Arsenal yakamilisha usajili wa Beki Gabriel Magalhaes

Arsenal imekamilisha usajili wa beki wa kati raia wa Brazil, Gabriel Magalhaes akitokea katika timu ya Lille ya Ufaransa.

Gabriel

Gabriel pichani juu ambaye ni beki wa kati anayecheza upande wa kushoto amesajiliwa na Arsenal katika usajili unaokadiliwa kufikia paundi milioni 27 ( Euro millioni 30) na amesaini mkataba wa miaka mitano wa kuichezea timu ya Arsenal.

Mchezaji huyo alitambulishwa rasmi kwa mashabiki wa Arsenal mida ya saa 12 jioni kupitia video iliyowekwa katika ukurasa ramsi wa Arsenal katika Youtube kabla ya kutangazwa katika mitandao mingine ya kijamii na tovuti ya Arsenal.

Mchezaji huyo hataanza mazoezi na wachezaji wenzake hadi wiki ijayo kwani kufuatia mlipuko wa virusi vya Korona anatakiwa akae peke yake siku 14 kabla hajaanza kuchanganyika na wachezaji wengine.

Gabriel anakuwa mbrazil wa pili kujiunga na Arsenal msimu huu akiufuatia Willian ambaye alijiunga na Arsenal mwezi uliopita akitokea Chelsea.

Karibu katika chama la wana Grabriel

COYG

Tetesi-Arsenal Waulizia kuhusu Thiago Alcantara

Kituo cha luninga cha ESPN kinahabarisha ya kwamba Arsenal imewasiliana na timu ya Bayern Munich kwa nia ya kumsajili kiungo wa timu hiyo Thiago Alcantara.

Thiago Alcantara

 

Taarifa hizo zinaeleza ya kwamba Bayern Munich wana mpango wa kumuuza kiungo huyo mwenye umri wa miaka 29 kwani amebakisha mwaka mmoja tu katika mkataba wake.

Bayern Munich ipo tayari kumuachia mchezaji huyo kwa dau la paundi milioni 23 lakini Arsenal ina mpango wa kuongea na timu ya Bayern Munich ili wapunguziwe kwani mchezaji huyo atataka kulipwa mshahara mkubwa.

Inaaminika ya kwamba Liverpool ndiyo waliokuwa katika nafasi ya kwanza katika mbio za kumsajili beki huyo, lakini kuingia kwa Arsenal katika mbio hizo kunabadilisha kila kitu kwani mchezaji huyo ana uhusuano mzuri na kocha mkuu wa Arsenal Mikel Arteta.

Iwapo Arsenal itafanikiwa kukamilisha mpango wa kumsajili  Thiago Alcantara, utakuwa ni moja ya sajili bora kabisa kwani kwa mtazamo wangu, timu kwa sasa haina kiungo hata mmoja anayefikia kiwango cha mchezaji huyo.

 

 

Salah-Eddine ajiunga na Arsenal

Salah-Eddine ajiunga na Arsenal

Timu ya Arsenal imekamilisha usajili wa mchezaji kinda Salah-Eddine kutoka katika timu ya Feyenoord ya Uholanzi.

Salah-Eddine ambaye anajulikana zaidi kama Salah ni mchezaji mwenye umri wa miaka 17 amejiunga na Arsenal bure, kwa sasa atakuwa katika kikosi cha vijana cha Arsenal.

Salah anayeimudu vyema nafasi ya kiungo wa kati anasikifa zaidi kwa uwezo wake wa kupiga pasi na kutengeneza magoli kutoka katikati ya uwanja.

Salah ameanzia maisha yake ya soka nchini uholanzi, amekulia mjini Rotterdam, ambapo amezichezea timu mbali mbali za vijana za Feyenoord.

Usajili huo ni mwendelezo wa Arsenal wa kukusanya wachezaji vijana wenye vipaji wa gharama ndogo na kuwatunza ili ikiwezekana baadaye waichezee timu ya wakubwa ama kuwauza kwa faida.

Salah anajuwa mchezaji wa nne wa timu ya vijana kusajiliwa ndani ya wiki mbili zilizopita.

Tetesi-Arsenal yakaribia kumsajili Gabriel Magalhaes

Arsenal imeshinda vita vya kumsajili beki wa kati raia wa Brazil Gabriel Magalhaes kutoka katika  timu ya Lille ya Ufaransa.

Gabriel Magalhaes

Gabriel Magalhaes (pichani juu ) alikuwa akigombewa na timu mbali mbali zikiwemo Manchester Uniter, Everton, Napoli na Arsenal.

Katika habari zilizoandikwa na mitandao mbalimbali ni kwamba ofa za timu za Arsenal na Napoli zilikubaliwa na timu hiyo ya kirafansa, ambapo mchezaji huyo alitakiwa kuchagua timu ipi ataichezea.

