Rasmi-Sokratis Papastathopoulos ajiunga na Arsenal

Arsenal imekamilisha usajili wa beki wa kigiriki  Sokratis Papastathopoulos kutoka katika timu ya  Borussia Dortmund ya Ujerumani kwa ada ya uhamisho ambayo haijawekwa hadharani.

Rasmi-Sokratis Papastathopoulos ajiunga na Arsenal

Kupitia tovuti rasmi ya timu, Arsenal wametangaza usajili wa beki wa kigiriki Sokratis Papastathopoulos kutoka Dortumund.

Beki huyo wa kati amesaini mkataba wa muda mrefu wa kuichezea Arsenal ingawa hawajaweka wazi ni kiasi gani atalipwa na pia hakuna taarifa rasmi ya kwamba amesajiliwa kwa dau la kiasi gani.

Mchezaji huyo mwenye umri wa miaka 30 ameishaichezea timu ya taifa ya Ugiriki katika michezo 79 na katika miaka mitano iliyopita aliichezea timu hiyo ya Ujerumani katika michezo 130 ya ligi ambapo alifunga magoli saba.

Mchezaji huyo anakuwa mchezaji wa tatu kusajiiwa na Arsenal msimu huu baada ya kusajiliwa kwa  Stephan Lichtsteiner kutoka  Juventus, na kipa  Bernd Leno, kutoka  Bayer Leverkusen.

Sokratis  atavaa jezi namba 5 ndani ya Arsenal, Arsenal itacheza mchezo wake wa kwanza wa ushindani kwenye ligi dhidi ya Manchester City wikiendi ya tarehe 11-12 mwezi wa nane.

Karibu Socratis

Je mashabiki wa arsenal mnauonaje usajili huu? unakidhi mahitaji ya timu ama bado? tupia maoni yake hapa chini.

 

Tetesi za usajili-Arsenal wanamfukuzia Lucas Vazquez

Arsenal ina mpango wa kumlipa  Lucas Vazquez mshahara ambao ni mara mbili zaidi na anaolipwa na Real Madrid ili kumshawishi kuhamia kaskazini mwa London.

Tetesi za usajili-Arsenal wanamfukuzia Lucas Vazquez

Katika taarifa itulizozipata kutoka nchini Uhispania ni kwamba na mwandishi wa OkDiario Eduardo Inda, akizungumza na kituo cha kuninga cha El Chiringuito TV, alisema ya kwamba Vazquez ana ofa nzuri kutoka Arsenal na Unai Emery.Pia alielezea ya kwamba Arsenal wanampango wa kumlipa mchezaji huyo mshahara wa Euro milioni 8 baada ya kodi, inakadiliwa ya kwamba mchezaji huyo analipwa kati ya Euro milioni 3 na 4 kwa mwaka na timu ya Real Madrid.

Taarifa hiyo inaendelea kueleza ya kwamba Emery ameweka wazi nia yake ya kumsajili mchezaji huyo kwani anaamini Vazquez, mwenye umri wa miaka 26 ana uwezo wa kuifanya Arsenal iwe timu ya ushindani katika ligi kuu ya Uingeleza na yupo tayari kumpa kutoa pesa nzuri kwa Real Madrid ili kukamilisha usajili huu.

Pamoja na taarifa hizo kuna taarifa nyingine za kwamba mchezji huyo yupo kwenye orodha ya wachezaji wasiouzwa wa Real Madrid, kwani mchezaji huyo bado ana mkataba na Real Madrid hadi mwaka 2021 na timu hiyo haipo tayari kumpoteza.

Mchezaji huyo alikuwa na msimu mzuri mwaka uliopita akiwa na timu hiyo kwani alifunga magoli nane na kusaidia kupatikana kwa mengine 16 katika michezo 53 katika msimu wa mwaka 2017/18. Huu ni mchango mkubwa kwani alikuwa mara kwa mara akitokea katika benchi la wachezaji wa akiba.

Inawezekana ya kwamba Emery akamshawishi winga huyo ya kwamba atapata nafasi zaidi ya kucheza akiwa na timu ya Arsenal na pia mshahara mkubwa unaweza kubadili mawazo ya mchezaji huyo na kunfanya alazimishe kuhama.

