Arsenal waingia mkataba na SKOL Rwanda

Arsenal imeingia mkataba na kampuni ya kutengeneza bia iitwayo,  SKOL Brewery Limited Rwanda katika mkataba utakaodumu kwa miaka miwili na nusu.Arsenal waingika mkataba na SKOL Rwanda

Katika taarifa iliyotolewa na timu, Arsenal imeingia mkataba na SKOL Rwanda, ikiwa ni jitihada zake za kuongeza nguvu zake katika ukanda wa Afrika mashariki na kati.

Mkataba huo unafuatia na ule kati ya Arsenal na bodi ya utalii ya Rwanda, ambapo Arsenal imekuwa ikivaa nembo za Visit Rwanda tangu kuanza kwa msimu huu.

Akizungumza mara baada ya kusainiwa kwa mkataba huo, afisa masoko wa Arsenal, Peter Silverstone, alisema ya kwamba Arsenal ina mashabiki zaidi ya milioni 90 katika nchi zilizo kusini mwa jangwa na Sahara na mkataba huo utasaidia taasisi zote mbili kuendelea kujitangaza katika ukanda huo.

SKOL Brewery Limited Rwanda wamekuwa wakihusika na kuendeleza soka katika nchi ya Rwanda kwani ndiyo wadhamini wakuu wa timu ya Rayon Sports.

Pia katika mkataba huo kuna kipengele ambacho kitaifanya Arsenal iwe inatoa ushauri wa kiufundi wa timu zote zinadhaminiwa na kampuni hiyo ya bia.

#COYG

Arsenal Vs Southampton-Nani kucheza kama beki wa kati?

Arsenal Vs Southampton-Nani kucheza kama beki wa kati?

Laurent Koscielny anaweza kuanza leo dhidi ya Southampton

Arsenal leo inaingia katika uwanja wa St Mary’s kupambana na Southampot katika mchezo wa ligi kuu ya Uingeleza ikikubwa na tatizo la kukosa mabeki wa kati kutokana na majeruhi au kadi.

Kuingia katika kipindi hiki cha sikukuu za mwisho wa mwaka, Arsenal itacheza na Southampton (ya 19), Burnley (ya 17) na Brighton (ya 13), kwa kawaida hizi ndizo mechi ambazo ungependa kocha awapumzisha baadhi ya wachezaji ili wale ambao hawachezi mara kwa mara wapate nafasi.

Tatizo kubwa lipo kwa upande wa mabeki wa kati, Rob Holding ameumia na atakosa mechi zote zilizobaki za msimu huu,Dinos Mavropanos bado hajapona na Skrodran Mustafi naye ameumia kifundo cha mguu, hat kama angekuwa mzima angekosa mchezo wa leo kutokana na kuwa na kadi tano za njano.

Sokratis pia anakosa mchezo wa leo kutokana na kuwa na kadi tano za njano, hivyo leo kocha Unai anamaamuzi magumu ya kufanya, amchezeshe Laurent Koscienly ambaye juzi alicheza dhidi ya Qarabaq au amchezeshe Medley ambaye kwa taarifa nilizonazo ni kwamba amesafiri na timu kuelekea Southampton.

Wachezaji wengine wanaoweza kucheza kama mabeki wa kati ni Nacho Monreal, Stephan Lichtsteiner, Mohamed Elneny,Carl Jekinson na Granit Xhaka. Ingawa naamini wawili wa mwanzo ndiyo wenye nafasi kubwa.

Upande wa kiungo hakuna tatizo kubwa kwani maestro Mesut Özil ameshapona na leo anaweza kucheza, Aaron Ramsey amepona, Xhaka na Torreira hawakucheza alhamisi hivyo wanaweza kucheza leo.

Kwa upande wa ushambuliaji, ukiondoa Danny Welbeck ambaye ni majeruhi wachezaji wengine wote wapo fiti, nimeambiwa ya kwamba makinda Eddie Nketiah na Bukayo Saka pia wamesafiri na timu na wanaweza kuwa sehemu ya wachezaji watakaoanzia katika benchi la wachezaji wa akiba.