Sasa inaonekana ya kwamba mchezaji huyo ameshafikia uamuzi na gazeti la Mirror linaandika ya kwamba tayari ameshakubali kujiunga na timu ya Arsenal kwa mkataba wa miaka mitano.

Pia gazeti hilo la Mirror linaendelea kuhabarisha ya kwamba mchezaji huyo alikuwa anasubiri kibali maalumu ili aweze kusafiri kwenda London kufanyiwa vipimo vya afya.

Ikitokea ya kwamba akashindwa kupata kibali maalum mchezaji huyo anaweza kufanyiwa vipimo akiwa nchini Ufaransa.

Arsenal wapo sokoni katika dirisha hili la usajili kujaribu kutafuta wachezaji watakaoimarisha kikosi cha kwanza kwa msimu ujao.

Tayari Arsenal imeshakamilisha usajili wa Willian kutoka Chelsea, ambaye alikuja bure baada ya mkataba wake na Chelsea kufikia mwisho.

Pia kuna tetesi za kwamba Arsenal ipo sokoni kutafuta wachezaji wengine wawili wanaocheza katika nafasi za kiungo huku Thomas Partey wa Atletico Madrid akitajwa sana.

Arsenal ilimaliza nafasi ya nane katika ligi kuu ya Uingeleza, itahitaji mabadiliko makubwa kama itataka kuwa miongoni mwa timu nne bora za ligi kuu na kushiriki katika ligi ya mabingwa wa Ulaya.

Je unauonaje usajili huu? tupia maoni yako hapo chini

Tetesi za usajili Arsenal

Katika tetesi za usajili Arsenal leo tunakuletea taarifa kuhusu mchezaji mpya ambaye inasemekana ya kwamba Arsenal imemsajili, habari kuhusu beki Grabriel, Emi Martinez na Pierre Emerick Aubamanang.

Emi Martinez kuondoka Arsenalemi martinez

Golikipa wa Arsenal, Emi Martinez amesema ya kwamba yupo tayari kuhama Arsenal iwapo kocha mkuu wa Arsenal, Mikel Arteta atashindwa kumhakikishia nafasi ya kucheza katika kikosi cha kwanza msimu ujao.

Emi Martinez aliyekuwa shujaa katika mechi za mwisho za ligi kuu ya Uingeleza na kombe la FA baada ya kuchukua nafasi ya kipa namba moja Bernd Leo aliyeumia, Martinez aliyasema hayo katika mahojiano ya kituo cha luninga cha ESPN.

Willian hakutaka kuondoka Chelsea

Willian

Mchezaji mpya wa Arsenal, Willian amesema ya kwamba hakutaka kuondoka Chelsea, lakini alichukizwa na kitendo cha timu hiyo kumpa mkataba wa miaka miwili kwani alikiona kama ni dharau na hivyo kufikia uamuzi wa kuihama timu hiyo na kujiunga na Arsenal.

Willian aliyasema hayo katika mahojiano na kituo cha luninga cha ESPN Brazil.

Arsenal yamsajili kinda mzaliwa wa Rwanda

George Lewis via Arsenal.com

Jana timu ya Arsenal ilitangaza kukamilisha usajili wa winga George Lewis, Lewis mwenye miaka 20 alizaliwa mjini kigali Rwanda ingawa kwa sasa ana unaia wa Norway.

Mchezaji huyo anatazamiwa kujiunga na timu timu ya vijana chini ya miaka 23.

Arsenal wakubaliana na Napoli kuhusu Gabriel

Lille's Brazilian defender Gabriel dos Santos Magalhaes (L) fights for the ball with Rennes' Senegalese forward Mbaye Niang (R)during the French L1 Football match between Rennes (SRFC) and Lille (LOSC), on September 22, 2019, at the Roazhon Park, in Rennes, northwestern France. (Photo by JEAN-FRANCOIS MONIER / AFP)

Arsenal imetuma ofa ya kumsajili beki wa Lille Gabriel, na timu hiyo ya Ufaransa imekubali ofa ya Arsenal, pia timu hiyo imekubali ofa kutoka katika timu za Everton na Napoli na sasa ni juu ya mchezaji huyo kuamua wapi anataka kucheza msimu ujao.

Ingawa tetesi zingine zinadai ya kwamba mchezaji huyo tayari ameshaamua ya kwamba atajiunga na Arsenal kwa mkataba wa miaka mitano, ni jambo la kusubiri na kuona nini kitatokea.

Auba asaini mkataba mpya

Tetesi nyingine ni kwamba mchezaji na nahodha wa Arsenal Pierre Emerick Aubamayang amekubali kusaini mkataba mpya wa miaka mitatu ili kuendelea kuichezea Arsenal.

