Sol Campbell aanza kazi kama kocha wa Macclesfield Town

Mchezaji mkongwe wa Arsenal, Sol Campbell amepata kazi yake ya kwanza kama kocha baada ya kuteuliwa kuinoa timu ya Macclesfield Town iliyopo ligi daraja la pili la Uingeleza.

Sol Campbell aanza kazi kama kocha wa Macclesfield Town

Beki huyo wa zamani wa kimataifa wa Arsenal na Uingeleza amechukua mikoba katika timu hiyo inayotumia uwanja wa Moss Rose, timu hiyo ilitangaza leo jumanne.

Hii itakuwa kazi ya kwanza ya Campbell tangu astaafu kucheza soka mwaka 2011.

Sol Campbell mwenye umri wa miaka 44 anachukua nafasi ya aliyekuwa kocha mkuu wa timu hiyo Mark Yates, ambaye alitimuliwa mwezi uliopita baada ya kuiongoza timu hiyo kucheza michezo 12 bila ya kushinda.

Hiyo siyo kazi rahisi kwa Cambpell kwani timu hiyo inashika nafasi ya 92 kati ya timu 92 zinazounda ligi zote nne za Uingeleza (ligi kuu, Champioship,Ligi daraja la kwanza na ligi daraja la pili).

Kila la heri Sol Campbell.

Speak Your Mind

*