Arsenal mambo bado magumu

Baada ya kucheza vizuri kabla ya kusimamishwa kwa ligi kuu ya uingeleza, wengi wetu tulikuwa na imani ya kwamba ligi itakapoanza tena timu itafanya vizuri.

Baada ya kucheza mechi mbili na kupoteza zote mambo yanaonekana bado magumu na haijulikani ni lini Arsenal itaanza kucheza vizuri na kushinda.

Mchezo dhidi ya Manchester City

Kutokana na kuwa na majukumu ya kikazi niliweza kuangalia dakika 20 tu za kipindi cha kwanza, kuumia kwa Pablo Mari na Granit Xhaka kuliondoa matumaini machache niliyokuwa nayo ya kupata angalau sare katika mchezo huo.

Kucheza bila akili kwa David Luiz hakukusaidia sana kwani licha wa kufungisha goli la kwanza alisababisha penati iliyozaa kadi nyekundu kwake na goli la pili kwa Man City, baada ya hapo Arsenal walikata tamaa na ushindi ulikuwa ni mgumu kupatikana.

Arsenal dhidi ya Brighton

Niliangali mchezo huu kwa dakika zote tisini, mpaka sasa siamini kwa nini Arsenal walipoteza mchezo ule, lakini nikikumbuka ni Arsenal sishangai tena.

Arsenal hawakucheza vizuri sana lakini waliweza kupata nafasi nyingi za kufunga na kama washambuliaji wangekuwa makini timu ingepata magoli zaidi ya matatu.

Pamoja na kutokucheza vizuri sana Arsenal walionekana kutokuwa katika hatari ya kupoteza mchezo huo na baada ya Pepe kufunga nilianza kuamini ya kwamba pointi tatu zingepatikana.

Lakini Arsenal wakafanya yao, kufumba na kufumbua Brighton wakapata magoli mawili na kushinda mchezo huo.

Kupoteza mchezo huo na kumpoteza golikipa wa kwanza wa Arsenal Berd Leno vimeiweka Arsenal katika hatari kubwa ya kukosa nafasi za kucheza michuano ya Ulaya msimu ujao.

Mchezo ujao wa Arsenal utakuwa dhidi ya timu ya Southampton, katika uwanja wa Saint Marry, uwanja ambao timu haina rekodi nzuri.

Je Arsenal itaondokana na jinamizi la kupoteza michezo mfululizo na kushinda mchezo huo? ni jambo la kusubiri na kuona.

Wachezaji wanne wa Arsenal kugombea tuzo ya Golden Boy

Wachezaji wanne wa Arsenal wameingia katika orodha ya kugombea tuzo ya Golden Boy inayotolewa kila mwaka.

Wachezaji wanne wa Arsenal kugombea tuzo ya Golden Boy

Wachezaji wa Arsenal walioingia katika orodha hiyo ni Gabriel Martineli, Bukayo Saka, William Saliba na Trae Coyle (pichani juu).

Kujumuishwa kwa Cole katika orodha hiyo kunashangaza kidogo kwani mchezi huyo bado hajaichezea Arsenal katika mchezo wowote wa kimashindano.

Uzao mwingine wa chuo cha soka cha Arsenal, Hale End, Bukayo Sana amekuwa sehemu kubwa ya kikosi cha kwanza msimu huu akicheza michezo mingi kama beki wa kushoto kutokana na Arsenal kukabiliwa na wimbi la majeruhi.

Gabrielli Martineli aliyesajiliwa kutoka Ituano ya Brazil amefanya vizuri katika michezo aliyoichezea Arsenal huku akifunga baadhi ya magoli muhimu kama lile la kusawazisha dhidi ya Chelsea mwanzoni mwa mwaka huu.

Mchezaji wa nne anayekamilisha orodha hiyo ni William Saliba ambaye alisajiliwa mwaka jana na kupelekwa kwa mkopo katika timu ya Saint-Etienne, beki huyo kinda alikuwa majeruhi na amefanya vizuri sana baada ya kupona.

Mshambuliaji wa Southampton Michael Obafemi, ambaye pia ni uzao wa chuo cha soka cha Arsenal cha Hale End pia yumo katika orodha ya wachezaji 100 wanaowania tuzo hiyo.

Mchezaji pekee w Arsenal aliyewahi kushinda tuzo hizo akiwa na Arsenal ni Cesc Fabregas, aliyeshinda tuzo hiyo mwaka 2006.