Utabiri wa matokeo

Southampton wamekuwa wakicheza vibaya na wameshinda mechi moja tu, wanashika nafasi ya 19, wiki iliyopita walimtumua kocha wao Mark Hughes baada ya kutoa sare ya goli 2-2 na Machester United,sasa wana kocha mpya, Ralph Hasenhüttl ambaye ni raia wa Austraria.

Ralph Hasenhüttl ni mmoja ya makocha bora wanaochipukia katika ulimwengu wa soka. Hivyo ukichukulia mori mpya watakayokuwa nayo wachezaji, na pia ukweli wa kwamba Southampton huwa wanaisumbua sana Arsenal wakicheza kwao, huu utakuwa ni mchezo mgumu sana kwa Arsenal.

Pamoja na hayo yote naamini timu ya Arsenal ina kikosi bora na wana uwezo wa kuibuka na ushindi katika mchezo wa leo, utabiri wangu ni Southampton 1- 3 Arsenal. Lacazette na Aubamayang kutupia.

Je wewe unatabiri nini? tupia maoni yako hapo chini.

Gurban Gurbanov-Arsenal sio timu ya kucheza Europa League

Kocha wa Qarabag, Gurban Gurbanov, amesema ya kwamba timu ya Arsenal haipaswi kucheza katika michuano ya kombe la Europa League.

Gurban Gurbanov-Arsenal sio timu ya kucheza Europa League

Gurban Gurbanov (Pichani juu)

Akiongea na waandishi wa habari mara baada ya kumalizika kwa mchezo kati ya timu yake na Arsenal, kocha huyo alisema ya kwamba kiwango cha wachezaji wa Arsenal ni kikubwa mno na hawastahili kucheza katika michuano hiyo.

Wanastahili kucheza katika ligi ya mabingwa wa ulaya, kocha huyo alisema.

“Nina imani ya kwamba Arsenal watafika fainali ya michuano hii,Ningependa kuwaona Arsenal wakicheza Baku katika fainali. ” kocha huyo aliwaambia waandishi wa habari.

Huu ni msimu wa pili wa Arsenal kushiriki katika michuano hii, msimu uliopita Arsenal ilifika nusu fainali na kutolewa na Atletico Madrid.

Mwaka huu ikiwa na mtaalamu wa Europa League, Unai Emery ni matarajio ya mashabiki wengi wa Arsenal ya kwamba timu hiyo itafika mbali zaidi na kulitwaa taji hilo kwa mara ya kwanza.

#COYG

 

Arsenal yaifunga Qarabag, yafikisha michezo 22 bila ya kufungwa

Timu ya Arsenal jana ilimaliza mechi za makundi za michuano ya Europa League kwa ushindi wa goli 1-0 dhidi ya timu ya Qarabag.

Arsenal yaifunga Qarabag, yafikisha michezo 22 bila ya kufungwa

Kocha mkuu wa Arsenal, Unai Emery alikifanyia mabadiliko makubwa kikosi kilichoanza jana baada ya kuwaanzisha kwa mara ya kwanza Emi Martinez golini na  Laurent Koscienly kama beki wa kati.

Pia Unai aliwaanzisha wachezaji wengi vijana kama Bukayo Saka, Eddie Nketiah,na Joe Willock na kuwachanganya na wachezji wakongwe kama Mesut Özil na Alexandre Lacazette.

Mchanganyiko huo wa wachezaji vijana na wakongwe ulitosha kuifanya Arsenal iifunge Qarabag kwa goli moja lililofungwa na Alexandre Lacazette.

Arsenal ilitawala sehemu kubwa ya mchezo huo lakini makosa madogo madogo yaliifanya timu ishindwe kuibuka na ushindi mnono zaidi.

Lakini cha muhimi zaidi ni kwamba mashabiki 21,500 waliokuwepo uwanjani na mamilioni ya waliokuwa wanaangalia kwenye luninga walionekana kufurahishwa sana na vijana hao wa Arsenal waliokuwa wanacheza kwa juhudi kubwa.

