Kurudi kwa soka la Ushindani-Nilichokiona

Jana ilikuwa ni siku ya kiishoria baada ya kurudi soka la ushinda kutokana na kusimama kwa wiki kadhaa baada ya kuibuka kwa virusi vya Korona.

Kurudi kwa soka la Ushindani-Nilichokiona

Ligi kuu ya Ujerumani maarufu kama Bundersliga jana ilikuwa ya kwanza kuruhusu michezo ya ligi kuu kuendelea baada ya kusimama kwa muda.

Kutokana na kutokuangaliza mchezo wa soka kwa muda mrefu, mamilioni ya mashabiki wa soko duniani kote walikuwa na shauku wa kuona nini ambacho kingetokea.

Kuna mambo mengi yaliyotokea lakini kwangu mimi haya matatu ndiyo yaliyonifanya nione tofauti kubwa na kabla ya ugonjwa huu.

Hakukuwa na msisimuka kabla ya mchezo

Tumeshazoea kuona mashabiki wakimiminika uwanjani masaa machache kabla ya mchezo na pia saa moja kabla ya mchezo timu kuanza kupasha na kuibua hamasa kubwa, katika michezo ya jana na leo hicho kitu hakikuwepo, viwanja vilikuwa kimya na wachezaji walipotoka kupasha walikuwa wanaonekana kama maninja na si wachezaji wa soka.

Nimesikia sauti ambazo si kawaida kuzisikia

Naandika haya ikiwa ni mapumziko katika mchezo kati ya Bayern Munich na Hertha Berlin, katika kipindi cha kwanza mchezaji wa Bayern alianguka na ulikuwa unaweza kusikia mtu akipumua na pia unasikia baadhi ya sauti kutoka benchi la ufundi, hivi ni vitu ambavyo kwa kawaida hatujazoea kusikia ama kuona.

Ushangiliaji wa magoli umebadilika

Jana niliona Borrussia Dortmund walivyoshangilia magoli yao, walikuwa wakishangilia wakiwa umbali wa kama mita moja kutoka baina yao.

Leo nimeona Bayern Munich wakishangilia goli ya Lewandolski kwa kupigana vikodo ni aina ya ushangiliaji ambao hatujauzoea lakini ilikuwa vizuri kuona.

Kilichonifurahisha

Pamoja na kuwa na vitu vingi ambavyo si kawaida kuviona katika soka, kilichonifurahisha kwa kweli ni kiwango cha uchezaji, michezo yote niliyoiona ilikuwa katika kiwango cha hali ya juu.

Pia baada ya mchezo kuanza ukielekeza mawazo yako katika kutazama soka hutagundua ya kwamba hakuna mashabiki kwani katika spika za wiwanjani kuliwekwa nyimbo ambazo mara nyingi mashabiki huziimba viwanjani.

Pamoja na hayo kuna baadhi ya wachezaji hawakuwa fiti, asilimia kubwa ya wachezaji wa Shalke 04 walionekana kuchoka mapema ndiyo maana walipigwa 4-0, huku Dortmund wakionekana kuwa fiti zaidi ukiondoa Jordan Sancho aliyeonekana kukusa mazoezi na pia kama ameongezeka uzito.

Nategemea Arteta atakuwa ameona hilo kwani ligi kuu ya Uingeleza ikirudi na timu ikiwa haipo fiti itakuwa ni ngumu kupata ushindi.

Tarari kipindi cha pili kinaanza hapa acha niendelee akuangalia soka, jumapili njema.

Arsenal yawakaribisha Everton

Arsenal yawakaribisha Everton

Arsenal itaikaribisha timu ya Everton katika mchezo wa ligi kuu ya Uingeleza utakaofanyika katika uwanja wa Emirates jioni ya leo.

Hali ya mchezo

Timu zote mbili zililazimika kufanya mabadiliko ya benchi lake la ufundi katikati ya msimu kufuatia kuanza ligi vibaya na makocha wote wawili walianza kazi wakati mmoja.

Pamoja na kuanza kazi kwa wakati mmoja Everton ya Ancelotti imechukua pointi nyingi zaidi kuliko Arsenal, ingawa Arsenal ya Arteta inaonekana kucheza kitimu zaidi.

