Wito wangu kwa mashabiki wa Arsenal-Tumpe Unai Emery muda

Msimu mpya wa ligi kuu ya Uingeleza unaanza leo kwa mchezo kati ya Machester United na Leicester City, kwa sisi mashabiki wa Arsenal kuanza kwa msimu mpya ni mwanzo kwa kila kitu, kocha mpya, benchi jipya la ufundi, wachezaji watano wapya, mifumo mipya ya uchezaji, nyuma ya pazia pia kumefanyika mabadiliko mengi.

Wito wangu kwa mashabiki wa Arsenal-Tumpe Unai Emery muda

Kwa mara ya kwanza tangu mwaka 1996,Arsenal itaanza msimu mpya bila ya mfaransa Arsene Wenger, hili ni jambo zuri kwani kwa mara ya kwanza nimeona mashabiki wengi wakiwa na matumaini mapya na timu hii.

Unai Emery anaanza maisha yake rasmi kama kocha wa Arsenal kwa kupambana na mabingwa watetezi, Manchester City.Baadaye ataenda darajana kucheza na Chelsea, ni mechi ngumu sana kwa kocha mgeni, lolote linaweza kutokea, tunaweza kushinda na kuondoka na point 6 na pia ni rahisi kufungwa mechi zote mbili na kuondoka na point 0.

Hapo ndipo ninapoanza kupatwa na wasiwasi, mimi binafsi naamini tutawafunga City na Chelsea,lakini soka ni mchezo wenye matokea matatu, kushinda,kufungwa na kutoa sare, wasiwasi wangu unakuja kutokana na tabia ya mashabiki wa Arsenal kukosa subira.

Yakitokea matokeo hasi nisingependa kuona matusi kuelekea kwa kocha Emery au mchezaji yeyote, ikumbukwe ya kwamba Emery amekakaa na timu kwa miezi isiyozidi miwili, itachukua muda kwa wachezaji kuuelewa mfumo wake na jinsi anavyotaka wacheze.

Kumbuka ya kwamba Pep Guardiola ilimchukua mwaka msima na paundi milioni 500 kuibadilisha Manchester City na Klop katumia zaidi ya paundi milioni 400 hajachukua hata kombe la mbuzi.Kumbuka Emery katumia paundi milioni 66 tu na ana miezi miwili na timu.

Cha msingi sisi wote kama mashabiki wa Arsenal tunatakiwa tuungane wote, tuisapoti timu yetu bila ya kujali matokeo, vaa jezi yako tembea kifua mbele naamini msimu huu tutafanya vizuri.

Cha msingi tumpe muda Unai Emery ili ajenge timu ambayo itatupatia furaha na makombe. #GoUnaiGO #COYG

Speak Your Mind

*