Pia mchezo huo ulikuwa ni wa kwanza kwa nahodha wa Arsenal, Laurent Koscielny, ambaye alikuwa majeruhi tangu mwezi wa tano mwaka huu, baada ya kupumzishwa katika kipindi cha pili uwanja mzima ulisimama na kumpigia makofi huyu akionekana kutabasamu.

Baada ya mchezo huo Kocienly aliwashukuru mashabiki wa Arsenal kwa mapokezi waliyompa.

Arsenal inamaliza hatua ya makundi ikiongoza kundi lake kwa kufikisha pointi 16, ikishinda michezo mitano na kutoa sare mchezo mmoja.

Jumatatu ijayo ndiyo siku ambayo itapangwa ratiba ya hatua ya 32 bora na Arsenal inaweza ikacheza na moja ya timu zifuatazo.

• BATE.
• Celtic.
• Brugge.
• Fenerbahçe.
• Galatasaray.
• FC Krasnodar.
• Lazio.
• Malmo.
• Olympiakos.
• Rapid Vienna.
• Rennes.
• Shakhtar.
• Slavia Prague.
• Plzeň.
• Villarreal.
• Zurich.

Je ni timu gani ambayo ungependa tukutane nayo? toa maoni yako hapa chini.

 

Arsenal vs Qarabag-Nafasi nyingine ya vijana kuonesha uwezo

Kocha mkuu wa Arsenal, Unai Emery anatazamiwa kufanya mabadiliko makubwa katika kikosi cha Arsenal kitakachocheza na timu ya Qarabaq kesho katika michuano ya kombe la Europa League.

Arsenal vs Qarabag-Nafasi nyingine ya vijana kuonesha uwezo

Arsenal tayari imeshajihakikishia uongozi wa kundi lake na kufuzu kwa 32 ya michuano ya kombe la Europa League na ukweli ni kwamba mchezo wa kesho hauna umuhimu wowote zaidi ya kuendeleza wimbi la ushindi na kuwapa nafasi wachezaji vijana na wale ambao walikuwa majeruhi nafasi ya kucheza.

Kocha Emery tayari ameshadhibitisha ya kwamba Laurent Koscienly ataanza katika mchezo huo, pia alisema ya kwamba Mesut Özil ambaye alikosa michezo mitano kwa maumivu ya mgongo naye yumo katika kikosi cha wachezaji 18 walioitwa kushiriki katika mchezo huo. Pia alisema ya kwamba atatumia baadhi ya wachezaji wanaocheza katika kikosi cha vijana wenye umri wa miaka 23.

Taarifa ya wachezaji majeruhi.

Mesut Ozil anaweza kucheza mchezo wa kesho kutokana na kupona, Aaron Ramsey aliyekuwa na maumivu ya kifundo cha mguu pia amepona – ingawa Konstantinos Mavropanos , Rob Holding , Danny Welbeck  na Shkodran Mustafi watakosa mchezo huo kutokana na kuwa majeruhi.

Mesut Ozil  anaweza kucheza kesho dhidi ya Qarabag

Mesut Ozil anaweza kucheza kesho dhidi ya Qarabag

Kikosi

Kutokana na Arsenal kucheza michezo mitatu katika siku 10, ninategemea Unai Emery kubadilisha kikosi na kuwatumia wachezaji wengi wa akiba au vijana.

Mchanganyiko wa wachezaji wakongwe kama Petr Cech, Laurent Koscienly ,Mesut Özil na wachezaji vijana kama Emile Smith Rowe,Eddie Nketiah,Joe Willock Ainsely Niles na wengineo utakuwa ni muhimu katika kuiletea Arsenal ushindi hapo kesho.

Utabiri wa Matokeo

Pamoja na Arsenal kuchezesha kikosi cha pili, nategemea ya kwamba Arsenal itakuwa na kikosi ambacho kitaweza kuwashinda Qarabag, utabiri wangu ni kwamba Arsenal itashinda kwa goli 2-0, Eddie Nketiah akifunga moja ya magoli hayo.

#COYG

Arsenal 1-0 Huddersfield-Lucas Torreira aiokoa Arsenal

Mchezaji kiungo wa Arsenal Lucas Torreira, jana alifunga bao pekee na kuisezesha timu ya Arsenal kuibuka na ushinda wa goli 1-0 dhidi ya timu ya Huddersfield.