 

Tetesi-Arsenal na Lazio zamgombea Gelson Martins

Arsenal na Lazio zimeingia katika vita kali ya kumuwania mchezaji Gelson Martins,mchezaji huyo ambaye kwa sasa yupo huru baada ya kuvunja mkataba wake na Sporting FC inasemekana amewekewa mezani mkataba wa miaka mitano na timu zote mbili.

Tetesi-Arsenal na Lazio zamgombea Gelson Martins

Gazeti la kiitaliano la Corriere dello Sport, limeandika ya kwamba Martins amepokea ofa yenye dhamani ya euro milioni 2.5 kwa mwaka baada ya makato ya kodi  kama mshahara kutoka katika timu hizo mbili.

Matarajio ni kwamba winga huyo mwenye kasi atajiunga bure na moja ya timu hizo, baada ya kuomba kuvunja mkataba wake na timu yake ya zamani ya Sporting FC , ingawa timu ambayo itafanikiwa kumsajili italazimika imlipe mchezaji huyo pesa kwa ajili ya kusaini mkataba.

Kabla ya kuvunjwa kwa mkataba huo kulikuwa na tetesi ya kwamba Arsenal walikuwa wanamtaka mchezaji huyo kiasi cha kwamba walituma ombi la kumsajli mchezaji huyo kwa dau la paundi milioni 30, dau ambalo lilikataliwa.

Baada ya viongozi wa Sporting FC kukataa dau hilo la Arsenal, inasemekana ya kwamba Martins alichukizwa na kitendo hicho na hivyo kuanza mchakato wa kuvunja mkataba na timu hiyo ya Ureno.Kisheria mchezaji huyo bado sio huru kwani kesi yake bado ipo mahakamani.

Akitoa mchango wa magoli 26 kamika michezo 52 akicheza kama winga msimu uliopita, Martins utakuwa ni usajili mzuri kwa Arsenal iwapo utakamilika.

Baada ya kuondoka kwa Alexis, Chambo na Walcott, Arsenal inahitaji wienge mwenye uwezo wa kukimbia na kukokota mpira, ni jambo la kusubiri kama wataweza kufanikisha usajili wake katika dirisha hili la usajili.

 

Tetesi za usajili Arsenal-Kostas Manolas-Ever Banega-Mateo Kovačić

Kocha wa Arsenal, Unai Emery ana kazi kubwa ya kukijenga upya kikosi hicho na kila siku Arsenal imekuwa ikihusishwa na wachezaji wapya kila siku.

Leo katika tetesi za usajili zinazoihusu Arsenal, tunakuletea taarifa kuhusu Kostas Manolas,Ever Banega na Mateo Kovačić.

Tetesi za usajilia Arsenal-Kostas Manolas-Ever Banega-Mateo Kovačić

Arsenal na Chelsea wanamtaka Kostas Manolas

Kostas Manolas

Gazete la The Mirror linaandaka ya kwamba Arsenal na Chelsea zimeingia katika vita vya kumuwania beki huyo wa kati ingawa Chelsea ndiyo wenye nafasi kubwa ya kumchukua mchezaji huyo.

Inasemekana ya kwamba Unay Emery anamtaka beki huyo aje achukue nafasi ya Laurent Koscienly ambaye hawezi kucheza hadi mwisho wa mwaka lakini kikwazo kikubwa ni kwamba Maurizio Sarri ambaye anatazamiwa kuwa kocha wa Chelsea pia anamtaka beki huyo na Kostas Manolas angependa kucheza chini ya Sarri.

 Ever Banega

Inasemekana ya kwamba Arsenal wanakaribia kukamilisha usajili wa mchezaji Ever Banega, gazeti la Daily Star  linaelezea ya kwamba tayari uongozi wa Arsenal umeshakutana na wawakilishi wa mchezaji huyo na kuna uwezekano wa kufikia makubariano.

Benega ameshawahi kufanya kazi na Emery katika timu za Valencia na Sevilla, inawezekana wanataka waungane kwa mara ya tatu.

Mimi binafsi siamini kama usajili huu utakuwa na manufaa kwa Arsenal,kwani Banega ni mchezaji wa kawaida sana.