Hali ya majeruhi Arsenal

Majeruhi wa kudumu kama Kieran Tierney na Calum Chambers wataukosa mchezo huu, Hector Bellerin na Sokratis ambao walikuwa na matatizo madogo wanaweza pia kukosa mchezo wa leo.

Habari njema ni kwamba Lucas Torreira na Mesut Özil ambao hawakusafiri na timu kwenda Ugiriki, tayari wameshajiunga na timu na wanatarajiwa kuwemo kwenye kikosi cha leo.

Umuhimu wa mchezo wa leo

Mchezo wa leo ni muhimu sana kwa timu zote mbili, kwani atakayeshinda ataongeza matumaini yake ya kucheza katika michuano ya Ulaya msimu ujao.

Kutokana na Totenham kufungwa jana, spurs wanabaki katika nafasi ya tano wakiwa na point 40, iwapo Arsenal itashinda leo itafikisha pointi 37 na kuwa pointi tatu tu kutoka Spurs, hivyo ushindi leo ni muhimu sana.

Historia ipo upande wa Arsenal.

Arsenal haijafungwa na Everton nyumbani katika michezo 26 ambapo imeshinda michezo 23 na kutoka sare michezo mitatu tu, mara ya mwisho Arsenal kufungwa na Everton nyumbani ilikuwa ni mwaka 1996 wakati ikifundishwa na Bruce Rioch, hii inanipa matumaini ya kwamba Arsenal inaweza kushinda leo.

Utabiri wa kikosi

Sitegemei kuona mabadiliko makubwa kutoka katika kikosi kilichomfunga Newcaste 4-0, badiliko pekee ninalilitegemea ni Lucas Torreira kuchukua nafasi ya Dani Ceballos, hii itakuwa ni katika jitihada ya kuwazuia Everton wasicheze sana na mpira katika eneo la hatari la Arsenal.

Hivyo nategemea kuona kikosi kifuatacho

Leno

Bellerin Mustafi Luiz Saka

Torreira  Xhaka

Pepe Özil  Aubamayang

Lacazette

Utabiri wa matokeo

Najua utakuwa ni mchezo mgumu kwani Everton wamekuwa wakicheza vizuri katika michezo ya hivi karibuni lakini hii Arsenal ipo tofauti sana hivyo nategemea ushindi kwa upande wa Arsenal.

utabiri Arsenal 2-1 Everton, Pepe na Lacazette kufunga

#COYG

Arsenal wapo Ugiriki kucheza na Olympiakos

Arsenal wapo Ugiriki kucheza na Olympiakos

Arsenal leo usiku watakuwa nchini Ugiriki wakicheza na timu ya Olympiakos katika mchezo wa kwanza wa raundi ya 32 bora ya michuano ya Europa League.

Mchezo huu utakuwa ni mchezo wa kwanza wa kocha mkuu wa Arsenal, Mikel Arteta katika michuano ya Ulaya.

Wachezaji watakaokosa mchezo huu

Arsenal imebeba kikosi chake kamili kuelekea Ugiriki, ukiachana na majeruhi wa muda mrefu kama Kieran Tierney na Calum Chambers, wachezaji wengine ambao hawakusafiri ni Lucas Torreira ambaye ana homa na Mesut Özil ambaye anategemea ya kwamba mke wake atajifungua ndani ya masaa machache yajayo.

Hali ya mchezo

Arsenal itaingia katika mchezo huu katika hali nzuri baada ya kuifunga timu ya Newcastle United kwa goli 4-0 na kutokana na alichosema kocha katika mkutano na waandishi wa habari, Arsenal itachezesha kikosi cha kwanza katika mchezo huu.

Olympiakos sio timu ya kubeza, kwani pamoja na kushika nafasi ya tatu katika kundi lao kwenye ligi ya mabingwa wa Ulaya, wao ndio wanaoongoza ligi kuu ya Ugiriki wakiwa mbele ya PAOK kwa pointi 2 na pia mwishoni mwa juma nao walishinda goli 4-0 katika ligi ya kwao.

Kikosi

Emi Martinez anatazamiwa kuanza golini, huku wachezaji kama Sokratis, Matteo Guendouzi ambao hawakucheza mwishoni mwa wiki wakitazamiwa kuanza katika mchezo wa leo.

Utabiri.

Huu utakuwa ni mchezo mgumu sana kwa Arsenal kwani wale jamaa ni wahuni sana hasa wanapokuwa kwao, ila naamini Arsenal wana kikosi bora hivyo naami Arsenal itashinda kwa goli 2-1.

