Per Mertesacker ameanza kazi rasmi kama meneja wa chuo cha soka cha arsenal baada ya kuishuudia timu ya Arsenal ya vijana wenye umri wa miaka 18 ikicheza na Chelsea jumamosi iliyopita.

Baada ya kuchaguliwa kushika nafasi hiyo mwanzoni kwa mwaka huu. Mertesacker ambaye alistaafu kuichezea Arsenal mwishoni mwa msimu uliopita alichukua likizo ya miezi miwili kabla ya kuanza rasmi kazi ya kuwanoa madogo hao.

Juzi ukurasa rasmi wa twitter wa Arsenal ulithibitisha ya kwamba nahodha huyo mstaafu amerudi na yupo tayari kufanya kazi ambapo waliweka picha akiwa katika uwanja wa mazoezi wa Chelsea wa Cobham akiwaangalia watoto hao walipopambana na watoto wenzao wa Chelsea.

Welcome back, @mertesacker 👋

It’s Per’s first day as our new academy manager – and he’s watching #AFCU18 take on Chelsea at Cobham 🔴 pic.twitter.com/CJiRKKFdlA

— Arsenal FC (@Arsenal) 1 de septiembre de 2018

Katika mchezo huo vijana wao wa Arsenal walipoteza mchezo huo kwa jumla ya goli 3-1.

Katika miaka ya karibuni chuo cha soka cha Arsenal kimejitahidi kutoa wachezaji vijana ambao wametumika katika kikosi cha kwanza.

Hector Bellerin na Alex Iwobi wanacheza mara kwa mara katika kikosi cha kwanza, wachezaji kama Eddie Nketiah, Reiss Nelson na Ainsley Maitland-Niles walipata nafasi ya kucheza katika timu ya wakubwa msimu uliopita.

Kazi kubwa ya Per Metersacker na jopo la makocha katika chuo cha soka cha HALE END itakuwa ni kuzalsiha wachezaji wengi zaidi wataotumika katika kikosi cha kwanza katika miaka mingi ijayo.

Kiungo na nahodha wa zamani wa Arsenal, Patrick Vieira, amedhibitisha ya kwamba alifanya mazungumzo na Arsenal juu ya Uwezekano wa kuchukua mikoba ya Arsene Wenger na kuwa kocha mkuu wa Arsenal.

Vieira, ambaye kwa sasa anaifundisha timu ya  New York City FC  inayoshiriki ligi ya soka ya Marekani MLS, alikuwa ni moja ya watu waliokuwa wanahusishwa na kuwa makocha wa Arsenal kabla ya Arsenal kuamua kumchagua Unai Emery kuwa kocha mkuu.

Lakini, Vieira anadai ya kwamba mazungumzo wa mabosi wa Arsenal yalikuwa ni mafupi na hayakuendelea zaidi ya hapo kwani timu iliamua kuangalia makocha wengine.

“Wakurugenzi wa Arsenal walikutana na nilifanya nao mazungumzo, lakini hakukua na maendeleo zaidi , Vieira aliuambia mtandao wa  The Times.

Sababu kubwa ya Vieira kutopewa nafasi ya kuwa kocha mkuu wa Arsenal ni kwamba ana mtazamo wa soka tofauti na wakurugenzi wa Arsenal na ndiyo maana wakaamua kuachana naye na kumchukua Unai Emery.

Vieira aliichezea Arsenal zaidi ya michezo  400 kati ya mwaka 1996 na 2005, akiiongoza timu kutwaa ubingwa wa ligi kuu ya Uingeleza mara tatu na ubingwa wa kombe la FA mara tatu.