Danny Welbeck jana alikuwa shujaa wa Arsenal baada ya kuifungia bao pekee na kuifanya Arsenal iifunge timu ya Sporting Lisnon ya Ureno kwa gli 1-0.

Kocha mkuu wa Arsenal, Unai Emery alifanya mabadiliko sita ya wachezaji, huku kiungo Granit Xhaka akianza kama beki wa kushoto kutokana na mabeki wote wa kushoto kuwa majeruhi.

Arsenal waliuanza mchezo huo taratibu hali iliyowapa Sporting Lisbon nafasi ya kutawala mchezo huo lakini kukosa umakini kwa safu yao ya ushabluliaji kilikuwa ni kikwazo kikubwa kwao kwani hadi timu hizo zinaenda mapumziko, wareno hao walikuwa hawajapiga shuti hata moja kulenga goli la Arsenal.

Hadi mapumziko timu hizo zilikuwa hazijafungana.

Kama kawaida Arsenal walikianza kipindi cha pili kwa nguvu na mabadiliko ya kumtoa Mohamed Elneny na kuingia Lucas Torreira yalibadilisha sana hali ya mchezo na kuifanya Arsenal itawale kipindi chote cha pili.

Iliwachukua Arsenal hadi dakika ya 77 kupata goli baada ya beki wa Sporting Lisbon,Sebastian Coates, kufanya makosa wakati akiokoa mpira na kumpa nafasi Danny Welbeck aliyepiga mpira wa kiufundi na kuiandikia Arsenal goli pekee na la ushindi.

pamoja na Arsenal kushambulia sana walishindwa kupata goli la pili hivyo hadi mwisho wa mchezo,Arsenal 1-0 Sporting Lisbon.

Ushidi huo unaiweka Arsenal kileleni mwa kundi E, ikiwa na pointi 9 baada ya kushinda michezo yake yote mitatu.

Pia Ushindi huo unaifanya Arsenal iendeleze wimbi la ushindi kwani kwa sasa imefanikiwa kushinda michezo 11 katika michezo 11.

Arsenal imeingia katika mbio za kumuwania kiungo wa Cagliari, Nicolò Barella na wapo tayari kulipa dau la paundi milioni 50 ili kumpata kiungo huyo.

Mtandao wa football Italia unaandika ya kwamba mchezaji huyo mwenye umri wa miaka 21 ambaye aliichezea timu ya taifa ya Italia kwa mara ya kwanza wiki iliyopita wakati Italia ilipotoka sare ya 1-1 na Ukraine kwa sasa yupo katika rada za Arsenal.

Mchezaji huyo tayari amehusishwa na kuhamia timu za Milan, Inter, Juventus, Roma, Napoli, Liverpool na Chelsea, na sasa inadaiwa ya kwamba Arsenal wapo tayari kujaribu kumsajili mchezaji huyo na hawataogopa dau la paundi milioni 5o linalotakiwa na timu yake ili wamuachie.

Barella ni mmoja ya wachezaji wanaotajwa kuja kujaza nafasi inayotegemewa kuachwa na Aaron Ramsey ambaye ataondoka mwishoni mwa msimu huu.

 

Kuna tetesi zimezuka usiku huu kwamba ijumaa hii timu ya Bayern Munich itamtangaza kocha wa zamani wa Arsenal,Arsene Wenger kama kocha wao mkuu.

Tetesi hizo zilianza mara baada ya gazeti la Bild kuandika ya kwamba viongozi wakuu wa Bayern Munich watakuwa na mkutano na waandishi wa habari saa nne asubuhi kwa saa za ujerumano. Mara ya mwishoo viongozi hao kuitisha mkutano kama huu walimtimua Carlo Ancelotti.

Na sasa mwandishi wa habari za michezo kutoka Urusi,Kirill Dementyev anadai ya kwamba ameambiwa ya kwamba Arsene Wenger atatangazwa kocha mkuu wa Bayern Munich asubuhi ya leo.