Je wewe unatabiri vipi? tupia matokeo yako hapa chini.

Usajili Wenye utata wa Cedric Soares

Usajili Wenye utata wa Cedric Soares

Katika dirisha dogo la usajili Arsenal ilisajili mabeki wawili, Pablo Mari na Usajili Cedric Soares, wote wawili bado hawajacheza mchezo wowote wakiwa na jezi za Arsenal.

Aliongea na waandishi wa vyombo vya habari kabla ya mchezo wa kesho dhidi ya Newcastle United, kocha mkuu wa Arsenal, Mikel Arteta alisema ya kwamba anategemea ya kwamba Mari atacheza alhamisi dhidi ya Olimpiacos na alipoulizwa kuhusu Soares hakukua na jibu la moja kwa moja na ingawa aliweka wazi ya kwamba mchezaji huyo bado hajaanza mazoezi na wachezaji wenzie.

Hapo ndipo unapokuja wasiwasi wangu, kama wiki mbili baada ya kusajiliwa kwa ajili ya kuongeza nguvu katika safu ya ulinzi na mpaka leo bado hajaanza mazoezi na haijulikani ataanza lini mazoezi hayo.

Kama Arsenal walijua ya kwamba mchezaji huyo alikuwa na majeraha ya muda mrefu kwa nini walimsajili?

Kwa kawaida mchezaji akitoka kwenye majeraha ya muda mrefu atahitahi wiki tatu au nne kuwa fiti, ukichukulia ya kwamba ni mchezaji mpya na bado hajazoeana na wenzake hadi awe tayari kucheza zinaweza kupita wiki 6.

Hali inayofanya kama ataanza mazoezi wiki ijayo tunaweza kuanza kumuaona ndani ya uzi wa Arsenal mwezi wa nne, na ligi inaisha mwezi wa tano na hivyo kukosa sehemu kubwa ya michezo muhimu.

Najua anaweza akapona na akawa msaada mkubwa kwa timu lakini kwa sasa hali inaonekana tofauti na huu unaweza ukawa usajili mbaya kwa Arsenal.

Usajili huu umenikumbusha usajili wa kiungo kutoka Swenden, Kim Kallstrom ambaye alisajiliwa ili kukabiliana na tatizo la majeruhi na alipofanya vipimo na kugundulika ya kwamba alikuwa majeruhi, Arsene Wenger aliamua kumsajili hivyo hivyo na matokeo yake alicheza dakika 135 tu katika mashindano yote.

Lengo kubwa la kufanya mabadiliko ya kimuuondo na uongozi ndani ya Arsenal ilikuwa ni kuepusha sajili kama hizi na kama bado timu inaendelea kufanya makosa yale yale inakuwa ni vigumu mmno kusonga mbele.

Inawezekana Cedric Soares akapona na kuwa sehemu kubwa ya ushindi ya Arsenal na kuisaidia timu kubeba kombe au kucheza katika ligi ya mabingwa Ulaya, lakini hadi hapo itakapodhibitika vinginevyo huu unabakia kuwa ni usajili wenye utata na ikitokea akashindwa kutoka mchango kwenye timu kuna watu watatakiwa wajibu maswali kadhaa.

Arsenal Vs Manchester United-Mtazamo wangu

Arsenal leo itacheza mchezo wake wa kwanza katika mwaka huu mpya wa 2020 kwa kupambana na Manchester United.

Mchezo huu unakuja wakati mbaya kwa Arsenal kwani timu ipo katika kipindi kigumu ambapo imeshindwa kupata matokeo katika michezo mingi na wakati huo huo Manchester United wanakuja Emirates wakiwa wanajiamini sana kwani wapo katika nafasi ya 5 wakiwa wameshinda michezo yao miwili ya mwisho.

Hali ya mchezo

Kama nilivyosema Arsenal ipo katika hali mbaya na ipo nafasi ya 12, nafasi ambayo mara ya mwisho walishika mwaka 1983, pamoja na Arsenal kucheza vizuri katika mechi zake mbili za mwisho dhidi ya Bournemouth na Chelsea, timu ilifanikiwa kupata pointi moja tu baada ya kutoa sare na Bournemouth na kufungwa na Chelsea.