Mateo Kovačić

Mchezaji wa Real Madrid,Mateo Kovačić, ametangaza nia yake ya kuihama timu hiyo kwa kile anachodai ya kwamba anataka kupata nafasi ya kucheza mara kwa mara.

Mara baada ya taarifa hizo kutoka kila gazeti limemuhusisha na kuhamia Arsenal,Mateo Kovačić ni mchezaji mzuri na naamini ya kwamba atasaidia kuiimalisha timu ingawa kuna taarifa ya kwamba anapatikana kwa paundi milioni 50 kitu ambacho naamini Arsenal hawataweza kulipa.

Hizo ndizo tetesi za usajili wa Arsenal tulizokuletea katika siku ya leo, nyingine kesho Mungu alipenda, usisahau kushare na wengine.

Tetesi za usajili Arsenal-Miguel Layun-Soyuncu na Bernard

Wakati mataifa mbalimbali yakiendelea kuwania kombe la Dunia, Vilabu navyo vinaendelea na mikakati ya kujijenga na kujiandaa kwa msimu ujao.

Leo katika tetesi za usajili, Arsenal leo imehusishwa na usajili wa mchezaji wa kimataifa wa Mexico Miguel Layun, Soyuncu kutoka Freinburg na Bernard kutoka Porto.

Calgar Soyuncu

Tetesi za usajili Arsenal-Miguel Layun-Soyuncu na Bernard

Soyuncu pichani juu yupo tayari kuhamia Arsenal

Gazeti la metro, linaandika ya kwamba Soyuncu amedhibitisha nia yake ya kuhamia Arsenal,gazeti hilo limemnukuu mchezaji huyo akisema ya kwamba Arsenal ni moja ya timu zinazomvutia na yupo tayari kuichezea ila kwa sasa ana mkataba wa miaka mitatu na Freiburg na itabidi kwanza timu hizo zikubaliane ndipo atakapoweza kuhama.

Miguel Layun

Gazeti la Express nalo linaandika ya kwamba Arsenal wana mpango wa kumsajili mchezaji kiraka kutoka Mexico Miguel Layun.Layun mwenye umri wa miaka 29 ana uwezo wa kucheza kama beki wa kulia, beki wa kushoto, kiungo mkabaji na winga zote mbili.

Mchezaji huyo ambaye amesajiliwa na Porto ya Ureno kwa sasa yupo nchini Urusi akishiriki katika kombe la Dunia akiwa na timu ya taifa ya Mexico.

Bernard

Gazeti la Daily Star lenyewe linaandika ya kwamba Arsenal ina mpango wa kumsajili winga nyota kutoka Brazil, Bernard.

Mchezaji huyo ambaye alikuwa akiichezea Shakhtar Donetsk, amemaliza mkataba wake wa miaka mitano na timu hiyo ya Ukraine na sasa ni mchezaji huru, na sasa kuna tetesi za kwamba Arsenal wanataka kumsainisha kabla hajachukuliwa na timu zingine kubwa.

Pia kulikuwa na tetesi ya kwamba mchezaji huyo alikubaliana kila kitu na Arsenal Arsenal miaka mitano iliyopita, lakini mchezaji mwingine wa wa Brazil Hulk alimshauri aitose Arsenal na mpango huo ukafa.

Arsenal Bernard Shakhtar

Bernard anaweza kusajiliwa na Arsenal

Kwa leo hizo ndizo tetesi tulizopata na tukipata zingine tutaziweza hapa, usisahau kushare na wengine pia.

Rasmi-Bernd Leno ajiunga na Arsenal

Golikipa wa kijerumani  Bernd Leno amekubali kujiunga na Arsenal akitokea timu ya Bayer Leverkusen ya Ujerumani.

Rasmi-Bernd Leno ajiunga na Arsenal

Golikipa mpya wa Arsenal Bernd Leno

Kipa huyo mwenye umri wa miaka 26 ameichezea Bayer Leverkusen michezo zaidi ya 230 katika misimu saba aliyokuwa na timu hiyo ya kijerumani.

Alianza soka akiwa na timu ya  Stuttgart, Leno alijiunga na Leverkusen mwaka 2011 na mwaka huo huo mwezi wa tisa alikuwa aliweka rekodi ya kuwa golikipa mwenye umri mdogo zaidi kucheza katika ligi ya mabingwa wa ulaya akiwa na umri wa miaka 19 na siku 193, wakati timu yake ya Leverkusen ilipocheza na Chelsea katika hatua ya makundi.