 

Arsenal yaifunga Charlton goli 6-0 katika mchezo wa kirafiki

Baada ya kukaa zaidi ya miezi miwili bila kucheza hatimaye Arsenal jana ilicheza mchezo wa kirafiki dhidi ya timu ya Charlton na kushinda kwa goli 6-0.

Arsenal yaifunga Charlton goli 6-0 katika mchezo wa kirafiki

Katika mchezo huo uliochezwa bila ya mashabiki, Arsenal ilianza na kikosi cha nguvu katika kipindi cha kwanza na kuweza kupata magoli mawili kupitia kwa Lacazette na Pierre Emerick Aubamayang.

Katika kipindi cha pili Arsenal ilibadilisha kikosi kizima na pia ilibadilisha mfumo na kufanikiwa kufunga magoli mengine manne kupitia kwa Eddie Nketiah aliyefunga matatu na Joe Willock aliyefunga moja

Mambo muhimu niliyoyaona.

Kikosi

Arsenal ilianza na wachezaji wengi wa kikosi cha kwanza na pia kutumia mfumo ambapo Arteta ameutumia sana msimu huu wa 4-2-3-1.

Hiki ndicho kikosi kilichoanza 

Leno, Bellerin, Luiz, Mustafi, Tierney, Guendouzi, AMN, Nelson, Ozil, Auba, Laca.

Ni kikosi kilichozoeleka huku Guendouzi na Niles wakianza kama viungo wakabaji huku Özil akicheza mbele yao, Nelson na Auba walicheza kama mawinga.

Kipindi cha pili kikosi kilikua kama ifuatanvyo

Martinez, Sokratis, Holding, Mari, Kolasinac, Ceballos, Xhaka, Pepe, Willock, Martinelli, Nketiah.

Lakini cha msingi ni kwamba Arteta alibadilisha mfumo na kucheza 4-3-3 huku Ceballos Xhaka na Willock wakiunda umbo la pembe tatu kati kati ya uwanja, huu ni mfumo ambao Manchester City wanautumia.

Kuanzisha watukutu katikati ya uwanja

Ukiangalia mechi nyingi za Arsenal chini ya Arsenal kati kati ya uwanja amekuwa akianza Granit Xhaka akisaidiwa na Lucas Torreira ama Ceballos, Guendouzi amekuwa mara nyingi akianzia benchi na Maitland-Niles amekuwa hachezi kabisa, kuanza pamoja kwa wachezaji hao ni dalili za kwamba wameanza kuaminika na tunaweza kuwaona katika hatua ya mwisho ya ligi kuu.

Mabadiliko ya mfumo

Arsenal ilicheza 4-2-3-1 kipindi cha kwanza na kucheza 4-3-3 kipindi cha pili kama nilivyosema hapo juu, hapa cha msingi ni kwamba kipindi cha kwanza Arsenal ilicheza na Özil kama kiungo mshambuliaji namba 10 (nyuma ya mshambuliaji) wakati kipindi cha pili Özil alipoondoka uwanjani Arsenal haikucheza na namba 10 badala yake ilicheza na namba nane (box to box) wawili (Ceballos na Willock) na kiungo mkabaji mmoja.

Ikumbukwe ya kwamba Arteta amekuwa kocha msaidizi wa Guadiola ambaye anasifika kwa kucheza 4-3-3, je huu ni mwanzo wa mabadiliko ya mfumo wa uchezaji? muda utasema.

Pepe alianzia benchi

Nicolas Pepe amekuwa na mwanzo wa kawaida katika timu ya Arsenal tofauti na watu wengi walivyotegemea, unapotoa paundi milioni 72 kumsajili mchezaji watu wanategemea mambo mengi na makubwa na Pepe ameshindwa kufikia matarajio ya wengi.

Katika mchezo huo Arteta aliamua kuanza na kinda Reiss Nelson na kumuweka nyota huyo benchi, je huu ni mwanzo wa Pepe kupoteza namba katika kikosi cha kwanza? ikumbukwe ya kwamba mwezi wa tatu Arteta alimsifia sana Nelson na kumuita kipaji maalum, mimi ningekuwa katika nafasi ya Pepe ningeanza kuingiwa na wasiwasi.

Mustafi na David Luiz walianza

Ukimuuliza shabiki yeyote wa Arsenal nani mchezaji mmbovu kabisa katika kikosi cha Arsenal cha sasa kuna uwezekano mkubwa jibu likawa Mustafi.

pamoja na hayo Mustafi na David Luiz wamekuwa wakianza katika mechi nyingi za Arsenal na jana walicheza kwa pamoja, huku nje kukiwa na wachezaji kama Rob Holding, Socratis na Pablo Mali ambao machoni pa wengi ni bora kuliko Mustafi.