Manchester United ni wazuri kwenye mashambulizi ya kustukiza, Arsenal wanatakiwa wawe makini katika hilo kwani wakipewa nafasi washambuliaji wao wenye mbio kama Martial, James, Rashford wanaweza kuleta balaa kubwa.

Arsenal inahitaji ushindi kwa udi na uvumba ili wachezaji warudishe hali ya kujiamini.

Kikosi

Balaa la majeruhi limeendelea kuikumba Arsenal hasa katika safu yake ya ulinzi, kuna tetesi za kwamba Calum Chambers anaweza kukosa mechi zote zilizobaki msimu huu, Hector Bellerin bado hajawa sawa, Kieran Tierney ni majeruhi hadi mwezi wa tatu, Kolasinac anaweza asicheze hadi mwisho wa mwezi, Rob Holding na Sokratis watafanyiwa vipimo asubuhi hii kuangalia uwezekano wa kucheza.

Habari nzuri ni kwamba Granit Xhaka alifanya mazoezi na anaweza akacheza leo, Dani Ceballos yupo fiti na anaweza akaanzia benchi.

Sitegemei kuona mabadiliko makubwa katika kikosi cha kwanza Arsenal, nategemea kuona kikosi kilichoanza na Chelsea kikijirudia, mabadiliko yanaweza kutokea kwa Xhaka kuchukua nafasi ya Matteo Guendouzi katika kiungo na Mustafi kuanza kama beki wa kati kuchukua nafasi ya Calum Chambers atakayekosa mchezo wa leo.

Arsenal vs Manchester United

Utabiri wa matokeo

Huu ni mchezo mkubwa kwa Arsenal na ni lazima washinde, kichwa kinasema itakuwa 1-1, moyo unasema itakuwa 2-1 ushindi kwa Arsenal.

Je wewe unatabiri vipi? tupia maoni yako hapo chini.

Arsenal Vs Chelsea-Karibu Nyumbani Mikel Arteta

Arsenal Vs Chelsea-Karibu Nyumbani Mikel Arteta

Arsenal leo itakuwa katika uwanja wake wa nyumbani wa Emirates, ikiwakaribisha wakali kutoka Darajani, Chelsea.

Mchezo huu utakuwa ni mchezo wa kwanza wa nyumbani wa kocha mpya wa Arsenal, Mikel Arteta. Pia mchezo huo ni mchezo wa mwisho kwa mwaka 2019 na pia ni mchezo wa mwisho wa muongo huu.

Hali ya mchezo

Arsenal itaingia katika mchezo huu ikiwa katika nafasi ya 12, nafasi ya chini zaidi tangu mwaka 1983, Arsenal imekuwa katika hali mbaya tangu kuanza kwa msimu huu hali iliyopelekea kutimuliwa kwa aliyekuwa kocha mkuu Unai Emery. Akaja Freddie Ljungberg kama kocha wa muda lakini mambo yaliendelea kuwa mabaya kwani aliweza kushinda mchezo mmoja tu kati ya mitano aliyoongoza.

Huu utakuwa mchezo wa pili wa Arteta kama kocha mkuu na nina imani atataka aanze vizuri katika uwanja wa nyumbani kwa kuwafunga Chelsea.

Chelsea nao hawapo vizuri sana kwani wamefungwa katika michezo mitano kati ya michezo saba ya mwisho ya ligi kuu.

Majeruhi

Beki Kieran Tierney aliumia bega na anatazamiwa kurudi uwanjani mwezi wa tatu mwakani, Kolasinac ni majeruhi na anatazamiwa kuanza mazoezi mwezi ujao, Sokratis atakosa mchezo huu kutokana na kuwa majeruhi.

Hector Bellerin, Rob Holding na Dani Ceballos wameshaanza mazoezi na leo asubuhi watafanyiwa vipimo kuangalia uwezekano wa kucheza mchezo wa leo.

Kikosi

Kipa

Bernd Leno ndiye kipa wa kwanza wa Arsenal na nategemea leo atakaa langoni.

Mabeki.

Chambers anarudi baada ya kukosa mchezo uliopita kutokana na kuwa na kadi tano za njano, kutokana na Sokratis kuwa majeruhi, nategemea atashirikiana na David Luiz kama mabeki wa kati.

Upande wa kushoto wabeki wote ni majeruhi, hivyo nategemea Bukayo Saka kucheza hapo na kulia atacheza maitland Niles.