Siku mbili zilizopita Wenger alifanya mahojiano na waandishi wa habari kutoka Ujerumani na alisema ya kwamba amepata ofa nyingi za kufundisha.

Baada ya mahojiano hayo watu wengi walianza na kumhusisha na timu mbali mbali zikiwemo Bayern Munich, Real Madrid,Timu ya taifa ya Ujerumani na timu ya taifa ya Japan.

Timuy hiyo ya Ujerumani imeanza vibaya katika ligi ya Ujerumani maarufu kama Bundersliga na kocha wao mkuu Niko Kovac amekuwa katika wakati mgumu huku mashabiki wengi wa timu hiyo wakitaka afukuzwe.

Litakuwa ni jambo la kushangaza kidogo iwapo Bayern watampa kazi Wenger ambaye misimu mitatu iliyopita timu ya Wenger(Arsenal) ilifungwa jumla ya goli 10-2 na timu hiyo ya Ujerumani.

Je Wenger atapewa mikoba na Bayern Munich? ni jambo la kusubiri na kuona.

 

Baada ya kuteuliwa kuwa kocha mkuu wa timu ya Monaco, Thierry Henry ana mpango wa kumfanya kocha wa timu ya vijana wa Arsenal Kwame Ampadu kama msaidizi wake.

Kocha huyo wa viajana wa arsenal ambaye pia ni baba mzazi wa mchezaji wa Chelsea,Ethan Ampadu amekuwa ni rafiki wa karibu wa Henry tangu walipokuwa wakifanya kazi pamoja katika kuwanoa watoto wenye umri wa miaka 18.

Ampadu ambaye pia ni mchezaji wa zamani wa Arsenal (aliichezea Arsenal kati ya mwaka 1988 na 1991 ambapo aliichezea timu ya kwanza katika michezo mitatu), alianza kuifundisha timu ya vijana ya Arsenal tangu mwaka 2012.

Kwame Ampadu ambaye ni raia wa Wales anatazamiwa kumsaidia Thierry Henry katika kazi ya kuisaidia Monaco ambayo kwa sasa ipo nafasi ya 18 baada ya kuanza vibaya katika ligu kuu ya Ufaransa.

Mshambuliaji wa zamani wa Arsenal, Thierry Henry leo amefungua ukurasa mpya kisoka baada ya kuteuliwa kuwa kocha mkuu wa Monaco ya nchini Ufaransa.

Mchezaji huyo ambaye alianzia kucheza soka la kishindani katika timu hiyo ameamua kurudi na kuanza maisha mapya kama kocha mkuu katika timu yake ya zamani.

Baada ya kustaafu kucheza soka Thierry Henry aliamua kuwa mchambuzi wa soka katika kituo cha luninga cha sky sport na wakati huohuo alikuwa akichuku mafunzo ya ukocha kutoka UEFA ambapo alifanya mazoezi ya vitendo kwa kuifundisha timu ya vijana wa Arsenal.

Baada ya kumaliza mafunzo hayo aliambia na uongozi wa Arsenal achague moja kati ya kuwa kocha wa vijana wa Arsenal au uchambuzi wa soka na yeye akaamua kuchagua uchambuzi wa soka.

Baadaye akateuliwa kuwa kocha msaidia wa timu ya taifa ya Ubelgiji akimsaidia Roberto Martinez ambapo walifika nusu fainali ya kombe la dunia lililofanyika nchini Urusi.

Baada ya kumalizika kwa fainali hizo aliamua kufuata ushauri aliopewa na Arsene Wenger na kuachana na kazi ya uchambuzi wa soka na ili kuwa kocha muda wote.