Taarifa tulizopata ni kwamba kila kitu tayari kimekamilika kilichobaki ni kupiga picha na video kwa ajili ya matangazo kitu kitakachofanyika baada ya mchezaji huyo kurudi kutoka likizo mwishoni mwa juma hili.

Kama ni kweli hizo zitakuwa ni habari njema sana.

Hizo ndizo tetesi za usajili Arsenal tulizozipata kwa siku ya leo, Asante kwa kuzisoma.

Tetesi-Partey anataka kuichezea Arsenal

Kiungo wa Atletico Madrid, Thomas Partey amewaambia wake wake wa karibu ya kwamba anakata kucheza katika ligi kuu ya Uingeleza na Arsenal.

Gazeti la The Telegraph limeandika taarifa hiyo katika toleo lake la leo ya kwamba mchezaji huyo mwenye umri wa miaka 26 ana matumaini makubwa ya kwamba kutakuwa na makubaliano kati ya Arsenal na Atletico Madrid.

Tetesi-Partey anataka kuichezea Arsenal

Katika siku za karibuni kuna tetesi nyingi zinazodai ya kwamba mchezaji huyo ni chaguo la kwanza la kocha wa Arsenal Mikel Arteta na Arsenal watafanya kila liwezekanalo kuipata saini ya mchezaji huyo.

Lakini kutokana na kuibuka kwa ugongwa wa Korona na ligi mbali mbali kusimamishwa inategemewa ya kwamba timu nyingi zitashindwa kufanya usajili, huku Arsenal tayari ikiwa imekubaliana na wachezaji wake kupunguza mishahara kwa asilimia 12.5

Atletico Madrid pia wana matatizo makubwa ya uchumi kwani walitumia pesa nyingi msimu uliopita katika usajili na hawajafanya vizuri sana mwaka huu na kuna uwezekano wa kwamba wakakosa nafasi ya kushiriki katika ligi ya mabingwa wa Ulaya kwa msimu ujao.

Hali hiyo inapelekea kuwepo na tetesi za kwamba timu hizo zitangalia uwezekano wa kubadilishana wachezaji, Arsenal wakimchukua Thomas Partey, huku Alexandre Lacazette akielekea upande wa pili.

Je dili hilo litafanikiwa? muda tu ndiyo utatupatia jibu sahihi.

 

Eddie Nketiah ajiunga na Leeds United hadi mwisho wa msimu

Timu ya Leeds United inayofundishwa na kocha Marcelo Bielsa imeshinda vita ya kumsajili mashambuliaji wa Arsenal Eddie Nketiah kwa mkopo hadi mwisho wa msimu unaoanza leo.

Eddie Nketiah ajiunga na Leeds United hadi mwisho wa msimu

Vita vya kumuwania kinda huyo wa Arsenal ilikuwa kubwa kwani kulikuwa na timu 23 kutoka Uingeleza, Italia, Hispania na Ujerumani zilizokuwa zinamuhitaji mchezaji huyo.

Lakini inasemekana ya kwamba mkurugenzi wa ufundi wa Leeds United aliandaa hotuba kali ya kumshawishi mchezaji huyo ajiunge na timu yao kwani wana maradi mkubwa na wangependa awe sehemu ya mipango yao kwa msimu mpya na mchezaji huyo alikubali.

Arsenal imeamua kumuachia mchezaji huyo baada ya kumsajili kinda wa Brazil, Martinelli na pia inaonekana ya kwmba Reiss Nelson atabaki Arsenal msimu huu.

Kucheza chini ya kocha anayesifika kwa mbinu kali za soka kama Marcelo Bielsa kunaweza kuwa na manufaa makubwa kwa mchezaji huyo kwani kutasaidia kumjenga kama mshambuliaji wa kati na pia atapata nafasi ya kucheza mara kwa mara tofauti na kama angebaki Arsenal.

Kila la Heri Eddie, tunategemea msimu ujao utarudi ukiwa umekomaa na tayari kuisaidia Arsenal.

Dominic Thompson ajiunga na timu ya Brentford

Beki kinda wa Arsenal, Dominic Thompson amejiunga na timu inayoshiriki ligi daraja la kwanza Uingeleza ya

Rasmi: Alex Iwobi ajiunga na Everton

Mchezaji wa kimataifa wa Nigeria Alex Iwobi ameihama timu ya Arsenal na kujiunga na timu ya Everton baada ya kusaini mkataba wa miaka mitano kuichezea timu hiyo ya jijini Liverpool.