Viungo wakabaji.

Nategemea Arteta atarudia mfumo aliocheza dhidi ya Bournemouth (4-2-3-1), hivyo ataendelea kuwatumia Lucas Torreira na Granit Xhaka kama viungo wakabaji.

Viungo washambuliaji.

Kwa kuwa tunacheza nyumbani, ningependa kuona Pepe akianza upande wa kulia, Auba upande wa kushoto huku Özil akicheza kiungo mshambuliaji wa kati (namba 10).

Mshambuliaji.

Lacazette hawezi kufunga nje ya Emirates, lakini timu inapokuwa nyumbani hasa mechi kubwa huwa anafunga, kama Arteta anataka magoli, Lacazette lazima aanze kama mshambuliaji wa kati.

 

Utabiri

Chelsea na Arsenal wote hawachezi vizuri, wote wana beki ambazo sio nzuri sana na safu za ushambuliaji ambazo zimekuwa buku siku za karibuni, ila kutokana na kuwa na kocha mpya na kucheza nyumbani naamini Arsenal watapata matokea katika mchezo wa leo.

Utabiri Arsenal 3-2 Chelsea, Auba, Özil na Lacazette.

#COYG

Mikel Arteta Ataibadilisha Arsenal

Mikel Arteta Ataibadilisha Arsenal

Ni zaidi ya wiki sasa tangu Mikel Arteta atangazwe kama kocha mkuu mpya wa Arsenal. Binafsi nilipenda uteuzi huo na nina imani kuwa ya kwamba ataibadilisha Arsenal na kuifanya icheze soka la kishindani.

Nimeangalia video za mazoezi ya Arsenal chini ya Arsenal, nimeangalia mara mbili mchezo dhidi ya Bournemouth, kuna vitu vingi vilivyonivutia na kuamini ya kwamba timu itaanza kufanya vizuri siku si nyingi.

Ukiangalia vizuri video ya kwanza ya mazoezi ya Arteta, utaona ya kwamba wachezaji wengi wanaonekana kushangaa, hii haina maana ya kwamba hawamuelewi, mimi naona sababu kubwa ni kwamba anataka kufanya mabadiliko makubwa katika uchezaji wa Arsenal.

Arteta ni nahodha wa dhamani wa Arsenal, Anaipenda Arsenal (kumbuka alikubali kupunguza mshahara ili aje Arsenal), ninaimani ndani ya miaka mitatu na nusu aliyokuwa Manchester City alikuwa anaifuatilia timu kwa karibu, anajua ubovu na ubora wa Arsenal, anajua ni sehemu gani ya kuanzia.

Arsenal inahitaji mabadiliko makubwa, sio kukimbia hovyo kama kuku wasiokuwa na kichwa, sio suala la kujituma, ama kukaba kitimu, mabadiliko lazima yaanzie katika vitu vya msingi kama kupokea mpira, kutoa pasi na kujua wapi alipo kila mchezaji aliyepo uwanjani.

Moja ya vitu vipya nilivyoviona ni kwamba hataki wachezaji wakipata mpira wazunguke kabla ya kupiga pasi, hilo lilikuwa ni tatizo kubwa la Arsenal, nenda angalia mechi yeyote ya Arsenal chini ya Unai, utakuwa mabeki wa Arsenal hasa Sokratis, Chambers na Maitland-Niles wamepokea mpira wanazunguka duara (nyuzi 360) au nusu duara ili kupata nafasi ya kupiga pasi, wanapofanya hivyo iwapo pasi haitamfikia mlengwa timu inaingia katika wakati mgumu sana.

Pia tatizo jingine ni kwamba wachezaji wa Arsenal wakipata mpira hasa mabeki hawajui nani wa kumpasia, mfano mzuri ni ule mchezo dhidi ya Watford, Sokratis kapasiwa mpira na Leno hajui aupeleke wapi, kabla hajaamua watu wanakuja kukaba, akapaniki, akabutua mpira kufamfikia Tom Cleverly, akapiga shuti langoni mwa Arsenal, waya.

Hayo ni makosa ambayo nimeona Mikel Arteta akijaribu kuyarekebisha, anataka kila mchezaji ajue mchezaji mwingine alipo kabla hajapata mpira, ili akipata mpira asitumie muda mwingi kuwaza na kusababisha magoli ya kizembe kama lile la Watford.