Wiki chache zilizopita alihusishwa na kuwa kocha wa Aston Villa, lakini kuna taarifa za kwamba uongozi wa Monaco ulimpigia simu na kumuomba ajiunge nayo kwani walikuwa na mpango wa kuachana na aliyekuwa kocha wao Lenardo Jardim, na Henry alikubali na kuwapiga chini Villa.

Na sasa amepata kazi yake ya kwanza akiwa kama kocha mkuu.

Mashabiki wengi wa Arsenal wanaamini ya kwamba mchezaji huyo amepiga hatua moja mbele ili kuja kuja kuchukua jukumu la kuinoa Arsenal katika siku za mbele.

Kila la heri Mfalme Thierry Henry

Pamoja ya kwamba wachezaji wengi wa Arsenal wameondoka na kwenda kujiunga na timu zao za taifa ,Arsenal jana iliendelea na mazoezi katika viwanja vya London Colney.

Katika mazoezi hayo yaliyoongozwa na kocha mkuu Unai Emery akisaidiwa na kocha wa timu ya vijana ya Arsenal mkongwe Freddie Ljungberg, pia yaliwajuuisha baadhi ya wachezaji  kutoka katika kikosi cha vijana wenye umri wa miaka 23.

James Olayinka, Tolaji Bola, Charlie Gilmour, Julio Pleguezuelo, Joseph Olowu, Tobi Omole, Zech Medley, Nathan Tormey na Dominic Thompson walifanya mazoezi ya timu ya wakubwa.

Wachezaji wa kikosi cha kwanza waliofanya mazoezi hapo jana ni  Emiliano Martinez, Nacho Monreal, Shkodran Mustafi, Hector Bellerin, Sead Kolasinac, Alex Lacazette, Carl Jenkinson, Stephan Lichtsteiner na Rob Holding. Laurent Koscielny alifanya mazoezi mepesi.

Wachezaji wa Arsenal walioenda katika timu zao za taifa ni Bernd Leno, Danny Welbeck, Aaron Ramsey, Lucas Torreira, Henrikh Mkhitaryan, Granit Xhaka, Sokratis, Pierre-Emerick Aubameyang, Alex Iwobi na Mohamed Elneny .

Wachezaji ambao walikosa mazoezi kutokana na bado kuwa majeruhi ni  Mesut Ozil, Petr Cech, Ainsley Maitland-Niles na Konstantinos Mavropanos .

Baadhi ya wachezaji wa timu ya vijana chini ya miaka 23 walioitwa kwenye timu zao za taifa ni Eddie Nketiah, Joe Willock, Robbie Burton, Tyreece John-Jules, Arthur Okonkwo na Bukayo Saka.

Mechi inayofuata ya Arsenal itakuwa dhidi ya Leicester City jumatatu ya tarehe 22 ya mwezi huu.

Golikipa wa Arsenal, Bernd Leno ameitwa na timu ya taifa ya Ujerumani ili kuichezea katika kombe la  UEFA Nations League.

Timu ya Taifa ya Ujerumani itacheza na timu za taifa za Ufaransa na Uholanzi katika michuano hiyo.

Leno ameitwa kuchukua nafasi ya Kevin Trapp, ambaye atakosa michezo yote miwili kutokana na kuwa na maumivi ya misuli.

Leno ameishaichezea Arsenal katika michezo mitano tangu ajiunge na timu hiyo akitokea Bayer Leverkusen katika dirisha lililopita la usajili.

Kwa sasa mchezaji huyo anacheza mechi zote za Arsenal baada ya kuumia kwa kipa namba moja wa Arsenal Petr Cech ambaye anatazamiwa kurudi ndani ya wiki mbili zijazo.

Kuitwa kwa Bernd Leno ni jambo zuri kwani kutasaidia kuongeza uwezo kwa kujiamini kwa mchezaji huyo.

#COYG

Arsenal leo imedhibitisha kuingia mkataba na kampuni ya Adidas kama mtengenezaji mkuu wa jezi za Arsenal kuanzia msimu ujao.