Arsenal 1-0 Huddersfield-Lucas Torreira aiokoa Arsenal

Arsenal waliuanza mchezo huo kwa kuchezesha viungo wakabaji watatu, mabeki watano wa washambuliaji wawili, hali iliyosababisha timu kucheza tofauti sana na mechi nyingine.

Kuchezesha kwa viungo wengi wakabaji kulifanya timu kutotengeneza nafasi za kupata magoli kwani hadi dakika 45 za kipindi cha kwanza Arsenal ilifanikiwa kupiga shuti moja tu kulenga goli.

Pamoja na hali hiyo Arsenal wangeweza kupata magoli katika kipindi hicho, baada ya washambuliaji wake Pierre Emerick Aubamayang na Alexandre Lacazette kupoteza nafasi za wazi, pia Lacazette alifunga goli lililokataliwa na mwamuzi kwa madai ya kwamba alikuwa ameotea lakini marudio kwenye luninga yalionesha ya kwamba lilikuwa ni goli kwani beki wa Huddersfield aliugusa mpira na kuvunja mtego wa kuotea.

Wakiiga mbinu chafu za Mourinho, Huddersfield walianza mchezo huo kwa kucheza rafu za makusudi dhidi ya wachezaji wa Arsenal huku mwamuzi wa jana akishindwa kuwapa kadi au kuwaonya.

Kipindi cha pili mwalimu Unai Emery aliamuakuwaingiza Alex Iwobi na Henrikh Mkhitaryan, ingawa kwa mtazamo wangu wachezaji hao hawakubadilisha sana hali ya mchezo.

Zikiwa zimebaki dakika 7 mpira kumalizika na nikianza kuamini ya kwamba mpira huo ungemalizika kwa sare alikuwa ni kiungo mfupi kutoka Uruguay, Lucas Torreira aliyefunga moja ya magoli bora kabisa akimalizia pasi aliyopewa na Aubamayang ndani ya eneo la hatari la Huddersfield.

hadi mwisho wa mchezo Arsenal 1-0 Huddersfield.

pamoja na ushindi huo Arsenal inaendelea kushika nafasi ya tano katika msimamo wa ligi kuu ikiwa na alama 34 nyuma ya Chelsea yenye alama 34 lakini ikiwa na wastani mzuri wa magoli ya kufunga na kufungwa.

Arsenal itaingia tena uwanjani Alhamisi ya wiki hii kucheza na timu ya Qarabag katika mchezo wa kukamilisha ratiba wa kombe la Europa League.

Emirates FA Cup-Arsenal kucheza na mshindi kati ya Solihull au Blackpool

Ratiba ya michuano ya Emirates FA Cup imetoka na Arsenal imepangiwa kucheza ugenini na mshindi kati ya Solihull au Blackpool.

Emirates FA Cup-Arsenal kucheza na mshindi kati ya Solihull au Blackpool

Mshindi wa mchezo kati ya Solihull au Blackpool atapakitana tarehe 11 ya mwezi huu wakati Solihull watakaposafiri kwenda  Bloomfield Road kwa ajili ya mchezo wa marudio baada ya timu hizo kutoka 0-0 mwishoni mwa wiki.

Arsenal haijawahi kucheza na Solihull ambayo inacheza ligi daraja la tatu la Uingeleza, Blackpool na Arsenal zilicheza katika raundi ya nne ya kombe la Carabao ambapo Arsenal ilishinda kwa jumla ya goli 2-1.

Raundi ya tatu ya michuano hiyo itafanyika mwisho wa juma wa wiki inayoanza tarehe 5 ya mwezi wa kwanza mwaka 2019.

Binafsi ningependa Arsenal icheze na Solihull kwa sababu ni timu ambayo hatujawahi kucheza nayo lakini kati ya hao wawili yeyote tunaweza kumfunga na kikosi chetu cha pili.

 

Mike Dean alikosea-Mark Clattenburg

Mwamuzi wa kimataifa wa Uingeleza, Mark Clattenburg amesema ya kwamba mwamuzi wa mchezo wa jana kati ya Arsenal na Totenham alifanya makosa katika magoli yote mawili yaliyofungwa na Totenham.