Mikel Arteta anachojaribu kukifanya Arsenal, aliwahi kukifanya aliyekuwa kocha mkuu wa Manchester United mholanzi Louis Van Gaal, kwa wale waliokuwa wanaangalia gemu ya Man Utd kipindi hicho watakumbuka jinsi Van Gaal alivyokuwa akiwafanyisha mazoezi kulingana na nafasi zao wanazocheza na kufanya mazoezi ya pasi nusu saa kabla ya mchezo, naamini ndiyo sababu kubwa ya Arteta kumleta, Albert Stuivenberg kama msaidizi wake, ikumbukwe ya kwamba Stuivenberg alikuwa msaidizi wa Van Gaal alipokuwa Man United.

Mabadiliko hayo yalianza kuonekana katika mchezo dhidi ya Bournemouth na kama Lacazette asingekosa magoli ya wazi siku hiyo Arsenal ingeibuka na ushindi mnono.

Najua Arteta hawezi kuibadilisha Arsenal ndani ya wiki moja, atahitaji muda na kusajili baadhi ya wachezaji watakaofuata mfumo wake, lakini nina imani iwapo ataungwa mkono na mashabiki, bodi na wamiliki wa Arsenal ataibadilisha hii timu ya kuanza kucheza soka la kuvutia na la kishindani.

Tumpe muda Mikel Arteta, mambo mazuri yanakuja, #COYG

Arsenal Vs Crystal Palace-Mtazamo wangu

Arsenal leo jumapili itakuwa uwanjani kucheza na timu ya Crystal Palace , katika mchezo wa ligi kuu ya Uingeleza.

Arsenal Vs Crystal Palace-Mtazamo wangu

Arsenal itaingia katika mchezo huo ikiwa imetoka kuishinda timu ya Vitoria ya Ureno kwa jumla ya magoli 3-2.

Pamoja na kushinda mchezo huo kocha mkuu wa Arsenal, Unai Emery amekuwa katika presha kubwa kutoka kwa mashabiki wa Arsenal na waandishi wa habari ambao wamekuwa wakidai ya kwamba timu haichezi vizuri.

Hali ya mchezo

Miaka ya nyuma mchezo kama huu tulikuwa tuna uhakika wa kushinda hasa ukichukulia ya kwamba tunacheza nyumbani, lakini siku za karibuni ni vigumu mno kujua nini kitakachotokea, kwani lolote linaweza kutokea.

Nakumbuka msimu uliopita Arsenal ilikuwa inacheza na Crystal Palace

Je Arsenal inasonga mbele ama inarudi nyuma?

Baada ya kukaa muda mrefu bila kuandika chochote katika ukurasa huu, hii ni kutokana na kuwa na majukumu mengine na kukosa muda, nimeamua kuja na swali ambalo limekuwa likinisumbua kwa siku za hivi karibuni.

Tangu kuja kwa Unai Emery, je Arsenal inasonga mbele ama inarudi nyuma? Ili kujibu hili swali embu turudi nyuma kidogo na kuiangalia miaka ya mwisho ya Arsene Wenger.

Miaka ya mwisho ya Arsene Wenger

Arsene Wenger

Mimi ni mmoja ya watu waliomuunga mkono kocha wa zamani wa Arsenal, Arsene Wenger, lakini nikiwa mkweli miaka mitatu ya mwisho ya Wenger ilikuwa ni migumu.

Achana na kuongezeka kwa watu waliokuwa wanampinga, achana na mabango ya Wenger Out yaliyokuwa yakionekana kila sehemu, kitu kikubwa kwangu kilikuwa ni kushuka kwa kiwango cha soka cha Arsenal, kufanyika kwa usajili usioeleweka (Takuma Asano na Wengineo, kuacha mikataba ya wachezaji kufika mwisho na kuondoka bure, kuuza wachezaji kwa bei chee nk), bila kusahau ugomvi kati ya mashabiki wa Arsenal (ilifikia wakati watu walikuwa wakitupiana makonde ama kuombeana kifo), hali ilikuwa mbaya.

Baada ya Arsene kutangaza kuachia ngazi, mimi pamoja na mamilioni ya mashabiki wa Arsenal, tulitegemea kitu kimoja Arsenal, MABADILIKO.

Haijalishi kama mabadiliko yangekuwa kuendeleza pale alipoishia Wenger ama kuanza upya, lakini tulitegemea mabadiliko.