Rasmi: Alex Iwobi ajiunga na Everton

Iwobi ambaye ni zao la chuo cha soka cha Arsenal, Hale End Academy, alipandishwa katika kikosi cha kwanza cha Arsenal mwaka 2015 na aliyekuwa kocha wa Arsenal, Arsene Wenger baada ya kufanya vizuri katika kikosi cha vijana wenye umri wa chini ya miaka 23.
Alex Iwobi mwenye umri wa miaka 23 alijiunga na Arsenal akiwa mtoto wa miaka 8 miaka 15 iliyopita na amefanikiwa kuzichezea timu zote za Arsenal kuanzia ngazi ya awali kabisa.

Aliichezea timu ya wakubwa kwa mara ya kwanza mwaka 2015, na baadaye kuichezea Arsenal katika jumla ya michezo 148 ambapo alifanikiwa kufunga magoli 15, alizoa pasi za mwisho zilizozaa magoli mara 27, akiwa katika kikosi kilichobeba kombe la FA mara mbili na kushinda ngao ya hisani mara moja.

Pia ameishaichezea timu ya taifa ya Nigeria katika michezo 36 ambapo hivi karibuni aliisaidia kushika nafasi ya tatu katika kombe la mataifa huru ya Africa.

Ujio wa Nicolas Pepe na Dan Ceballos, kungepunguza muda wake wa kuwa uwanjani na pia kwa upande wa Arsenal ilikuwa ni vigumu kuacha dau la paundi milioni 40 ambalo Everton imetoa ili kumpata mchezaji huyo.

Ni vigumu kuona mchezaji ambaye ni shabiki wa Arsenal na amekulia ndani ya Arsenal akiondoka ila naamini hili dili ni zuri kwa pande zote tatu, Arsenal wanapata pesa kusaidia kufidia pesa walizotoa kufanya usajili msimu huu, Iwobi anaenda kucheza mara kwa mara katika timu nzuri kama Everton na Everton wanapata mchezaji ambaye ana kiwango kizuri na mwenye umri mdogo.

Kila la heri Naija Boy.

Oooh Alexiiii Iwoobi

#COYG

 

Rasmi-David Luiz ajiunga na Arsenal

Arsenal imekamilisha usajili wake wa mwisho katika dirisha hili la usajili baada ya kumnasa beki wa kati wa Chelsea David Luiz kwa dau linalokadiliwa kufikia paundi milioni 8.

David Luiz

David Luiz alianza kucheza soka katika timu ya Vitoria ya kwao Brazil, kabla ya kuhamia Ureno ambapo aliichezea timu ya Benfica. Pia ameishaichezea timu ya Chelsea katika vipindi viwili tofauti, pia aliichezea timu ya PSG ya ufaransa kwa miaka miwili ambapo alikuwa chini ya kocha wa sasa wa Arsenal, Unai Emery.

Pia Luiz ameishaichezea timu ya taifa ya Brazil katika michezo 56.

Mara baada ya kukamilika kwa usajili huo kocha mkuu wa Arsenal Unai Emery alisema, “David Luiz ni mchezaji mwenye uzoefu mkubwa na ninategemea kufanya nae kazi kwa mara nyingine tena, ni mchezaji mwenye jina kubwa na ataongea nguvu katika safu yetu ya ulinzi.”

David Luiz atavaa jezi namba 23.

David

Katibu katika chama la wana David.

#COYG

Rasmi-Kieran Tierney atua Arsenal

Hatimaye Arsenal imefanikiwa kumnasa beki wa kushoto wa Celtic, Kieran Tierney ambaye jana usiku alikamilisha usajili kwa dau linalokadiliwa kufikia paundi milioni 25 ambapo alisaini mkataba wa miaka mitano.

Kieran Tierney

Beki huyo wa kushoto mwenye umri wa miaka 22 alizaliwa katika kisiwa cha Man na amekuwa mchezaji wa Celtic tangu akiwa na miaka 7.

Mchezaji huyo aliichezea timu ya Celtic katika michezo 170 na pia ameishaichezea timu ya taifa ya Scotland mara 12.

Usajili wa mchezaji huyo ni muhimu sana kwani Arsenal ilikuwa inapengo upande wa beki wa kushoto, Nacho Monreal umri unamtupa mkono, wakati Sead Kolasinac hana uwezo wa kucheza kama beki wa kushoto katika mfumo wa mabeki wanne hali iliyomlazimisha Unai Emery kutumia mabeki watano katika michezo mingi msimu uliopita.

Kieran Tierney alifanyiwa vipimo vya afya jana jiona katika viwanja vya mazoezi vya Arsenal, London Colney, na mara baada ya kufuzu vipimo hivyo alijiunga na wachezaji wengine wa Arsenal.

Mchezaji huyo atavaa jezi namba tatu ambayo ilikuwa haina mtu.

Rasmi-Kieran Tierney atua Arsenal

Mara baada ya kukamilika kwa usajili huo, kocha mkuu wa Arsenal Unai Emery alisema,