#TimeForTorreira-Arsenal yakamilisha usajili wa Lucas Torreira

Timu ya Arsenal imekamilisha usajili wa kiungo mkabaji kutoka Uruguay Lucas Torreira.Mchezaji huyo mwenye umri wa miaka 22 alishiriki katika michuano ya kombe la dunia nchini Russia ambapo alicheza vizuri kiasi cha kuvutia watu wengi.

 #TimeForTorreira-Arsenal yakamilisha usajili wa Lucas Torreira

Baada ya kukamilika kwa usajili huo Kocha mkuu wa Arsenal Unai Emery alisema “Lucas Torreira ni mchezaji kijana mwenye kipaji cha hali ya juu.Ni kiungo mwenye ubora wa hali ya juu, nilimwangalia akiwa akiichezea timu ya Sampdoria katika misimu miwili na pia wote tuliona alivyofanya vizuri akiwa na Uruguay akatika kombe la dunia.Ni mchezaji mwenye umri mdogo lakini akiwa na uzoefu wa kutosha ambaye anataka kuwa bora zaidi.Tunamkaribisha Lucas katika timu, tunaamini atajiunga na kambi ya kujiandaa kwa msimu ujao muda si mrefu.”

Lucas Torreira alianza maisha ya soka akiwa na timu ya I.A 18 Julio na baadaye Montevideo Wanderers zote za nchini kwao Uruguay,Lucas alihamia Italia mwaka 2013 ambapo alijiunga na timu ya Pescara,ambapo aliichezea kwa mara ya kwanza mwaka 2015 mwezi wa tano.

Torreira atavaa jezi namba 11 akiwa katika timu ya Arsenal, Jezi hiyo imeachwa wazi na Mesut Özil ambaye amechukua jezi namba 10 iliyoachwa wazi na Jack Wilshere aliyejiunga na West Hama hapo jana.

Karibu Arsenal  Torreira.

Je mashabiki wa Arsenal mnauonaje usajili huu? tupia maoni yako hapo chini.

Comments

  1. Lucas ni usajiri bora zaidi! Ataleta tofauti kubwa Arsenal!

Speak Your Mind

*