Miezi 14 baada ya kocha mpya wa Arsenal, Unai Emery kuchukua rungu, je kuna mabadiliko yeyote?

Umuhimu wa mabadiliko

Haijalishi kama wewe ulikuwa Wenger Out ama la, umuhimu ya kufanyika mabadiliko ya kimfumo ndani ya Arsenal yalikuwa yanaonekana wazi.

Mabadiliko nje ya uwanja

Wakati Wenger akiichukua Arsenal mwaka 1996, Arsenal ilikuwa timu ya kawaida (ilikuwa na wafanyakazi wasiozidi 100 na haikuwa na mashabiki wengi), kufanya vizuri kwa Arsenal katika miaka ya 2000, kuliifanya Arsenal kuwa miongoni mwa timu kubwa duniani ikiwa na wafanyakazi zaidi ya 1000 na mamilioni ya mashabiki duniani kote.

Arsene Wenger alikuwa akifanya kila kitu ndani ya timu, kusajili

Nafasi ya Arsenal kushiriki ligi ya mabingwa wa Ulaya msimu ujao

Kwa muda sasa nimekuwa nikifikiria kama Arsenal inaweza kufanikiwa kucheza katika ligi ya mabingwa wa Ulaya kwa kushika nafasi nne za mwanzo katika ligi kuu ya Uingeleza.

Nafasi mbili tayari zimeshachukuliwa na timu ya Manchester City na Liverpool, hivyo kuacha vita kali ambapo timu nne ambazo ni Arsenal, Totenham, Chelsea na Manchester United zitakuwa zinawania nafasi mbili zilizobakia.

Nafasi ya Arsenal kushiriki ligi ya mabingwa wa Ulaya msimu ujao

Totenham

Uwezekano wa Arsenal kumaliza juu ya Totenham ni mdogo sana, ili Arsenal ifanye hivyo itahitaji ishinde michezo yake yote mitano iliyobakia na Totenham ipoteze ama itoe sare mchezo mmoja.

Totenham watacheza na Manchester City jumamosi hii na nikiwa mkweli naamini watafungwa katika mchezo huo, lakini baada ya mchezo huo watabakisha mechi nne, na kati ya hizo tatu watacheza nyumbani na moja ugenini, kwa kiwango cha Totenham ninategemea ya kwamba watashinda mechi zote nne na kutokana na kuwa na pointi 67 sasa hivyo watafikisha pointi 79.

Arsenal yenye pointi 66 itatakiwa ishinde michezo yake yote mitano ili kumaliza juu ya vijana hao wa Pochetino ama itatakiwa washinde michezo minne na kutoa sare mmoja ili wafikishe pointi 79 na kutafuta mshindi kwa tofauti ya magoli ya kufunga na kufungwa.

Yote yanawezekana, lakini kutokana na mwendo mmbaya wa Arsenal katika mechi za ugenini sioni hilo likitokea hivyo naamini Totenham watamaliza katika nafasi ya tatu.

Chelsea

Vijana wa Mauricio Sarri wamekuwa wakicheza vibaya katika mechi za ugenini na wamefungwa na timu zote kubwa walipocheza ugenini, wana mchezo dhidi ya Manchester United ugenini Old trafford jumamosi ya wiki ijayo, pamoja na ubovu wa Manchester United sioni Chelsea wakishinda mchezo huo, ila naamini watashinda michezo mingine mitatu iliyobakia hivyo Chelsea nawatabiria kumaliza na pointi 75 (Manchester United ni wabovu wanaweza kupata sare na kumaliza na pointi 76).

Manchester United

Vijana wa mmasai Ole Sendeka wana kazi ngumu, baada ya jana kupewa kipigo kitakatifu na timu ya Barcelona na kutupwa nje ya kombe la ligi ya mabingwa wa Ulaya kwa jumla ya magoli 4-0, watahamishia nguvu zao zote kujaribu kuingia katika nne bora ili waweze kushiriki michuano hivyo mwakani.

Jumapili ijayo watakuwa na Everton ugenini, Everton hawatabiriki, leo wanacheza vizuri kesho wanaboronga naamini Machester United wanaweza kushinda mchezo huo.

Baada ya mchezo huo watakuwa na mchezo mgumu dhidi ya Manchester City, pamoja na United kuwa nyumbani naamini ya kwamba vijana wa Guardiola ni bora zaidi ya watashinda mchezo huo.

