Tetesi za usajili Arsenal-Ousmane Dembele-Goncalo Guedes-Cristian Pavon na Mustafi

Wakati Arsenal wakiendelea na mazoezi ya kujiandaa na msimu mpya, kuna baadhi ya wachezaji wamehusishwa na kuhama ama kuhamia Arsenal.

Katika tetesi za usajili wa leo tunakuletea habari zinazowahusu wachezaji Ousmane Dembele,Goncalo Guedes,Cristian Pavon na Mustafi.

Ousmane Dembele

Tetesi za usajili Arsenal-Ousmane Dembele-Goncalo Guedes-Cristian Pavon na Mustafi

Gazeti za the Express limemuhusishwa mchezaji Barcelona Ousmane Dembele, na kuhamia Arsenal, katika taarifa hiyo inasemekana ya kwamba mchezaji huyo ana wasiwasi wa kwamba atakosa nafasi ya kucheza michezo mingi katika timu hiyo ya Hispania kutokana na kuwepo na ushindani mkubwa wa namba katika kikosi hicho.

Wakati huo huo gazeti la Manchester Evening limeandika ya kwamba Barcelona hawatakubali kumuuza mchezaji huyo kwani yupo katika mipango yao ya baadaye.

Goncalo Guedes

Goncalo Guedes anatakiwa na Arsenal

Goncalo Guedes anatakiwa na Arsenal

Gazeti la Experess pia linaandika ya kwama kocha mkuu wa Arsenal anamtaka mshambuliaji wa PSG Goncalo Guedes ambaye inasemekana ana dhamani ya paundi milioni 44.

Taarifa zilizoandikwa na vyombo vingine vya habari zinadai ya kwamba tayari Arsenal imewasilisha ombi rasmi la kumsajili mchezaji huyo lakini bado hawajapewa jibu.

Cristian Pavon

Kocha wa Arsenal, Unai Emery ana mpango wa kumfanya Cristian Pavon kuwa mchezaji wa nne kusajiliwa na Arsenal msimu huu.

Pavon ambaye alikuwa anatafutwa na Arsenal mwezi wa kwanza kuchukua nafasi ya Alexis wakati akihamia Manchester United, yupo kwenye mipango ya kocha Emery katika msimu huu.

Lakini timu anayoichezea mchezaji huyo mwenye umri wa miaka 22,Boca Juniors ya Argentina inasemekana hawana mpango wa kumuuza mchezaji huyo ingawa dau kubwa linaweza kusaidia kubadilisha msimamo wao.

Shkodran Mustafi

Shkodran Mustafi

Gazeti la Corriere dello Sport  linaandika ya kwamba Juventus inamtaka beki wa kati wa Arsenal Shkodran Mustafi.

Beki huyo ambaye hakucheza vizuri katika msimu uliopita na kufanya makosa mengi hali iliyomfanya kutemwa katika kikosi cha timu ya taifa ya Ujerumani.

Kuwasili kwa Sokratis Papastathopoulos kunaweza kuwa mwisho wa mchezaji huyo kuvaa jezi za Arsenal kwani kuna taarifa za kwamba Arsenal walikuwa tayari kumuuza msimu ujao na watafanya hivyo msimu huu iwapo itapatikana timu iliyo tayari kumsajili.

Hizo ndizo tetesi tulizokuletea kwa leo.

 

Comments

  1. Tetenasi

Speak Your Mind

*