Arsenal ilitangaza habari hizo kupitia ukurasa wake rasmi wa twitter na bado hakuna taarifa za kina kuhusu mkataba huo ingawa taarifa tulizonazo ni kwamba mkataba huo ni mnono zaidi kuliko ule wa Puma uliosainiwa mwaka 2013 na unaisha tarehe 30 ya mwezi wa sita mwakani.

Arsenal and adidas have agreed a new kit partnership, effective from July 1, 2019 pic.twitter.com/ceZzq0elgs

— Arsenal FC (@Arsenal) October 8, 2018

Mashabiki wengi wa Arsenal wameonesha kufurahishwa na taarifa hizo kwani kwa muda mrefu sasa puma wamekuwa wakitengeneza jezi ambazo mashabiki wengi wa Arsenal hawakuzipenda.

#COYG

Arsenal jana ilipata ushini mwingine baada ya kuifunga timu ya Fulham kwa jumla ya magoli 5-1 na rasmi kuingia ndani ya nne bora.

Kulikuwa na mambo mengi ya kufurahisha katika safari hiyo ya Craven Cottage, cha kwanza kilikuwa ni jinsi Unai Emery alivyoibadilisha timu na kuwaacha baadhi ya wachezaji muhimu nje.

Mesut Ôzil alikosa mchezo huo kutokana na kuwa na maumivu ya mgongo, Aubamayang na Aaron Ramsey walianzia katika benchi la wachezaji wa timu ya akiba.

Arsenal walikianza kipindi cha kwanza taratibu,na ilipata goli la kwanza kupitia kwa Alexandre Lacazette ambaye alipata mpira ndani ya eneo la hatari na kufanikiwa kugeuka na kufunga.

Ikiwa imebaki dakika moja kwenda mapumziko beki wa Arsenal, Nacho Monreal alifanya kosa na kupoteza mpira ambao ulimkuta Schurlle aliyewafungia Fulham goli la kusawazisha na kufanya timu hizo kwenda mapumziko 1-1.

Kipindi cha pili Arsenal walibadilika na kucheza soka la hali ya juu mno, Lacazette alifunga goli la pili kwa shuti la mbali ambalo golikipa wa Fulham alishindwa kulizuia.

Mambo yalibadilika zaidi baada ya Aubamayang na Ramsey kuingia, sekunde chache baada ya kuingia Ramsey alianzisha mpira kutokea upande wa beki wa kulia wa Arsenal na kuumalizia kwa bonge la goli, goli la Ramsey ni moja ya magoli bora kabisa kuwahi kufungwa na Arsenal.

Auba alifunga magoli mengine mawili na kuifanya siku ya jana kuwa moja ya siku bora kabisa kwa mashabiki wa Arsenal.

Hadi mwisho wa mchezo huo Arseanal 5-1 Fulham.

Baada ya mchezo huo  kutakuwa na mapumziko ya wiki mbili ili kupisha michezo ya kimataifa na mchezo unaofuatia wa Arsenal ni dhidi ya Leicester City utakaofanyika jumatatu ya tarehe 22 ya mwezi huu.

 

Emile Smith Rowe, Matteo Guendouzi na Sokratis walifunga kwa mara ya kwanza dhidi ya timu ya Qarabag na kuipa Arsenal ushindi wa goli 3-0.

Kocha wa Arsenal, Unai Emery alipanga kikosi kizito katika mchezo huo ambapo wachezaji wengi wa kikosi cha kwanza walianza ama kukaa katika benchi la wachezaji wa akiba.

Alikuwa ni beki Mgiriki Sotratis aliyekuwa wa kwanza kuipatia Arsenal goli la kwanza baada ya kumalizia mpira wa kichwa uliopigwa na Nacho Monreal baada kufuatia kona iliyopigwa na Mohamed Elneny.

