Robert Pires-Arsenal wanaweza kuwa mabingwa msimu huu

Mchezaji wa zamani wa Arsenal, Robert Pires anaamini ya kwamba vijana wa Unai Emery wapo katika mbio za ubingwa msimu huu na anaamini itawashangaza watu wengi.

Robert Pires-Arsenal wanaweza kuwa mabingwa msimu huu

Arsenal haijabeba taji la ligi kuu tangu mwaka 2004, kwa sasa wanacheza vizuri wakiwa wamecheza michezo 16 bila ya kufungwa katika mashindano yote.

Kabla ya mchezo wa kesho dhidi ya Bournemouth, Arsenal wapo na pointi 24 baada ya mechi 12, wakiwa pointi 11 nyuma ya vinara Manchester City na mechi moja mkononi.

“Hii timu na kikosi hiki wanauwezo wa kupambana na  Man City, Liverpool, Chelsea na Manchester United kwa sababu wana wachezaji wenye uwezo mkubwa na kocha mzuri ,” Pires alikiambia kituo cha luninga cha ESPN.

“Unai Emery anafanya vizui, hatujafunga katika miezi miwili na tunafurahia matokeo mazuri,” aliongezea. “Wachezaji wamepata aina mpya ya soka na wanaonekana wanajiamini.”Wana uwezo wa kugombea taji laubingwa na kulichukua.”

Pia katika mahojiano hayo Robert Pires aliongelea umuhimu wa Arsenal kuchagua kocha bora baada ya Arsene Wenger kuondoka na anaamini bodi ya Arsenal ilipatia kumchagua Unai Emery kwani anaamini ni kocha bora na mtu sahihi kuiongoza Arsenal kurudisha makali yake ya zamani.

Pires alikuwa ni mmoja ya wachezaji walioweka historia ya kumaliza msimu bila kufunga baada ya kucheza mechi 49 bila ya kupoteza na kutwaa taji hilo mwaka 2004.

Tangu hapo Arsenal haijawahi tena kutwaa taji hilo, Je Emery ataikata kiu ya mashabiki wa Arsenal na kutwaa taji hilo? muda ndiyo utakaotoa jibu.

Je unayaonaje mawazo ya mkongwe Robert Pires ? unaamini Arsenal inaweza ikamaliza juu ya Liverpool na Manchester City? tupia maoni yako hapa chini.

Speak Your Mind

*