Mtazamo wangu kwa hili ni kwamba Arteta anapenda mabeki wenye uwezo kwa kucheza na mpira na kupiga pasi, pamoja na kupoteza umakini mara kwa mara kwa wachezaji hao katika kikosi cha sasa cha Arsenal hakuna beki anawazidi katika idara hii ( ya kucheza mpira na kupiga pasi kutoka nyuma) na hii ndiyo sababu wataendelea kuwa chaguo la kwanza la Arteta.

Hayo ndiyo mawazo yangu katika mchezo wa jana wa kirafiki ambapo Arsenal iliifunga timu ya Charlton kwa goli 6-0, je wewe mtazamo wako ni nini? tupia maoni yako hapa chini.

Chips Keswick-Mwenyekiti wa Arsenal astaafu

Mwenyekiti wa Arsenal Chips Keswick amestaafu wadhifa wake huo baada ya kudumu kwa miaka 15 katika uongozi wa bodi ya wakurugenzi wa Arsenal.

Kwa sasa Arsenal haijatangaza mrithi wa Chips Keswick huku mmiliki wa Arsenal Stan Kroenke na mtoto wake Josh wakikamilisha nusu ya wakurugenzi waliobakia.

Keswick ambaye ana umri wa miaka 80 na ambaye amewahi kuwa mkurugenzi wa benki ya Uingeleza alisema ya kwamba alikuwa na mpango wa kustaafu mwishoni mwa msimu huu na hataacha mlipuko wa virusi vya korona ubadili mpange wake huo.

Katika taarifa yake kwa vyombo vya habari Keswick alisema ya kwamba anaiacha Arsenal katika mikono salama ya Stan na Josh na anaamini Arsenal itaondokana na lindi la matatizo yaliyopo sasa na muda si mrefu itaanza kupata matokeo mazuri yeye na mamilioni ya mashabiki wa Arsenal duniani kote watakuwa wakishangilia.

Katika taarifa yao wamiliki wa Arsenal, familia ya Kroenke walisema ya kwamba kuona mbali na ufahamu wa biashara ukichanganya na mapenzi yake kwa Arsenal yalimfanya Chips Keswick kuwa mwenyekiti sahihi wa Arsenal.

Kila la heri Sir Chips Keswick

 

Lucas Torreira aanza mazoezi

Kiungo wa kati wa Arsenal, Lucas Torreira leo ameanza rasmi mazoezi kujiandaa na hatua ya mwisho ya ligi kuu ya Uingeleza.

Lucas Torreira aanza mazoezi

Kiungo huyo wa kimataifa ya Uruguay alikuwa nje ya uwanja kwa muda wa miezi mitatu baada ya kuumia kifundo cha mguu mwezi wa tatu mwaka huu katika mchezo wa kugombea kombe la FA kati ya Arsenal na Portsmouth.

Katika picha zilizowekwa katika ukurasa rasmi wa Arsenal, Torreira alionekana akifanya mazoezi ya viungo katika viwanja vya mazoezi vya London Colney.

Kurudi kwa Torreira kumekuja muda muafaka kwani timu itacheza mechi nyingi katika hatua hii ya mwisho ya ligi kuu na itahitaji mchango wa kila mchezaji hivyo wachezaji kuwa fiti ni jambo muhimu sana.

Ligi kuu ya Uingeleza inategemewa kuanza tena tarehe 17 ya mwezi wa sita ambapo Arsenal itapambana na timu ya Manchester City.

 

Calum Chambers Aanza mazoezi

Beki wa kati wa Arsenal, Calum Chambers ameanza mazoezi mepesi baada ya kuwa nje ya uwanja kwa muda mrefu baada ya kuumia.

Beki huyo wa kimataifa wa Uingeleza amekuwa nje ya uwanja tangu aumia mwezi wa 12 mwaka jana katika mchezo dhidi ya Chelsea.

Lakini baada ya miezi mitano ya kuwa nje ya uwanja mchezaji huyo alionekana katika viwanja vya mazoezi vya Arsenal, London Colney akifanya mazoezi kama aonekanavyo katika picha ya hapa chini.

Calum chambers

Kuanza kwa mazoezi kwa mchezji huyo ni habari njema kwa kocha mkuu wa Arsenal, Mikel Arteta ambaye yupo katika harakati za kukisuka upya kikosi hicho kwa msimu ujao.