Sokratis anakuwa mchezaji wa kwanza ambaye hajafundishwa na Arsene Wenger kuifungia Arsenal goli katika mechi ya ushindani toka mwezi wa tano mwaka 1996.

Baada ya goli hilo Qarabaq waliamka na kuanza kishambulia Arsenal kwa nguvu, lakini umakini wa mlinda mlango wa Arsenal, Bern Leno ulisaidia kuwafanya Arsenal waende mapumziko wakiongoza kwa goli hilo moja.

Kipindi cha pili kilianza kwa Arsenal kufanya mabadiliko, ambapo Nahodha wa jana Nacho Monreal alitolewa na Nafasi yake kuchukuliwa na kiungo Lucas Torreira.

Kuingia kwa Torreira kulibadilisha hali ya mchezo na Arsenal ilianza kutawala mchezo huo hasa sehemu ya kiungo.

Arsenal walifanikiwa kupata goli la pili baada ya Alex Iwobi kuwahadaa wachezaji wa Qarabaq na kumpasia Emile Smith Rowe ambaye bila kukosea aliukwamisha wavuni.

Goli hilo lilikuwa ni goli la kwanza kwa kinda huyo kuifungia timu ya wakubwa ya Arsenal na linamfanya awe mchezaji wa kwanza aliyezaliwa baada ya mwaka 2000 kuifungia Arsenal goli katika mechi ya ushindani.

Alikuwa ni kinda mwingine Matteo Guendouzi aliyeifungia goli la tatu baada ya kupokea mpira kutoka kwa Alexandre Lacazette na kupiga shuti lililoenda moja kwa moja wavuni.

Hilo lilikuwa goli la kwanza la Guendouzi katika jezi za Arsenal na pia ni goli lake la kwanza tangu aanze kucheza soka la ushindani.

Hadi mwisho wa mchezo Arsenal 3-0 Qarabag.

Ushindi huo unaiweka Arsenal kileleni mwa kundi lake na unaifanya timu iwe katia nafasi nzuri ya kushika nafasi ya kwanza katika kundi.

Arsenal itacheza tena jumapili mchana dhidi ya Fulham katika ligi kuu ya Uingeleza kabla ya kupumzika kwa wiki pili kupisha mechi za kimataifa.

Magoli na sehemu muhimu za mchezo wa jana unaweza kuangalia katika video iliyopo hapo chini. #COYG

Arsenal wapo katika mji wa Baku nchini Azerbaijan, wakijiandaa kupambana na Qarabag ya nchini humo, kuelekea katika mchezo wa makundi wa kugombea kombe la Ueropa League.

Tumezoea kuona timu kubwa zikipumzisha wachezaji wake muhimu katika mechi kama hizi lakini naona ya kwamba Emery yeye ameamua kuweka msisitizo na kupekeka kikosi chote kwa kwanza.

Katika picha zilizowekwa mtandaoni na Ukurasa rasmi wa Arsenal, zilionesha wachezaji wote wa kikosi cha kwanza ambao wapo fiti wakipanda ndege kuelekea nchini Azerbaijan.

Ukiondoa wachezaji walio majeruhi kama Petr Cech na Laurent Koscienly, Emery aliawaacha Uingeleza wachezaji watatu tu wa kikosi cha kwana.

Wachezaji walioachwa ni Aaron Ramsey ambaye anategemewa kupata mtoto siku si nyingi, Pierre Emerick Aubamayang ambaye hadi juzi alikuwa anaumwa homa na Henriki Mkhitaryan ambaye hakuweza kusafiri kutokana na uhusiano wa kidipromasia kati ya Armenia na Azerbaijan kuwa na matatizo.

Kwa hali inavyoonesha inawezekana leo tutaona Arsenal ikipanga kikosi chake cha kwanza ili kujihakikishia ushindi katika mchezo huo.

Hapa chini ni video ya wachezaji wa Arsenal wakifanya mazoezi mjini Baku, usikose kuangalia goli la Özil.