Kama hilo litatokea Manchester United watahitaji kushinda michezo mingine iliyobaki (ukiwemo mchezo dhidi ya Chelsea) na kufikisha pointi 76.

Kwa kuwa United hawana michuano ya ulaya na watawekeza nguvu zao zote kuna uwezekano mkubwa wa kufikisha pointi hizo 76.

Arsenal

Arsenal kwa sasa wapo nafasi ya nne wakiwa wa pointi 66 wakiwa mbele ya Chelsea kwa tofauti ya magoli ya kufunga na kufungwa.

Arsenal ina mechi mbili nyumbani dhidi ya Crystal

Mashabiki wa Arsenal na wachezaji vijana

Jana nilikuwa naangalia mchezo kati ya timu ya Ujerumani na Uholanzi ambapo wajerumani walishinda kwa jumla ya goli 3-2.

Katika mchezo huo, mchezaji wa zamani wa Arsenal, Serge Gnabry alifunga alifunga moja ya magoli bora kabisa ya mwezi huu baada ya kumfinya beki wa Uholanzi na kupiga mpira kiufundi na kuiandikia Ujerumani goli la pili.

Kama kawaida ya mashabiki wa Arsenal, baada ya kuingia kwa goli hili kulizuka mabishano huku wengi wao wakiulaumu uongozi wa Arsenal kwa kumuuza mchezaji huyo.

Sitaki kuingia kwa undani sababu za Arsenal kumuuza Sergi Gnabry, au mchezaji yeyote, hapa nataka kuongea suala la mashabiki wa Arsenal na wachezaji vijana, wawe wameondoka ama wamebaki Arsenal.

Wachezaji vijana walioondoka Arsenal.

Mashabiki wa Arsenal

Mashabiki wa Arsenal wanaokata kuwachoma moto viongozi wa Arsenal baada ya kuwaruhusu wachezaji vijana kuondoka

Haijalishi kama ni Takuna Asano, Gnabry, Oxlade Chamberlain, au Reiss Nelson, haijalishi kama mchezaji ameondoka moja kwa moja ama kwa mkopo, ikitokea mchezaji huyo akafanya vizuri, baadhi ya mashabiki wataanza kuandika kwa nini mchezaji huyo aliruhusiwa kuondoka , kocha ni mjinga, viongozi ni wapumbavu na mambo mengine kama hayo.

Wanatuaminisha ya kwamba wachezaji hao ni bora sana na Arsenal ilifanya makosa kuwaachia iwe kwa mkopo au moja wa moja.

Wachezaji vijana waliobaki Arsenal

Mashabiki wa Arsenal-wachezaji vijana

Mashabiki wa Arsenal wanaowaunga mkono wachezaji vijana waliopo Arsenal

Mashabiki hao hao wanakuwa wa kwanza kuwatukana na kuwaponda wachezaji wanaochipukia waliopo Arsenal mara wafanyapo makosa hata yawe madogo sana.

Unakumbuka mashabiki waliokua wanamzomea Eddie Nketiah baada ya kufanya vibaya dhidi ya Blackpool na kutaka auzwe?

Kuna mashabiki wengi wa Arsenal wanataka Iwobi auzwe kisa hawezi kupiga pasi ya mwisho, atajifunzaje kama hachezi?

pia kuna mashabiki waliingia kwenye Instagrama ya Ainsley Niles na kumtukana sana kisa alifanya vibaya katika mchezo mmoja.

Ukiangalia kwa makini asilimia kubwa ya wachezaji wanaolia kwa nini Arsenal ilimuacha mchezaji ni hao hao wanaowatukana wachezaji vijana tulionao.

Kama mashabiki hao wangetumia nguvu zao zote kuwapa nguvu wachezaji vijana hasa wanaotoka katika chuo cha soka cha Arsenal cha HALE END, kusingekuwa na haja ya Arsenal kupoteza mamilioni kusajili wachezaji wapya kila mwaka kwani chuo hicho kina wachezaji wengi wenye vipaji vya hali ya juu lakini wengi wao wanashindwa kufikia malengo kutokana na presha kubwa wanayopewa na mashabiki wa soka.

Ni wakati wa kuacha kuwazomea wachezaji wetu hasa vijana na kuwaunga mkono.