Mchezaji huyo anategemewa ya kwamba atakuwa tayari kucheza mwezi wa tisa mwaka huu tayari kwa msimu ujao wa ligi, na kukosa sehemu ya mwisho ya ligi ambayo inategemewa kuanza tena mwezi wa sita mwaka huu.

 

Tetesi: Arsenal yaanza mbio za kumsajili Philippe Coutinho

Arsenal imeingia rasmi katika mbio za kumsajili kiungo wa Barcelona na timu ya taifa ta Brazil Philippe Coutinho, gazeti la Le10 Sport limeandika.

Philippe-Coutinho

Philippe Coutinho ambaye kwa sasa anaichezea timu ya Bayern Munich kwa mkopo, ameshindwa kuonesha moto katika kikosi cha Barcelona hali iliyolazimisha timu hiyo kumtoa kwa mkopo kwenda Bayern ambako pia amekua hachezi vizuri.

Taarifa hiyo inaendelea kuhabarisha ya kwamba usajili wa mchezaji huyo ni ombi maalum la kocha mkuu wa Arsenal, Mikel Arteta ambaye anaamini timu yake imeshindwa kutengeneza nafasi nyingi za magoli na anaamini Coutinho atatibu tatizo hilo.

Inasemekana ya kwamba tayari Arsenal imeshaanza mazungumzo na wakala wa mchezaji huyo, Kia Joorabchian na wanaamini watamshawishi ili mbrazili huyo atue katika viwanja vya Emirates.

Pia ikumbukwe ya kwamba Kia Joorabchian, ni rafiki na wakala wa mkurugenzi wa ufundi wa Arsenal Edu.

Kama Coutinho atafanikiwa kutua Arsenal na kurudisha makali aliyokuwa nayo wakati anaichezea Liverpool litakuwa bonge la dili.

 

Arsenal waanza mazoezi

Arsenal wameanza mazoezi kujianda na hatua ya mwisho ya ligi kuu baada ya kusimama kwa wiki kadhaa kufuatia mlipuko wa virusi vya korona.

Kocha mkuu wa Arsenal, ambaye alikutwa na virusi vya korona mwezi wa tatu mwaka huu alionekana katika picha za mazoezi hayo akiwa na nyota wote wa Arsenal wakiwemo Mesut Özil, Lacazette, David Luis, Pierre Emerick Aubamayang, Hector Bellerin na wengineo.

Arsenal waanza mazoezi

Timu zote zinazoshiriki ligi kuu ya Uingeleza zilipigwa kura na kuamua kuanza mazoezi ili kumalizia raundi 9 za mwisho za ligi kuu zilizobakia.

Katika mazoezi hayo wachezaji wa Arsenal walionekana wakifanya mazoezi katika makundi madogo madogo chini ya uangalizi wa karibu wa kocha mkuu na wakufunzi wengine.

 

Arsenal Kuanza Mazoezi leo Jumatano

Arsenal wanatarajiwa kuanza mazoezi leo jumatano kujiandaa la michezo ya mwisho ya ligi kuu ya Uingeleza.

Arsenal Kuanza Mazoezi leo Jumatano

Timu zote ishirini zinazoshiriki katika ligi kuu ya Uingeleza zilifanyiwa vipimo kuangalia kama wameadhirika na virusi vya korona ambapo kuna taarifa za kwamba wachezaji na viongozi 6 walikuwa na virusi hivyo ( sio wa Arsenal).

Kutokana na hali hiyo wizara ya afya ya Uingeleza imeziruhusu timu kuanza kufanya mazoezi katika makundi ya wachezaji wachache ingawa bado tarehe rasmi ya kuanza ligi bado haijatangazwa.

Uwezekano mkubwa wa kwamba timu itafanya mazoezi katika makundi ya wachezaji wasiozidi watano na kila timu itatakiwa kufanya mazoezi kwa dakika 75 tu.

Bodi ya ligi kuu ya Uingeleza itatuma wataalamu wake ambapo  watachunguza jinsi timu zinavyofanya mazoezi na kuwafanyia vipimo, ikiwa itaonekana ya kwamba kiafya ni salama kuanza kucheza soka la kishindani wataamua tarehe ya kuanza ligi.

Pamoja na Arsenal na timu nyingine kuanza mazoezi kuna taarifa za kwamba kuna baadhi ya wachezaji hawataki kufanya mazoezi kwani wanahofia ya kwamba maambukizi ya virusi hivyo bado ni makubwa na hawataki kuziambukiza familia zao.