Katika mechi za kimataifa,Bernd aliitwa kwa mara ya kwanza mwaka 2015 na ameishaichezea timu hiyo katika michezo 6, mwaka jana alikuwa sehemu ya kikosi cha Ujerumani kilichotwaa kombe la mabara.

Baada ya kukamilika kwa usajili huo kocha mkuu wa Arsenal Unai Emery alisema “Tumefurahi ya kwamba Bernd Leno amejiunga nasi, amekuwa akicheza kwa kiwango kwa juu na kuwa kipa wa kwanza wa Leverkusen kwa muda mrefu katika ligi kuu ya Ujerumani katika miaka 7 iliyopita.Wote tuna furaha kubwa ya kwamba Bernd amechagua kujiunga na timu ya Arsenal, na tunategemea kuanza kufanya naye kazi wakati wa mazoezi ya kujiandaa na msimu mpya ”.

Kipa huyo mpya bado hajapewa namba,ambayo itatangazwa muda mfupi ujao.

Karibu Arsenal Bernd Leno

Je unauonaje usajili huu? tupia maoni yako hapa chini.

Tetesi Arsenal kutangaza usajili wa Bernd Leno kesho

Kwa zaidi ya wiki sasa kumekuwa na tetesi za kwamba Arsenal inatafuta golikipa mpya na pia kuna tetesi ya kwamba tayari wameshakubaliana na Bernd Leno ili kuja kuichezea timu hiyo ya kaskazini mwa London.

Tetesi Arsenal kutangaza usajili wa Bernd Leno kesho

Wiki iliyopita jarida la Bild liliandika ya kwamba Arsenal na Bayer Leverkusen walikuwa wameshafikia makubaliano juu ya uhamisho wa mchezaji huyo ambapo walikuwa wakihitaji kati ya paundi milioni 20 na 25 na Arsenal walikuwa tayari kulipa kiasi hicho cha pesa.

Baada ya kufanikiwa kumsajili Lukas Hradecky, timu hiyo inayoshiriki katika ligi kuu ya Ujerumani walisema ya kwamba kipa wao mpya ndiye atakayekuwa anaanza hali iliyosababisha Leno aanze kutafuta timu mpya.

Timu nyingi zilikuwa zilikuwa zinatafuta nafasi ya kumsajili mchezaji huyo zikiwemo Napoli na Atletico Madrid , lakini kwa sasa inaonekana ya kwamba Arsenal imeshinda vita hivyo.

Jioni hii mwandishi wa bild Christian Falk, anadai ya kwamba kila kitu kimekamilika na usajili huo utatangazwa kesho.

 

Tetesi za usajili-Napoli wanamtaka Petr Cech kwa mkopo

Timu ya Napoli inayoshiriki katika ligi kuu ya Italia imetuma maombi ili kuangalia uwezekano wa kumsajili mlinda mlando mkongwe wa Arsenal Petr Cech kwa mkopo wa mwaka mmoja.

Mwandishi wa habari kutoka Italia Di Marzio ameandika katika tofuti yake ya kwamba waitaliano hao wana mpango wa kumsajili kipa huyo baada ya mipango yao ya kumsajili Bernd Leno kushindwa kuzaa matunda (Leno anakuja Arsenal).

Taarifa hiyo inahabarisha zaidi ya kwamba, Napoli wana mpango wa kumsajili kipa kutoka PSG  Alphonse Areola, lakini mabingwa hao wa Ufaransa hawataki kumuuza kipa huyo kitu ambacho kimewafanya wakali hao kutoka Italia waanze kuangalia uwezekano wa kumpata Cech.

Habari hizo za kutakiwa kwa Cech kwa mkopo ni za kushangaza kidogo kwa sababu kubwa mbili. Moja ni kwamba Petr Cech amebadili kutoka jezi namba 33 na kupewa jezi namba moja, mchezaji anayetaka kuondoka huwa habadili namba, sababu ya pili ni kwamba Petr Cech mwenye umri wa miaka 36 anaingia katika mwaka wake wa mwisho, akienda kwa mkopo ina maana wakati mkopo wake unaisha tayari atakuwa mchezaji huru, kitu ambacho naamini kwa Arsenal itakuwa bora kumuuza kuliko kumtoa kwa mkopo.