Mike Dean alikosea-Mark Clattenburg

Akitoa ufafanuzi kuhusu magoli hayo,Mark Clattenburg alisema ya kwamba Mike Dean alipaswa kukataa goli la kusawazisha la Totenham kwani mfungaji wa goli hilo, Eric Dier alikuwa ameotea kabla ya Eriksen hajapiga mpira wa faulo.

Kuhusu penati, refa huyo ambaye kwa ni mkuu wa kitengo cha waamuzi cha shirikisho la soka la Saudi Arabia, alisema ya kwamba mchezaji wa Totenham, Son alijiangusha kwani beki wa Arsenal hakumgusa.

Marudio ya tukio hilo yalionesha ya kwamba ni kweli mchezaji huyo alijiangusha na kusababisha Mike Dean kuwazawadia Spurs penati iliyozaa goli lao la pili.

Pamoja na kubebwa huko, Arsenal walifanikiwa kufunga magoli matatu katika kipindi cha pili na kufanikiwa kushinda mchezo huo kwa jumla ya magoli 4-2.

Kesho kutwa jumatano Arsenal itakuwa katika uwanja wa Old Traford kucheza na Manchester United katika muendelezo wa ligi kuu ya Uingeleza.

Arsenal yaishushia kipigo Totenham Hotspurs

Timu ya Arsenal jana ilifanikiwa kuwashinda wapinzani wao wa jadi, Totenham Hotspurs kwa jumla ya magoli 4-2 katika mchezo mkali na wa kusisimua uliofanyika katika uwanja wa Emirates.

Arsenal yaishushia kipigo Totenham Hotspurs

Arsenal iliuanza mchezo wa jana kwa kasi kubwa na kama usingekuwa uwezo wa kipa wa Spurs, Arsenal ingeweza kupata magoli matatu ndani ya dakika 20 za mwanzo.

Arsenal ndiyo waliokuwa wa kwanza kupata goli baada ya mshambuliaji Pierre Emerick Aubamayang kufunga goli la kuongoza kupitia mkwaju wa penati baada ya beki wa Totenham kujaribu kuokoa mpira kwa mkono.

Arsenal ikiwa inacheza vizuri, Mike Dean aliwapa Totenham faulo ya utata nje kidogo ya eneo la hatari na Totenham waliitumia kupata goli la kusawazisha baada mpira wa kichwa uliopigwa na Erick Dier kumshinda golikipa wa Arsenal Bernd Leno.

Baada ya goli hilo Totenham Hotspurs walionekana kuamka na walifanikiwa kupata goli la pili dakika moja baadaye baada ya Son kujiangusha ndani ya eneo la hatari na mwamuzi Mike Dean kuamua kutoa penati ambayo ilifungea kistadi na Harry Kane.

Baada ya Totenham kuwa mbele wachezaji wa Arsenal walionekana kupoteana kwa dakika kama tano hivi ambapo Totenham walionekana kana kwamba wangeweza kuongeza goli la tatu.

Baadaye Arsenal walitulia na kuendelea kucheza vizuri, hadi mapumziko Arsenal 1-2 Totenham Hotspurs.

Kipindi cha pili kilianza kwa mwalimu Emery Unai kufanya mabadiliko matatu,mawili ya wachezaji ambapo Alex Iwobi na Henrikh Mkhitaryan walitolewa na nafasi zao kuchukuliwa na Aaron Ramsey na Alexandre Lacazette, badiliko la tatu lilikuwa la kimfumo ambapo Arsenal ilicheza na washambuliaji wawili huku Ramsey akicheza nyuma yao.

Mabadiliko hayo yaliisaidia Arsenal kwani dakika 10 baadaye ilipata goli la kusawazisha baada ya Pierre Emerick Aubamayang kufunga kwa shuti kali na ka kiufundi kufuatia pasi ya Aaron Ramsey.

