.

Habari njema zimekuwa adimu sana kwa mashabiki wa Arsenal katika miezi ya hivi karibuni.

Ni matumaini yetu ya kwamba kusaini kwa makinda hao wawili wenye uwezo mkubwa ni mwanzo mwema wa kuijenga upya Arsenal ambayo imeshuka sana kiwango katika miaka ya karibuni.

 

 

David Luiz, Cedric Soares na Pablo Mari wasaini mikataba mipya

Vyombo vingi vya habari vimeripoti wa kuamkia leo ya kwamba wachezaji David Luiz, Cedric Soares na Pablo Mari wamesaini mikataba mipya ya kuendelea kuichezea Arsenal.

David Luiz asaini mwaka mmoja

David Luiz, Cedric Soares na Pablo Mari wasaini mikataba mipya

David Luiz alisajiliwa kutoka Chelsea msimu uliopita, mwanzoni ilidaiwa ya kwamba alisaini mkataba wa miaka miwili lakini baadaye ikagundulika ya kwamba amesaini mkataba wa mwaka mmoja.

Sasa Arsenal wameamua kumuaongezea mwaka mmoja zaidi hadi tarehe 30 ya mwezi wa sita mwakani, uamuzi wa kumpatia mkataba mpya mchezji huyo umepokea na hisia hasi na mashabiki wengi wa Arsenal kwani mchezaji huyo amekuwa akifanya makosa makubwa mengi katika michezo mingi aliyoichezea Arsenal. Mfano wa mwisho ukiwa ni jumatano ya wiki iliyopita baada ya kutoa boko kwa goli la kwanza la Man City na kusababisha penati ya goli la pili na pia kupewa kadi nyekundi.

Alifanya hivyo katika mchezo dhidi ya Chelsea na pia dhidi ya Liverpool.

Cedric Soares

Huyu ni mchezaji aliyesajiliwa kwa mkopo kutoka Southampton, inasemekana Arsenal ilitoa paundi milioni tano ili kumpata mchezaji huyo.

Soares ana miaka 28, mwezi wa tisa atakuwa na miaka 29 inasemekana ya kwamba amepewa mkataba wa miaka minne.

Ikumbukwe ya kwamba mchezaji huyo hajaichezea Arsenal katika mchezo wowote,  kwani alisajiliwa akiwa majeruhi na hajafanikiwa kupona mpaka leo, uamuzi wa kumpa mkataba wa miaka minne ni wa kushangaza.

Mchezaji huyu ametua Arsenal bure baada ya mkataba wake kumalizika.

Pablo Mari

Pablo Mari alisajiliwa kwa mkopo kutoka katika timu ya Flamengo ya Brazil, inaonekana ya kwamba Arsenal wameukubali uwezo wake na kuamua kumchukua moja kwa moja.

Inasemekana ya kwamba Arsenal walilipa paundi milioni 4.5 kumpata mchezaji huyo kwa mkopo na sasa wamewapatia Flamengo paundi nyingine milioni 10 na kufanya ada ya kumsajili mchezji huyo kuwa paundi milioni 14.5.

Pablo Mari pia amepewa mkataba wa miaka minne.

Hao ndio wachezaji watatu wa Arsenal waliosaini mikataba mipya. Je wewe unauonaje usajili huyo? unaamini ya kwamba wachezaji hao watakuwa msaada kwa Arsenal? tupia maoni yako hapo chini.

Gabrielli Martinelli aumia, kuwa nje miezi kadhaa

Mshambuliaji kinda wa Arsenal, Gabrielli Martinelli ameumia mazoezini baada ya kugongana na mchezi mwingine mazoezini na kuwa nje kwa miezi kadhaa.

Gabrielli Martinelli aumia, kuwa nje miezi kadhaa

Akizungumza na waandishi wa habari kuelekea katika mchezo dhidi ya Southampton, kocha mkuu wa Arsenal, Mikel Arteta alisema ya kwamba mchezaji huyo aliumia jana mazoezini baada ya kugongana na mchezaji mwenzake wakati wa mazoezi.

Ndio Martinelli aliumia mazoezini, na leo amefanyiwa vipimo na madaktari, habari mbaya ni kwamba mchezaji huyo atakuwa nje kwa muda wa miezi kadhaa, alisema kocha huyo.

Kuumia kwa mchezaji huyo ni muendelezo wa balaa la majeruhi lililoikumba Arsenal baada ya kuanza upya kwa ligi kuu ya Uingeleza.

Pablo Mari na Granit Xhaka waliumia katika mchezo wa kwanza dhidi ya Manchester City wakati David Luiz alipata kadi nyekundu.

katika mchezo wa pili dhidi Brighton, golikipa tegemeo bernd Leno aliumia na atakuwa nje ya uwanja kwa wiki 6.

Hapo bado haujawaongezea Cedric Soures, Lucas Torreira, na Calum Chambers.