Mara nyingi Arsenal inatuma wachezaji wake vijana kwa mikopo katika mwaka wao wa mwisho ili kuwapa nafasi ya kucheza na wakati huo huo kutafuta timu kama walivyofanya kwa  Marc Bola na Tafari Moore kabla ya kuwaacha katika usajili wa msimu ujao.

Inawezekana ikawa timu inataka kufanya hivyo kwa Petr Cech ukichukulia ya kwamba hawatapesa pesa nyingi kwa kumuuza mchezaji huyo kutokana na umri wake kusogea mbele.

Ukweli unabaki pale pale iwapo Leno atatua kuna makipa wawili itabidi waondoke kati ya Cech, Ospina na Martinez.

Tetesi za usajili Arsenal-Ospina-Torreira-Gotze-David Luiz

Wakati kombe la Dunia limeshaanza na jana wenyeji Urusi kuwafunga Saudi Arabia kwa goli 5-0, bado kuwekuwa na tetesi nyingi zikiwahusihwa wachezaji wanaotaka kuhama ama kuhamia Arsenal.

Katika tetesi za usajili leo tunakuletea taarifa zilizoandikwa na vyombo mbali mbali vya habari kuhusu David Ospina, Lucas Torreira, Mario Gotze na David Luiz.

Mario Gotze

Inasemekana ya kwamba Mario Gotze anataka kuhamia katika ligi kuu ya Uingeleza na Arsenal ni moja ya timu zinazofuatilia muenendo wake na kuangalia uwezekano wa kumsajili mchezaji huyo.

Gotze, ambaye ndiye aliyefunga goli lililowapa lililowafanya Wajerumani wawe mabingwa wa Dunia miaka minne iliyopita amekuwa akikumbwa na majeraha ya mara kwa mara hali iliyomfanya asiwemo kwenye kikosi cha Ujerumani kinachotetea ubingwa wake nchini Urusi.

Gazeti la The Mirror  linahabarisha ya kwamba mchezaji huyo mwenye umri wa miaka 26 anaa mpango wa kuhamia katika ligi kuu ya Uingeleza na timu za Arsenal,Everton,West Ham ,Leicester na Newcastle zinataka kumsajili mchezji huyo.

Lucas Torreira

Arsenal wameshakamilisha usajili wa kiungo kutoka Uruguay, Lucas Torreira, Katika taarifa iliyoandikwa na vyombo vingi vya habari na kuzibitishwa na watu wengi tunaowaamini ni kwamba mchezaji huyo ni mali ya Arsenal na anaweza kutangazwa siku yeyote kuanzia sasa.

David Luiz

Tetesi za usajili Arsenal-Ospina-Torreira-Gotze-David Luiz

Le10Sport  wameandika ya kwamba Arsenal wamepeleka ombi la kumsajili beki wa kati wa Chelsea kwa dau la paundi milioni 20, dau ambalo lilikataliwa na Chelsea.

Luiz ambaye amekuwa hapati namba katika timu ya Chelsea , inasemekana ana mpango wa kuondoka katika timu hiyo na pia kuna tetesi nyingine za kwamba Arsenal watatuma ombi jingine la kumsajili mchezaji huyo na kuboresha kiasi cha pesa ambacho watatoa.

David Ospina

Tetesi-Tigres na Fenerbahçe wamuwania David Ospina

Arsenal wanaweza kumuuza David Ospina ili kupata pesa ya kumsajili golikipa kutoka  Bayer Leverkusen, Bernd Leno.

Leno yupo katika orodha ya wachezaji wanaotakiwa na Arsenal na inasemekana ya kwamba Arsenal wanaweza kumpata kwa dau la paundi milioni 22.

Ili kupata pesa ya kumnunua kipa huyo, Arsenal wana mpango wa kumuuza Ospina na gazeti la

And in order to pay for the Germany shot-stopper, reserve goalkeeper Ospina could be heading out of the exit door.