Alikuwa ni mshambuliaji wa kifaransa Alexandre Lacazette aliyeipatia Arsenal goli la tatu baada ya kupiga shuti lililombabatiza Eric Dier na kumuacha Hugo Lloris alichupa bila mafanikio, Goli hilo liliibua shangwe na nderemo kubwa kwa mashabiki wa Arsenal duniani kote.

Arsenal v Tottenham Hotspur

Kiungo kutoka Uruguay, fundi wa mpira Lucas Torreira alifanikiwa kufunga goli la nne na kuihakikishia Arsenal pointi tatu muhimu, Torreira alifunga goli hilo kufuatia pasi iliyopigwa na Aubamayang.

Hilo lilikuwa ni goli la kwanza la Torreira katika jezi za Arsenal na kufunga katika mchezo wa wapinzani wa jadi kunafanya liwe ni goli ambalo litadumu katika kumbukumbu zake na za mashabiki wa muda mrefu.

Baada ya ushindi huo Arsenal imefikisha michezo 19 bila ya kufungwa na kwa sasa inashika nafasi ya nne katika msimamo wa ligi ikiwa na pointi 30 sawa na Totenham lakini Arsenal wapo mbele kwa kuwa na wastani bora wa magoli ya kufunga na kufungwa.

Baada ya mchezo huo leo Arsenal itaendelea na mazoezi kujiandaa na mchezo ujao dhidi ya Manchester United utakaofanyika katika uwanja wa Old Trafford jumatano ijayo.

#COYG

Kama unataka kuangalia vipande muhimi vya mchezo huo nimekuwekea video hapo chini

Ni wakati wa kuwafunga midomo Totenham

Leo Arsenal inacheza na wapinzani wao wa jadi Totenham Hotspurs katika muendelezo wa ligi kuu ya Uingeleza.Hii sio mechi ya kawaidia ya ligi kuu ya Uingeleza, hii ni vita,ni vita ya kugombea haki ya kutawala kaskazini mwa jiji la London.

Huu ni mchezo ambao hata kama mchezaji kafanya vibaya msimu mzima akifunga goli dhidi ya Spurs makosa yake yote husamehewa, fanya vizuri katika mchezo huu unakuwa shujaa ama fanya vibaya unakuwa adui.

Ushindi katika mchezo huu ni muhimu sana,lakini kwangu mimi naona hizi ni sababu tatu muhimu kwa nini nataka Arsenal washinde mchezo huu.

Pambano la kwanza la watani wa jadi Unai Emery akiwa kocha wa Arsenal

Ni wakati wa kuwafunga midomo Totenham

Kama nilivyosema hapo juu, shinda huu mchezo na unakuwa shujaa wa Arsenal, ushindi dhidi ya Spurs utamfanya aendelee kupendwa na kuungwa mkono na mashabiki wa Arsenal hasa wazaliwa wa London.

Kupanda katika msimamo wa ligi

Arsenal ikifanikiwa kuinfunga Totenham katika mchezo wa leo kwa idadi yeyote ya magoli,itafanikiwa kuwa juu ya timu hiyo na kufanikiwa kuwa katika timu nne za mwanzo katika msimamo wa ligi.

Kuwafunga midomo wachambuzi na mashabiki wa Spurs

Totenham ni moja ya timu zinazopendwa sana na wachambuzi wa soka, wanaweza kufanya kitu cha kawaida na wakasifiwa sana na wachambuzi hao.

Pia mashabiki wengi wa Totenham wamepandwa na viburi kwani leo nilikuwa napitia katika mitandao ya kijamii na wanaona kama tayari wameshashinda mchezo wa leo, tukiwafunga na kuwachezea soka la hali ya juu tutafanikiwa kuua ndege wawili kwa jiwe moja, tunakuwa juu yao kwenye ligi na tunawafunga midomo.

Hali ya mchezo

Totenham wamekuwa wakipata matokeo mazuri, walifanikiwa kuwafunga Chelsea na Inter Milan na wataenda katika mchezo huo wakijiamini.Kwa upande wa Arsenal wao wana mechi 18 bila kufungwa na watataka kuendeleza rekodi hiyo.