Nohodha wa Watford, Troy Deeney alikuwa wa kwanza kuweka hadharani nia yake ya kugomea mazoezi huku wachezaji kama Rahem Sterling na Danny Rose wakionesha kutokubaliana na mpango wa timu hizo kuanza mazoezi.

Hadi sasa haijulikani kama kuna mchezaji yeyote wa Arsenal ana mpango wa kugomea mazoezi lakini naamini siku chache zijazo tutakuwa na taarifa rasmi.

Lacazette akalia kuti kavu Arsenal

Mshambuliaji wa Arsenal, Alexandre Lacazette amejikuta katika wakati mgumu baada ya video iliyoibuka mwishoni mwa wiki akionekana kuvuta Nitric Oxide kufika mikononi mwa uongozi wa Arsenal.

Lacazette akalia kuti kavu Arsenal

Katika video hiyo mchezaji huyo anaonekana akiwa na baluni lenye Nitrous Oxide, huku anionekana akifurahia hali hivyo.

Inasemekana ya kwamba Lacazette aliituma video hiyo kwa marafiki zake wa karibu na mmoja wao akaivujisha kwa vyombo vya habari.

Katika taarifa fupi iliyotolea kwa vyombo vya habari, timu ya Arsenal imesema ya kwamba italifanyia uchunguzi suala hilo na kufikia maamuzi ya ndani.

Ikimbukwe ya kwamba hii si mara ya kwanza kwa Lacazette kuwa kikaangoni, mara ya kwanza ilikuwa mwaka juzi ambapo yeye pamoja na Pierre Emerick Aubamayang na Matteo Guendozi walipigwa picha wakivuta Nitrous Oxide katika moja ya kumbi za starehe jijini London.

Pia wiki tatu zilizopita Lacazette alikuwa ni mmoja ya wachezaji waliopewa onyo kali na timu baada ya kuonekana wakienda kinyume cha maaguzi ya wizara ya afya ya Uingeleza na kuonekana hadharani kati kati ya mlipuko wa virusi vya Korona.

Bado haijajulikana ya kwamba timu itachukua uamuzi gani lakini ninavyoamini mimi ni kwamba kwa namna moja ama nyingine mchezaji huyo ataadhibiwa kwani kocha mkuu wa Arsenal, Mikel Arteta sio mvumilivu sana kwa watovu wa nidhamu.

Kuvuta Nitrous Oxide sio kosa la jinai, ila kwa mchezaji anayechezea timu kubwa kama Arsenal na ambaye ni kioo cha jamii ni utovu wa nidhamu.

Arsenal yakataa kucheza uwanja huru

Arsenal ni moja ya timu zilizokataa mpango wa chama cha soka cha Uingeleza FA kucheza katika uwanja huru.

Arsenal yakataa kucheza uwanja huru

Katika kikao cha wawakilishi wa vilabu na chama cha soka kilichofanyika jana inasemekana ya kwamba FA ilipendekeza ya kwamba timu zicheze michezo iliyobaki ya ligi kuu katika uwanja huru ili kupunguza uwezeakano wa maambukizi ya virusi vya Korona.

Awali kulikuwa na taarifa za kwamba timu ndogo pekee ambazo zilikuwa katika hatari ya kushuka daraja zilikataa mpango huo.

Lakini taarifa mpya tulizonazo ni kwamba timu zote 20 zinazoshiriki ligi hiyo ikiwemo Arsenal zimeukataa mpango huo.

Sababu kubwa ya timu kuutakaa mpango wa kucheza mechi zote katika uwanja huru ni kwamba timu zina mkababa na wadhamini wake ambao unawataka kuonesha mabango ya wadhamini hao kila wanapocheza.

Arsenal ilisaini mwaka 2018 mkatapa wa paundi milioni 200 na kampuni ya ndege ya Emirates na kama sehemu ya mkataba huo Arsenal wanatakiwa kuweka mabango ya shirika hilo la ndege katika michezo ya nyumbani na pia kutumia ndege za kampuno hiyo wanapoenda kufanya ziara ya michezo ya kirafiki.

Wiki hii kutakuwa na mikutano zaidi ili kulipatia ufumbuzi tatizo hilo.

Chama cha soka cha Uingeleza kina mpango wa kumalizia michezo 92 iliyobaki ya msimu huu ili kuweza kuamua bingwa, timu zitakazofuzu katika michuano ya Ulaya na timu zitakazoshuka daraja.