The Daily Mail  linahabarisha ya kwamba mchezaji huyo kutoka Colombia anaweza kuuzwa kwenda timu ya Tigres ya Mexico.

Hizo ni tetesi za usajili wa Arsenal kwa siku ya leo, zingine kesho Mungu akipenda,Usisahau kushara na wengine pia ili waweze kusoma hizi tetesi.

 

Tetesi-Tigres na Fenerbahçe wamuwania David Ospina

Timu ya Tigres itajaribu kumsajili golikipa wa Arsenal David Ospina ikiwa golikipa wao  Nahuel Guzman ataihama timu hiyo na kutimkia   Boca Juniors  ya Argentina.

Tetesi-Tigres na Fenerbahçe wamuwania David Ospina

Tigres ambayo inashiliki ligi kuu ya Mexico, wamehusishwa na uhamisho wa Ospina baada ya Nahuel Guzman kufanya kosa la kizembe na kusababisha timu hiyo kufungwa na mahasimu wao Santos katika robo fainali ya Liguilla (nane bora ya ligi kuu ya Mexico) msimu huu.Tigres wapo tayari kumwachia kipa huyo kwa dau la dola milioni 10.

Na kutokana na vyanzo vyingi vya habari hapa Mexico wakiwemi Univision. Kocha mkuu wa Tigres Tuca anataka David Ospina  kiziba pengo hilo.

Ospina alihamia Arsenal mwanzoni mwa msimu wa 2014. Wenger alimfanya kuwa kipa chaguo la kwanza, lakini baadaye alipoteza nafasi hiyo baada ya kusajiliwa kwa Petr Cech kutoka Chelsea.

Ospina ameanza katika michezo 11 tu ya ligi kuu ya Uingeleza katika misimu mitatu iliyopita ingawa alicheza katika michezo 10 kwenye Europa League msimu iliopita.

Wakati Tigres wakijiandaa kuongea na wawakilishi wa Ospina, mtandao mwingine Multimedios unahabarisha ya kwamba tiku kutoka Uturuki Fenerbahçe nao wapo tayari kumsajili mchezaji huyo mwenye umri wa miaka 29.

Kwa sasa Ospina yupo nchini Russia akishiriki michuano ya kombe la Dunia akiiwakilisha nchi yake ya Colombia.

 

Arsenal yaachana na wachezaji 9

Timu ya Arsenal imetangaza kuachana na wachezaji 9 ambao hawatakuwa katika kikosi cha msimu ujao, Ijumaa iliyopita Arsenal ilipeleka orodha ya wachezaji ambao ina mpango wa kubaki nao na pia ambao inawaacha.

Pia kuna wachezaji ambao wamepewa mikataba ambapo bado hawajasaini, kwa mfano Jack Wilshere ambaye mkataba wake umefika ukingoni na tayari ameshapewa mkataba mpya lakini bado hajausaini kwani anataka kuhakikishiwa namba kabla ya kukubali.

Ifuatayo ni orodha ya wachezaji ambao wataachwa na Arsenal kwa ajili ya msimu ujao:

  • Marc Bola
  • Santi Cazorla
  • Alexander Crean
  • Aaron Eyoma
  • Ryan Huddart
  • Chiori Johnson
  • Hugo Keto
  • Per Mertesacker
  • Tafari Moore

Per Mertesacker,ambaye alikuwa nahodha wa Arsenal anachukua nafasi ya ukocha katika chuo cha soka cha Arsenal, na hataendelea kucheza lakini bado atabakiwa kwenye timu.

Santi Cazorla yeye ameamua kurudi Hispania ambapo tayari ameshaanza kufanya mazoezi na timu ya Villarreal katika maandalizi ya msumu ujao.

Katika orodha hiyo majina mawili ambayo hayakutegemewa ni Marc Bola na Tafari Moore.Wachezaji hao wawili walifanya vizuri katika timu zao walipoenda kwa mkopo, lakini inaonesha ya kwamba jopo la ufundi la Arsenal limeona ya kwamba ni bora liwaachie wakatafute nafasi kwingine.

Wote wawili wana miaka 20 na ingekuwa ni vigumu kwao kupata nafasi katika kikosi cha kwanza na kwa umri huu ni bora wakapate kucheza mara kwa mara katika kikosi cha kwanza.