Nacho Monreal na Danny Welbeck hawatashiriki katika mchezo huo kutokana na kuwa majeruhi,Laurent Koscielny yeye bado hajawa tayari kucheza, ingawa  Alexandre Lacazette  ambaye alikosa michezo dhidi ya Bournemouth na Vorskla yupo fiti na anaweza kucheza leo.

Kikosi kitakachoanza

Kikosi cha kitakachoanza kesho itategemea sana na aina ya mfumo atakaotumia mwalimu, Unai Emery huwa anatumia 4-2-3-1 , 4-3-3 na 3-4-3 (au 5-4-1 inategemea na unaonaje), bila kujali aina ya mfumo kuna wachezaji ambao naamini hawawezi kukosa katika mchezo huo.

Bern Leno, Hector Bellerin,Lucas Torreira, Granit Xhaka,Aubamayang ni nguzo ya Arsenal kwa sasa na sitegemei kuona wakikosa mchezo huo bila kujali aina ya mfumo utakaotumika.

Utabiri

Linapokuja suala la pambano la watani wa jadi ni vigumu sana kutabili, ila nina imani na timu hii hivyo nitasema Arsenal 2-1 Totenham Lucas Torreira kufunga goli lake la kwanza.

Je wewe una mtazamo gani kuhusu mtanange huu? tupia maoni yako hapa chini.

 

 

Vorskla Vs Arsenal-Emery abeba watoto kibao

Vorskla Vs Arsenal-Emery abeba watoto kibao

Wachezaji waliosafiri kwenda kiev kucheza na Vorskla

Tangu nianze kushabikia Arsenal sijawahi kuona mchezo uliogubikwa na utata mwingi kama huu wa leo kati ya Vorskla na Arsenal.

Kutokana na hali ya usalama kutokuwa nzuri shirikisho la soka la Ulaya UEFA liliamua kuubadilisha mchezo huo kutoka Poltava na kwenda Kiev kwa sababu za kiusalama.

Kuna mashabiki wengi wa Arsenal ninaowafahamu tayari walishasafiri kwenda Poltava na wengine tayari walishalipia tiketi za ndege kwenda huko pamoja na gharama za hoteli.

Kubadilika kwa uwanja kutawafanya kutumia pesa nyingi zaidi ya walizotarajia pia baada ya Uefa kutangaza mabadiliko hayo timu ya Vorskla ilionesha kutokufurahishwa nayo na kutishia kutokupeleka timu uwanjani.

Pamoja na matatizo yote hayo timu ya Arsenal ikiongozwa na kocha mkuu Unai Emery ilifika Kiev jana jioni ambapo Emery alikagua uwanja wakapasha misuli na kurudi hotelini kupumzika.

Kutokana na ratiba kuwa ngumu (Arsenal itacheza na Totenham jumapili na Jumatano ijayo itacheza na Manchester United), Emery aliamua kwenda Kiev na kikosi kinachoundwa na wachezaji wengi vijana.

Katika wachezaji hao walioenda 12 wanatoka katika chuo cha soka cha Arsenal, huku wengi wao wakitarajiwa kushiriki katika mchezo wa leo.

Arsenal tayari wameshafuzu kwa hatua ya mtoano wa michuano hii na ushindi wowote leo unawahakikishia kushika nafasi ya kwanza kwenye kundi.

Kingine nilichoona kwenye kikosi hicho ni kwamba Arsenal imesafiri na mabeki wa kati wawili tu, Rob Holding na kinda mwenye umri wa miaka 18 Zech Medley.

Kama ataamua kutokumuanzisha Medley anaweza akaanza na Julio Pezquelo ambaye ni beki wa kushoto ingawa anaweza kucheza kama beki wa kati, ama mmojawapo katika ya Carl Jenkinson au Stephan Lichtsteiner, pia Mohamed Elneny anaweza kucheza kama beki wa kati.

Arsenal bado wana mchezo mmoja mkononi dhidi ya Qarabag utakaochezwa katika uwanja wa Emirates ambapo Emery ataweza kutumia wachezaji wakongwe hivyo leo anaweza akapanga madogo wote ili wapate uzoefu kwani hata kama wakifungwa matokeo hayataleta madhara yeyote kwa Arsenal.

Kila la heri Arsenal

#COYG